ബൗളിംഗ് ശരാശരി

ക്രിക്കറ്റിൽ ബൗളർമാരുടെ പ്രകടനം അളക്കുന്നതിനുള്ള ഒരു സാംഖ്യിക അളവുകോലായി പൊതുവെ ഉപയോഗിക്കുന്ന ഒരു സാങ്കേതിക പദപ്രയോഗമാണ് 'ബൗളിംഗ് ശരാശരി'. ഒരു ബൗളർ മൊത്തം വഴങ്ങിയ റൺസിനെ അയാൾ നേടിയ മൊത്തം വിക്കറ്റുകൾ കൊണ്ട് ഹരിക്കുമ്പോഴാണ് ബൗളിംഗ് ശരാശരി ലഭ്യമാകുന്നത്.

അതായത്:ബൗളിംഗ് ശരാശരി = മൊത്തം വഴങ്ങിയ റൺസ് / മൊത്തം നേടിയ വിക്കറ്റുകൾ

ബൗളിംഗ് ശരാശരി ഏറ്റവും കുറവുള്ളവരെയാണ് മികച്ച ബോളർമാരായി പരിഗണിക്കുന്നത്. ടെസ്റ്റ് ക്രിക്കറ്റിൽ ഏറ്റവും കുറഞ്ഞ ബൗളിംഗ് ശരാശരിയുള്ള ബോളർ ഓസ്ട്രേലിയൻ താരമായിരുന്ന ജോർജ്ജ് ലോമാൻ ആണ്. '10.75' ശരാശരിയിൽ '112' വിക്കറ്റുകളാണ് അദ്ദേഹം നേടിയിട്ടുള്ളത്^[1]