Gary Lineker

Gary Winston Lineker (fødd 30. november 1960) er ein tidlegare engelsk fotballspelar og seinare sportsjournalist. Han har skåra den engelske rekorden på 10 mål i fotballverdsmeisterkapar. Sidan 1990-talet har han vore programleiar for fotballprogrammet Match of the Day på BBC.

Gary Lineker

Gary Lineker i 2011
Personleg informasjon
Fullt namn	Gary Winston Lineker
Fødselsdato	30. november 1960 (63 år)
Fødestad	Leicester i England
Høgd	177 cm
Posisjon	Angrepsspelar
Seniorkarriere*
År	Lag	Kampar	(Mål)
1978-1985	Leicester	194	(95)
1985-1986	Everton	41	(30)
1986-1989	Barcelona	103	(43)
1989-1992	Tottenham	105	(67)
1992-1994	Grampus Eight	23	(9)
Totalt		460	(238)
Landslag
1984-1992	England	80	(48)
* Seniorklubbkampar og mål berre telt for nasjonal liga

Lineker byrja fotballkarrieren ved Leicester City i 1978, der han blei delt toppskårar i førstedivisjonen i 1984–85. Han spelte deretter for Everton, der han skåra 30 mål på 41 spel. Med Barcelona vann han Copa del Rey i 1988 og Cupvinnarcupen i 1989.

Han vende tilbake til England i 1989, der han spelte for Tottenham Hotspur. Over tre sesongar skåra han 67 mål i 105 kampar, og vann FA-cupen. Den siste klubben han spelte for var japanske Nagoya Grampus Eight. Han trekte seg tilbake i 1994 etter to sesongar i Japan.

Lineker sin seniorkarriere varte i 16 år og han spelte 567 kampar. Totalt skåra Lineker 282 på klubbnivå og 48 i landskampar, totalt 330 mål. Gjennom sin lange karriere fekk Lineker aldri gult eller raudt kort.^[1][2] For dette blei han heidra med FIFA Fair Play Award i 1990. Han er også teken opp i English Football Hall of Fame. Som sterk supporter for Leicester City leia han eit konsortium som investerte i klubben for å redda han frå konkurs, og blei utnemnd til æresvisepresident.