Zecchino d'Oro

El Zecchino d'Oro xe na manifestaxion canora riservà ai toxeti, che se svolge anualmente in Italia dal 1959^[1][2][3] e diventa na gara internaxionałe dal 1976 ^[3], che vien mandà in onda da Rai 1 e in Eurovision. Ideatore de ła manifestaxion xe Niny Comolli e presentada da Cino Tortorella^[1], par ani (fin al 2008) condutore storico del programa (inixialmente inte i pani de Mago Zurlì)^[1].

Zecchino d'Oro

Paeze	Itàłia
Ano	1959-in produxion
Zènare	tełevizion dei putełi
Ecuìp tècnega
Creador	Niny Comolli
Conpangnia produtora	Antoniano (it)
Łéngua orizenałe	italian
Canałe orizenałe	Rai 1
Primo epizòdio	1959
Stajon	66
Pì informasion
Sito web	zecchinodoro.org

La manifestaxion se ga svolta par la prima volta dal 24 de setenbre al 26 de setenbre 1959 ^[1][3]: le prime do edixion se ga svolte a Miłàn^[1], ma dal 1961 ła sede stàbiłe xe diventà el Teatro Antoniano de Bołogna ^[1]. Le canson in gara łe xe aconpagnà dal Piccolo Coro dell'Antoniano, par ani direto da Mariele Ventre e a eła intitołà dopo ła so' morte avegnù inte el 1995.^[1].

Tra łe canson pì famoxe che ga parteçipà al Zecchino d'Oro, ricordemo Lettera Pinocchio, Quarantaquattro gatti, Il caffè della Peppina, Il walzer del moscerino (interpretà da Cristina d'Avena), Popoff (interpretà da Walter Brugiolo), Le tagliatelle di Nonna Pina, Il coccodrillo come fa, ecc.^[1]

El premio prinsipal ciamà Zecchino d'Oro el vien consegnà ai autori de ła canson che vinse e no ai putini che la canta. Sta regoła a vien osservada fin da ła prima edizion. Un avegnimento storico se ga verificà inte el 1997 a ła 40ª edixion, che vede ła partisipàsion de Yumiko Ashikawa (芦川祐美子), unica putina a presentarse come autrice e interprete de ła canson da eła stessa scritta e musicada, La pioggia (あめ).