Murat (Tarn)

Murat (atestacion Murato, al començament del sègle IX) es un derivat de mur, amb l'apondi del sufixe -atum, çò que dona lo sens d'una aglomeracion aparada per de muralhas^[5],^[6].

• Canac : se l'origina es la meteissa que la de Chanac (Gavaudan), lo nom s'explica pel nom d'òme latin Canus e lo sufixe -acum; s'es la meteissa que per Chanac (Corresa), solucion mens probabla, lo nom s'explica pel nom d'òme latin Calo, Calonis, totjorn amb lo sufixe -acum. ^[7], latinizacion del sufixe gallés -*aco-. Seriá d'un biais o de l'autre una propietat rurala gallo-romana.
• Boisseson : se l'origina es la meteissa que per Boisseson, es un compausat de buxea (del latin buxus, "bois", e sufixe collectiu -ea) e del gallés dunum, "puèg, fortalesa", o de buxetum (del latin buxus e sufixe collectiu -etum) e sufixe -onem^[8]; mas Boisseson (masatge, anciana parròquia) es benlèu tot simplament un transferiment de Boisseson (la comuna situada prèp de Castras).
• La Becièira (?) seriá un compausat de bèç amb lo resultat del sufixe latin -aria; la preséncia de l'article fa supausar una formacion occitana del segond millenari;
• Candobre (?), en francés Candoubre, es un masatge situat sus la D162B, al moment que se partís en dos abans de confluir amb la D162, a quicòm coma 2,5 o 3km a l'OSO del capluòc. Se pòt conferir amb Cantobre, comuna de Nant, que deu èsser un *Cant-ò-briga, del celtic canto-, « redond, circular », e gallés briga, inaccentuat, « nautor, fortalesa » ^[9],[10]; mas i a doás diferéncias, o e non pas ò dobèrt, e lo t se sonoriza normalament pas en d dins una tala posicion. Se pòt tanben conferir amb Candesoubre^[11] o Candezoubre ^[12], riu prèp d'Albina e de La Cabareda : Candobre es prèp d'un afluent de Vèbre (nom francés).

• Pierre Rivemale (1910-1945) pintre, que la familha ven de Canac, e que pintèt de païsatges de Murat.

1. ↑ Pojada, Patrici. Repertòri toponimic de las comunas de la region Miègjorn-Pirenèus. Nouvelles Éditions Loubatières, 2009. ISBN 978-2-86266-573-3. 
2. ↑  Toponimia occitana.
3. ↑ Congrès permanent de la lenga occitana. Top'Òc: Diccionari toponimic occitan.
4. ↑ Institut d'Estudis Occitans. BdTopoc–Geoccitania.
5. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 486
6. ↑ Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007
7. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 171, a 1. Chanac
8. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 92, a Boisseron
9. ↑ Xavier Delamarre, Noms de lieux celtiques de l'Europe ancienne, ed. Errance, 2012, p. 103
10. ↑ Xavier Delamarre, Dictionnaire de la Langue gauloise, ed. Errance, 2na edicion, 2008, p. 104 e 86
11. ↑ https://web.archive.org/web/20160424085524/http://hautevalleeduthore.overblog.com/sauveterre-le-ruisseau-de-candesoubre
12. ↑ http://www.ladepeche.fr/article/2015/09/08/2172295-la-randonnee-du-candezoubre-c-est-dimanche.html

• Comunas de Tarn

• site de la vila
• Site del sindicat d'initiativa de Murat

• Portal de Lengadòc