میریلن مونرو

میریلن مونرو (انگریزی: Marilyn Monroe) (یکم جون 1926ء – 5 اگست 1962ء)،ایک امریکی اداکارہ، گلوکارہ اور ماڈل تھیں۔ پیدا ئش کے وقت اس کا نام نورما جین بیکر تھا۔ نورما جین اس روز ریاست کیلی فورنیا کے مغربی ساحلی شہر لاس اینجلس میں پیدا ہوئی۔ جہاں اس کا جنم ہوا، وہ جگہ ہالی وڈ اسٹوڈیوز کے قریب ہی واقع تھی۔اس کی مان گلیڈیز بیکر دماغی عارضے میں مبتلا تھی۔ جب مرض شدت اختیار کرتاتھا تو اسے لمبے عرصے کے لیے اسپتال لے جانا پڑتاتھا۔ ایسے میں نورما کو دیکھ بھال کے لیے مختلف لوگوں کے پاس بھیج دیا جاتاتھا۔

اپنے بچپن کا بیشتر حصہ یتیم خانوں میں گزارنے کے بعد مونرو نے ایک ماڈل کی حیثیت سے اپنی پیشہ ورانہ زندگی کا آغاز کیا جس کے نتیجے میں انھیں 1946ء میں ایک فلم میں کام کرنے کی پیشکش ہوئی۔ ابتدائی طور پر انھیں چھوٹے موٹے کردار ملے، لیکن اسفالٹ جنگل (The Asphalt Jungle) اور آل اباؤٹ ایو (All About Eve) (دونوں 1950ء) میں شاندار کارکردگی کے باعث ان کی پزیرائی کی گئی۔ جینٹل مین پریفیر بلونڈز (Gentlemen Prefer Blondes)، ہاؤ ٹو میری اے ملینیئر (How to Marry a Millionaire)، سم لائیک اٹ ہوٹ (Some Like It Hot) اور دی سیون ایئر اچ (The Seven Year Itch) میں طربیہ اداکاری نے انھیں ہالی ووڈ کی مشہور اور مسحور کن ترین اداکاراؤں میں سے ایک بنا دیا۔

مستقلاً ایک ہی انداز کے کردار نبھانے کے باعث آگے بڑھنے کے امکانات محدود ہونے کے پیش نظر نئے کرداروں میں جلوہ گر ہوئیں۔ میریلن نے ایکٹرز اسٹوڈیو میں تعلیم حاصل کی اور میریلن مونرو پروڈکشنز قائم کی۔ بس اسٹاپ (Bus Stop) میں ان کی یادگار کارکردگی کو ناقدین نے بھرپور انداز میں سراہا ۔ سم لائیک اٹ ہوٹ میں اداکاری پر آپ کو گولڈن گلوب ایوارڈ سے بھی نوازا گیا۔

مونرو کی زندگی کے آخری ایام بیماریوں، ذاتی مسائل اور کام کے لیے ناقابل بھروسا اور مشکل فرد کی ساکھ بننے کے باعث انتہائی مشکلات میں گذرے۔ ضرورت سے زیادہ دوا استعمال کرنے کے باعث آپ کی موت واقع ہو گئی۔ باضابطہ طور پر تو اسے خودکشی قرار دیا گیا لیکن حادثاتی طور پر زائد خوراک کے استعمال اور قتل کا شبہ بھی خارج از امکان نہیں۔

1999ء میں امریکن فلم انسٹیٹیوٹ نے انھیں تاریخ کی عظیم ترین خاتون اداکاراؤں میں چھٹا درجہ دیا۔

• فلم سٹار میریلین مونرو، موت کے نصف صدی بعد بھی مقبول^{[مردہ ربط]}

1. ↑ Was Marilyn Monroe a Natural Blonde? Here's What We Know — اخذ شدہ بتاریخ: 24 مارچ 2024
2. ↑ Balbuzie non ti temo: l'esempio dei grandi personaggi — اخذ شدہ بتاریخ: 13 دسمبر 2023 — سے آرکائیو اصل فی 13 دسمبر 2023 — شائع شدہ از: 3 فروری 2021
3. ↑ Celebrities and other famous people who have had stutters — اخذ شدہ بتاریخ: 13 دسمبر 2023 — سے آرکائیو اصل فی 28 نومبر 2019 — شائع شدہ از: 10 دسمبر 2019
4. ↑ https://www.nndb.com/edu/710/000079473/ — اخذ شدہ بتاریخ: 7 مئی 2022
5. ↑ http://data.bnf.fr/ark:/12148/cb11916572r — اخذ شدہ بتاریخ: 10 اکتوبر 2015 — مصنف: فرانس کا قومی کتب خانہ — اجازت نامہ: آزاد اجازت نامہ
6. ↑ کونر آئی ڈی: https://plus.cobiss.net/cobiss/si/sl/conor/54165347
7. ↑ میوزک برینز آرٹسٹ آئی ڈی: https://musicbrainz.org/artist/6e60deeb-a666-42c5-95cb-a5eada6bbbe5 — اخذ شدہ بتاریخ: 16 ستمبر 2021