ശേഷക്രിയാ കല

ശവസംസ്കാരത്തോട്‌ അനുബന്ധിച്ച് നിർമ്മിക്കുന്ന ഏതൊരു വിധിപ്രകാരം ഉള്ള കലാപരമായ നിർമ്മിതികളെയും ശേഷക്രിയാ കല (Funerary Art) എന്നത് കൊണ്ട് അർഥമാക്കുന്നു. ശവസംസ്കാരം നടക്കുന്ന സ്ഥലത്തെ അലങ്കരിക്കൽ, അവിടെ ചെയ്യുന്ന ശില്പവിദ്യകൾ, സ്മാരകങ്ങൾ നിർമ്മിക്കൽ എന്നിവ ഇതിൽ ഉൾപ്പെടുന്നു .

ശവസംസ്കാരം നടന്ന സ്ഥലങ്ങളിൽ പ്രത്യേക കലാ നിർമിതികൾ വയ്ക്കുന്ന പതിവ് 50,000 വർഷങ്ങൾക്കു മുൻപ് നിയാണ്ടർതാൽ കാലം തൊട്ടേ ഉണ്ടായിരുന്നു ^[1]. ഇന്ന് ഒരു വിധം എല്ലാ മതങ്ങളിലും ഈ ചടങ്ങുകൾ കാണാം. ഈജിപ്ത് ലെ പിരമിഡ് മുതൽ ഇന്ത്യയിലെ താജ് മഹൽ വരെ ഈ കലയ്ക്ക്‌ ഉദാഹരണമാണ്.