சாப்மி

சாப்மி (Sápmi) என்பது சாமி மக்களின் பாரம்பரியமான பிரதேசம் ஆகும். இப்பிரதேசம் வடக்கு ஐரோப்பாவில் அமைந்துள்ளது. இது பெனோஸ்காண்டியாவின் வடக்குப் பகுதியையும் உள்ளடக்கியது. இப்பிரதேசம் நோர்வே, சுவீடன், பின்லாந்து, மற்றும் உருசியா ஆகிய நான்கு நாடுகளின் பகுதிகளில் அமைந்துள்ளது.^[1] நோர்வேஜிய, சுவீடிய மொழியில் இது "சேம்லாந்து" (Sameland) என அழைக்கப்படுகிறது.

சாப்மி
Sápmi

ஐரோப்பாவில் சாப்மி
நாட்டுப்பண்	சாமி சோகா லாவில்லா
தேசிய நாள்	பெப்ரவரி 6 (சாமி தேசிய நாள்)
மொழிகள்	சாமி மொழிகள், நோர்வே மொழி, சுவீடியம், பின்னியம், மியான்கீலி, உருசியம்
பரப்பளவு	அண். 388,350 கிமீ2; (150,000 சது.மைல்)
மக்கள்தொகை	அண். 2,000,000 மொத்தம் ~900,000 உருசியர்* ~850,000 நோர்வேஜியர்* ~630,000 சுவீடியர்* அண். 80,000–100,000 அல்லது மேல் சாமி ~30,000–125,000 டோர்னேதலியர் ~10,000–60,000 குவெனுகள் ~13,000 பின்னுகள்* * = சிறுபான்மையினர் அடங்கலாக.
விடுதலை	இல்லை¹
நேர வலயம்	ஒசநே +1 முதல் +3
¹ நோர்வே, சுவீடன், பின்லாந்து, உருசியா ஆகிய நாடுகளின் பகுதி.

சோவியத் ஒன்றியத்தின் வீழ்ச்சி, மற்றும் உலகமயமாக்கலின் அதிகரிப்பு ஆகிய காரணிகளால் நாடுகளுக்கிடையேயான எல்லைகளுக்கு முக்கியத்துவம் குறைந்து, எல்லை-கடந்த கூட்டுறவு சாமி பழங்குடி மக்களிடையேயும், ஏனையோரிடையேயும் முக்கியத்துவம் பெற்றது. சாப்மி பிரதேசத்தில் உருசியர்களும், நோர்வேஜியர்களும் அதிகம் வாழ்கின்றனர். சாமி பழங்குடி மக்கள் 5% மட்டுமே உள்ளனர்.^[2] எந்த ஒரு அரசியல் கட்சியும் இங்கு பிரிவினை கேட்கவில்லை ஆயினும், அங்குள்ள பழங்குடியினருக்கு கூடுதலான சுயாட்சி வழங்குமாறு பல குழுக்கள் கேட்டு வருகின்றன.