Love Unlimited

Teksten er skriven av Doni Vasileva som kom opp med ideen om å nytte orda «eg elskar deg» på fleire språk. Versa er skriven på bulgarsk, men refrenga og avsluttinga inneheld setninga «eg elskar deg» på ti ulike språk:

1. «Seviyorum seni» (tyrkisk)
2. «S'agapáo polí» (gresk)
3. «Yo te quiero a ti» (spansk)
4. «Volim te» (serbokroatisk)
5. «Teb obicham» (bulgarsk)
6. «But dehaftu mange» (romanés)
7. «Voglio bene a te» (italiensk)
8. «Mən səni sevirəm» (aserbajdsjansk)
9. «Je t'aime» (fransk)
10. «I love you so much» (engelske ord på slutten av songen)

Det er òg to andre setningar i refrenget som ikkje er på bulgarsk: «ya habibi» som tydar «min elskade» på arabisk og «mon cheri» som tydar «min kjære» på fransk.

14. januar 2012 deltok Sofi Marinova i semifinalen i Bylgarskata pesen za Evroviziya 2012 og gjekk vidare til finalen. I finalen 29. februar 2012 vann songen med 20 poeng og skal representere Bulgaria i Eurovision Song Contest 2012.

Songen fekk starte som éin av dei åtte fyrste i den andre semifinalen, men gjekk ikkje vidare til finalen. «Love Unlimited» var det fyrste bidraget i Eurovision Song Contest med tekst på aserbajdsjansk.