Hassium

Hassium is en cheemsch Element, dat blots künstlich vörkummt. Dat Element, dat to de Transactinoiden tellt, hett dat Atomteken Hs un de Atomtall 108. Hassium is butendem en Övergangselement.

Historie

Dat Element weer an’n 14. März 1984 to’n eersten mol bi de Sellschop för Sworionenforschen (GSI) in Darmstadt dör Versmölten vun Blieatomen mit Iesenatomen herstellt^[1]. As vörlöpigen Naam hett Hassium toeerst de Beteken Unniloctium (Teken Uno) kregen, weer aver ok as Eka-Osmium betekent. Den offiziellen Naam hett dat Element 1997 kregen. De leit sik af vun den latiensche Woort Hassia för dat Bundsland Hessen, woneem dat opdeckt worrn is^[2].

Egenschoppen

Hassium verfallt gau wedder, so as de meisten Transactinoiden. De wichtigsten opstunns bekannten Isotopen sünd ²⁶⁹Hs, ²⁷⁰Hs un ²⁷¹Hs mit Halfweertstieten vun 9,7 s, ~10 s un ~4 s. De meisten annern Isotopen verfallt noch gauer.

Liekers is dat 2001 mööglich wesen an’t GSI in Darmstadt en Verbinnen vun Hassium mit Suerstoff to tügen^[3]. Wegen de hogen Flüchtigkeit warrt annahmen, dat sik dat dorbi üm Hassiumtetroxid ²⁶⁹HsO₄ hannelt hett, analog to Osmiumtetroxid. Ofschoonst de Halfweertstiet lütt is, künnen de Forschers an’n Dag in’n Dörsnitt twee bit dree Moklekülen na en Thermochromatograaf leiden. Unvermodens weis HsO₄ op de Detekterböverflachen en högere Afscheedtemperatur un dormit en sietere Flüchtigkeit op as OsO₄^[3].

Borns

↑ G. Münzenberg, P. Armbruster, H. Folger, P. F. Heßberger, S. Hofmann, J. Keller, K. Poppensieker, W. Reisdorf, K.-H. Schmidt, H.-J. Schött, M. E. Leino, R. Hingmann: The identification of element 108. In: Zeitschrift für Physik A Hadrons and Nuclei. 317, Nr. 2, 1984, S. 235–236, doi: 10.1007/BF01421260
↑ Names and Symbols of Transfermium Elements (IUPAC Recommendations 1997). (PDF; 163 kB)
↑ ^a ^b Ch. E. Düllmann, W. Brüchle, R. Dressler, K. Eberhardt, B. Eichler, R. Eichler, H. W. Gäggeler, T. N. Ginter, F. Glaus, K. E. Gregorich, D. C. Hoffman, E. Jäger, D. T. Jost, U. W. Kirbach, D. M. Lee, H. Nitsche, J. B. Patin, V. Pershina, D. Piguet, Z. Qin, M. Schädel, B. Schausten, E. Schimpf, H.-J. Schött, S. Soverna, R. Sudowe, P. Thörle, S. N. Timokhin, N. Trautmann, A. Türler, A. Vahle, G. Wirth, A. B. Yakushev & P. M. Zielinski: Chemical Investigation of hassium (element 108). In: Nature. 418, 2002, S. 859–862; doi: 10.1038/nature00980.

Weblenken

Hassium. Mehr Biller, Videos oder Audiodateien to’t Thema gifft dat bi Wikimedia Commons.

Wiktionary: Hassium – Bedüdensverklaren, Woortherkamen, Synonymen, Översetten

Nuklidkoort bi’t National Nuclear Data Center

[1] G. Münzenberg, P. Armbruster, H. Folger, P. F. Heßberger, S. Hofmann, J. Keller, K. Poppensieker, W. Reisdorf, K.-H. Schmidt, H.-J. Schött, M. E. Leino, R. Hingmann: The identification of element 108. In: Zeitschrift für Physik A Hadrons and Nuclei. 317, Nr. 2, 1984, S. 235–236, doi: 10.1007/BF01421260

[2] Names and Symbols of Transfermium Elements (IUPAC Recommendations 1997). (PDF; 163 kB)

[Duellmann-3] Ch. E. Düllmann, W. Brüchle, R. Dressler, K. Eberhardt, B. Eichler, R. Eichler, H. W. Gäggeler, T. N. Ginter, F. Glaus, K. E. Gregorich, D. C. Hoffman, E. Jäger, D. T. Jost, U. W. Kirbach, D. M. Lee, H. Nitsche, J. B. Patin, V. Pershina, D. Piguet, Z. Qin, M. Schädel, B. Schausten, E. Schimpf, H.-J. Schött, S. Soverna, R. Sudowe, P. Thörle, S. N. Timokhin, N. Trautmann, A. Türler, A. Vahle, G. Wirth, A. B. Yakushev & P. M. Zielinski: Chemical Investigation of hassium (element 108). In: Nature. 418, 2002, S. 859–862; doi: 10.1038/nature00980.

[1]

[2]

[3]