நோல்

நோல் (knol), என்பது பயனர்களால் எழுதப்பட்ட கட்டுரைகளை சேமிக்கும் பொருட்டு கூகுள் நிறுவனத்தால் தொடங்கப்பட்டது. பன்மொழிகளில், பல தலைப்புகளில் பயனர்களால் எழுதப்பட்ட கட்டுரைகளை ஒன்றிணைக்கும் திட்டமான இது ஏறத்தாழ விக்கிப்பீடியா போன்றதே எனினும் இது எந்தக் கொள்கைகளையும் கொண்டிருக்கவில்லை. கட்டுரைகள் குறித்த கருத்துகளை பயனர்கள் இடுவதும், உரையாசிரியர்கள் நடுநிலை இன்றி எழுதியதும் இதற்கும் விக்கிப்பீடியாவிற்கும் உள்ள சில வேறுபாடுகள். சில நூறாயிரம் பேரால் பயன்படுத்தப்பட்டு, ஏறத்தாழ நூறாயிரம் கட்டுரைகளைக் கொண்டிருந்தது. சில மருத்துவம் குறித்த கட்டுரைகளையும் கொண்டிருந்தது. 2011 ஆம் ஆண்டு நவம்பர் மாதத்தில் இச்சேவை நிறுத்தப்பட்டது. இதற்கு பதிலாக வேறொரு தளத்திற்கு மாற்றவும் பரிந்துரைத்தது.