ஜவகர்லால் நேரு விருது

பன்னாட்டுப் புரிந்துணர்வுக்கான ஜவகர்லால் நேரு விருது (Jawaharlal Nehru Award for International Understanding) என்பது இந்திய அரசினால் 1965ஆம் ஆண்டு நிறுவப்பட்ட ஒரு பன்னாட்டு விருதாகும். மறைந்த பாரதப் பிரதமரான நேரு தன் வாழ்முழுதும் உலக அமைதிக்காகப் பாடுபட்டதைக் கௌரவிக்கும் வகையில் இவ்விருது அவர் பெயரால் நிறுவப்பட்டுள்ளது. உலகின் பல்வேறு மக்களிடையே அன்பு, நட்பு மற்றும் புரிதலை வளர்க்கும் நபர்களுக்கு ஆண்டுதோறும் வழங்கப்படுகிறது. இது இந்திய ரூபாய் 2.5 மில்லியனுக்கு பணமுடிப்பைக் கொண்டது. அன்னை தெரேசா (1969), நெல்சன் மண்டேலா (1979), எகுடி மெனுகின் (1968) போன்றோர் ஜவஹர்லால் நேரு விருது பெற்றோருள் சிலர்.