Yelle
Yelle es a l'encòp lo pseudonim de la cantaira francesa d'origina bretona Julie Budet (nascuda lo 17 de genièr de 1983 a Saint-Brieuc en Bretanha) e lo nom del grop electro pop qu'a fondat en 2005 ambe son companh Jean-François Perrier (dich "Grand Marnier").
![](http://upload.wikimedia.org/wikipedia/commons/thumb/2/2b/Yelle_La_Rochelle_10-07-2021.jpg/200px-Yelle_La_Rochelle_10-07-2021.jpg)
Yelle es estat descobèrt en 2005 sus las rets gràcias al tròç electro pop Je veux te voir, publicat jol format disc al mes d'agost de 2006. L'animator e umorista a la television francesa Michaël Youn convida alavetz lo grop sus l'album de Fatal Bazooka (son pròpri grop) : Julie Budet i interprèta en duò ambe el la cançon umoristica Parle à ma main, que foguèt una gròssa capitada en França fin 2007, quitament n°1.[1]
Lo primièr album de Yelle, entitolat Pop Up, es publicat lo 3 de setembre de 2007, en plena mòda tecktonik en França. Conten en particular una represa de la cançon À caus' des garçons del duò femenin del meteis nom. Dins aquel contèxt, la version tecktonik d'aquela represa obten mai de resson que la version originala de l'album de Yelle, e ven quitament l'un dels títols emblematics de la dicha mòda tecktonik en França.[2]
Una novèla version de Je veux te voir es tornarmai publicada ambe succès en 2008.[3]
Discografia
modificar- 2007 : Pop-up
- 2011 : Safari Disco Club
- 2014 : Complètement fou
- 2020 : L’Ère du Verseau
Referéncias
modificar- ↑ Fatal Bazooka feat. Yelle, Parle à ma main, meilleure position : n° 1 du Top Singles France, entré dans le Top le 03/12/2007 https://www.chartsinfrance.net/Yelle/Parle-a-ma-main-sc6434.html
- ↑ Yelle, À Cause Des Garçons, meilleure position : n° 11 du Top Singles, entré dans le Top le 24/12/2007 https://www.chartsinfrance.net/Yelle/A-cause-des-garcons-s6454.html
- ↑ Yelle, Je Veux Te Voir (remixes 2008), meilleure position : n° 4 du Top Singles France, entré dans le Top le 07/04/2008 https://www.chartsinfrance.net/Yelle/Je-veux-te-voir-s6526.html