نصیر الدین شاہ

برابانکی اتر پردیش میں پیدا پونے والے نصیرالدّین شاہ انیسویں صدی کے افغان جنگجو جان فشان خان کی نسل سے ہیں۔ ان کے دیگر مشہور رشتے دارہں میں، افغان مصنّف ادریس شاہ، مشہور پاکستانی اداکار سید کمال شاہ، شاہ محمود عالم اور کرکٹ کھلاڑی اویس شاہ شامل ہیں۔^[2] ابتدائی تعلیم سینٹ اینسلم اجمیر اور سینٹ جوزف کالج، نینی تال سے حاصل کی۔ علم فنون میں ڈگری جامع علیگڑہ سے حاصل کی۔ 1971میں دہلی کے نیشنل اسکول آف ڈراماگئے۔

نصیر الدّین شاہ کو بھارت کے بڑے پردے کے ساتھ ساتھ دیگر سنیما اسکرین پر بھی کافی مقبولیت حاصل ہوئی۔ انھوں نے کئی بین الاقوامی فلموں میں بھی کام کیا جن میں لیگ آف ایکسٹرا آرڈنری جینٹلمین شامل ہے۔

ان کی مشہور فلموں میں نشانت، آکروش، اسپرش، مرچ مصالحہ، البرٹ پنٹو کو غصّہ کیوں آتا ہے، تریکال، بھاونی بھوائی، جنون، موہن جوشی حاضر ہو، اردھ، ستیا، کتھا اور جانے بھی دو یاروں شامل ہیں۔ ان کی مشہور ترین فلموں میں معصوم شامل ہے جو سینٹ جوزف کالج نینی تال میں فلمائی گئی۔

وہ بھارتی سنیما میں 1980 کی فلم ہم پانچ سے متعارف ہوئے۔ انھیں اگلی کامیابی 1986ء کی فلم کارما سے ملی جس میں انھیں دلیپ کمار کے ساتھ کام کرنے کا موقع ملا۔ اگلی فلموں میں اجازت (1987)، جلوا (1988)، ہیرو ہیرا لال (1988) شامل ہیں۔

انھوں نے کئی اور بھی فلموں میں کام کیا جن میں غلامی (1985)، تری دیو (1989)، وشواآتما (1992) شامل ہیں۔ 1994 میں انھوں نے فلم موہرا میں منفی کردار ادا کیا، یہ ان کی سویں فلم تھی۔

نصیر الدین شاہ اپنی ٹولی کے ساتھ نئی دہلی، ممبئی، بینگلورو اور لاہور میں کئی کھیل پیش کر چکے ہیں۔ انھوں نے اوندر کمار، عصمت چغتائی اور سعادت حسن منٹو کے لکھے گئے ڈراموں کی ہدایکاری کی ہے۔

فلم کی دنیا میں ان کی پہلی ہدایت کردہ فلم یوں ہوتا تو کیا ہوتا 2006 میں پیش ہوئی۔ اس فلم میں کام کرنے والے اداکاروں میں کونکونا سین شرما، پاریش راول، عرفان خان، عائشہ تاکیا اور ان کے بیٹے اماد شاہ اور ان کے پرانے دوست روی واسوانی شامل ہیں۔

ان کی شادی بھارتی اداکارہ رتنا پاٹک شاہ سے ہوئی جن سے ان کے دو بیٹے اماد اور ویوان ہیں۔ جانے تو یا جانے نا، مرچ مصالحہ اور پرفیکٹ مرڈر ۔^[3][4] میں دونوں نے ساتھ کام کیا ہوا ہے۔ نصیر الدّین کی پہلی شادی سے ایک بیٹی بھی ہے جس کا نام ہبا شاہ ہے۔ انھوں نے رتنا پاٹک سے شادی ہبا کی والدہ کے انتقال کے بعد کی^[5]

یون ہوتا تو کیا ہوتا (2006)