Conserva ałimentària
![Cheło che te ghè schcià el rimanda a sta voxe, parché el xe on so sinònemo o el vien esplegà cuà drento.](http://upload.wikimedia.org/wikipedia/commons/thumb/0/00/DAB_list.svg/20px-DAB_list.svg.png)
Łe conserve alimentari łe xe el rexultà del proceso de ła manpołasion dei ałimenti in manjiera che se èvite o se rałéntee ła so deteriorasion (pèrdida de cuałità, comestibiłità o vałori nutrisionałi). Na conserva ła xe ogni varietà de ortajo, e no soło, conservà in varie manjiere par poder èsar magnà anca fora stajon. Finmente inte i tenpi antighi, vegnea parecià in caxa da łe masare łe conserve, par poder conservar el magnar e èsar consumà co no ghe xera dispunibiłità de magnar fresco. Se połe cuindi dir che sta operasion ła costuma farse par evitar el cresimento de fonghi e altri microorganismi inte i ałimenti, cusita come par rałentar ła osidasion del graso, inte ła carne, che el ghene pròvoca el so inagrimento.
![](http://upload.wikimedia.org/wikipedia/commons/thumb/8/80/Waste_not_want_not_WWI_poster.jpg/220px-Waste_not_want_not_WWI_poster.jpg)
![](http://upload.wikimedia.org/wikipedia/commons/thumb/a/a9/Konservering.jpg/220px-Konservering.jpg)
Istòria
canbiaCo el vegner vanti de ła indùstria ałimentare, da ła metà del XIX secolo, se ga scumisià co ła produsion industriałe de conserve ałimentari. Intrà łe prime de tuti i xenari łe xe stae seguramente łe conserve de pomadoro inte ła version de pasada, pełai e consentrai de pomadoro. Seventemente łe xe stae pò produxeste łe marmełae de fruta e da sto momento, ogni prodoto el ga podesto èsar stà conservà, dipendendo dal tipo, soto ojo o sałamoja (anca dito no coretamente sałamora).
Intrà łe conserve se ghe połe métar drento anca on mùcio de altre sorte de ałiminti, cofà par exenpio el pese (soto ojo o al nadurałe) e ła carne (in xełatina).
Da ła metà del XX secolo, col difóndarse dei frigorìfari domèsteghi co surxełador e ła caena del fredo, ga tacà difóndarse anca i prodoti surxełai che i ga rendesto pì ràpida ła preparasion del magnare, inte el spesìfego in chełe fameje, senpre pì numaroxe, andove tuti e do i ghea on laoro fora caxa.
Uncó, sto xenaro de ałimenti, el xe on mùcio difondesto e se prevede che ło sìpia senpre de pì, man man che ła indùstria ałimentar ła vansarà inte i studi de ła tecnołoxia ałimentare par ła produsion de sti ałimenti conservai rapidamente pronti par èsar magnai.
Notasion
canbiaAltri projeti
canbiaWikimedia Commons el detien imàjini o altri file so Conserva ałimentària
Linganbi foresti
canbia- (IT, DE, FR) Conserva ałimentàriahls-dhs-dss.ch, Disionàrio stòrego de ła Svìsara.