ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി

സ്വാതന്ത്ര്യത്തിനു ശേഷം, ഇന്ത്യയുടെ സങ്കേതിക വളർച്ചക്ക്‌ ഉന്നത സാങ്കേതിക കലാലയങ്ങൾ ആവശ്യമാണെന്ന രാഷ്ട്ര നേതാക്കളുടെ സങ്കൽപത്തിൽ നിന്നാണ് ഐ ഐ ടി എന്ന ആശയം രൂപം കൊള്ളുന്നത്. ഇന്ത്യയെ സാങ്കേതിക മികവിൽ ലോകത്തിൻറെ മുൻനിരയിലെത്തിക്കാൻ ഐ ഐ ടി കൾക്ക്‌ സാധിക്കും എന്ന് അവർ കണക്കുകൂട്ടി. അങ്ങനെ ഐ ഐ ടി എന്ന ആശയത്തെ കുറിച്ച് പഠിക്കാൻ ഒരു കമ്മറ്റി നിയോഗിക്കപ്പെട്ടു. അന്നത്തെ ബംഗാൾ മുഖ്യമന്ത്രിയായിരുന്ന ബി സി റോയ്‌ അതിലെ പ്രധാനപ്പെട്ട ഒരു അംഗമായിരുന്നു. രാജ്യത്തിന്റെ നാലു ദിക്കിലും ഓരോ ഐ ഐ ടി സ്ഥാപിക്കാനാണ് കമ്മറ്റി നിർദ്ദേശിച്ചത്.

അങ്ങനെ ആദ്യ ഐ ഐ ടി ഖരഗ്‌പൂരിൽ(1951) സ്ഥാപിതമായി. സ്വാതന്ത്ര്യസമര സേനാനികളെ തടവിലിടാൻ ബ്രിടീഷുകാർ ഉപയോഗിച്ചിരുന്ന ഹിജ്‌ലി ജയിലാണ് ആദ്യ ഐ ഐ ടി ആയി മാറിയത്‌.

ഐ.ഐ.ടി.കളിലേക്കുള്ള ബിരുദ കോഴ്സുകളിലേക്കുള്ള പ്രവേശനത്തിന് ഒരു പൊതു പ്രവേശന പരീക്ഷ എഴുതേണ്ടതുണ്ട്. (Joint Entrance Exam) എന്ന ഈ പരീക്ഷ പൊതുവേ ഐ.ഐ.ടി.-ജെ.ഇ.ഇ (IIT-JEE)എന്നാണ് അറിയപ്പെടുന്നത്. ഇതു വഴി നാലായിരത്തിലേറെ വിദ്യാർത്ഥികളെയാണ് ഒരു വർഷം ചേർക്കുന്നത്.

ഗേറ്റ് (GATE) സീഡ് (CEED) എന്നീ രണ്ടു പരീക്ഷകളുടെ അടിസ്ഥാനത്തിലാണ് ബിരുദാനന്തരബിരുദ (പോസ്റ്റ് ഗ്രാജുവേറ്റ്) കോഴ്സുകളിലേക്ക് വിദ്യാർത്ഥികളെ എടുക്കുന്നത്. പക്ഷേ പോസ്റ്റ്ഗ്രാജുവേറ്റ് പ്രവേശനത്തിന് ഈ പരീക്ഷകളിലെ നിലവാരം മാത്രം മതിയാകണമെന്നില്ല. തുടർന്നുള്ള ഇന്റർവ്യൂ, മറ്റു പരീക്ഷകൾ മുതലായവയും തരണം ചെയ്യേണ്ടി വന്നേക്കാം.

• ഇന്ത്യയിൽ ആദ്യമായി സ്ഥാപിക്കപ്പെട്ട ഐ.ഐ.ടി. (സ്ഥാപനം 1951)

ഇന്ത്യയിലെ ഏറ്റവും നല്ല എഞ്ചിനീയറിങ് സ്ഥാപനങ്ങളിൽ ഒന്നായി അറിയപ്പെടുന്നു. ഇവിടത്തെ വിദ്യാർത്ഥികളും പൂർവ്വവിദ്യാർത്ഥികളും കെജിപിയൻസ് എന്നാണ് പൊതുവേ അറിയപ്പെടുന്നത്. എല്ലാ ഐ.ഐ.ടി.കളിലേക്കും വച്ച് ഖരഗ്‌പൂരിനാണ് ഏറ്റവും വലിയ ക്യാമ്പസ് (2100 ഏക്കർ) ഉള്ളത്. ഏറ്റവും കൂടുതർ ഡിപ്പാർട്ടുമെന്റുകളും, ഏറ്റവും കൂടുതൽ വിദ്യാർത്ഥി പ്രവേശനവും ഖരഗ്‌പൂരിൽ തന്നെ.

• ഇല്ല്യൂമിനേഷൻസും രംഗോലിയും
• സ്പ്രിങ് ഫെസ്റ്റ്
• ക്ഷിതിജ്

ഐ.ഐ.ടി. ബോംബേ (ഐഐടിബി എന്നും പരക്കെ അറിയപ്പെടുന്നു.) മുംബൈയിലെ പവൈ എന്ന സ്ഥലത്താണ് സ്ഥിതിചെയ്യുന്നത്. മഹാരാഷ്ട്ര സംസ്ഥാനത്തിലെ ഏറ്റവും വലിയ കലാലയമാണിത്.

• മൂഡ് ഇൻഡിഗോ (കലോത്സവം)
• ടെൿഫെസ്റ്റ് (ശാസ്ത്രസംബന്ധിയായ ഉത്സവം)

ചെന്നൈയിലെ അഡയാർ എന്ന സ്ഥലത്താണ് ഐ.ഐ.ടി. മദ്രാസ് സ്ഥിതി ചെയ്യുന്നത്. 1959-ൽ പശ്ചിമ-ജർമ്മനിയുടെ സാമ്പത്തിക-സാങ്കേതിക സഹായത്തോടെ^[15] സ്ഥാപിക്കപ്പെട്ട ഇത് ഇന്ത്യയിലെ സുപ്രധാന വിദ്യാഭ്യാസ സ്ഥാപനങ്ങളിലൊന്നാണ്. ഏകദേശം 460 അദ്ധ്യാപകരും 4500 വിദ്യാർത്ഥികളും 1250 മറ്റ് ഉദ്യോഗസ്ഥരും ഇവിടെയുണ്ട്^[16]. ഐ.ഐ.ടി-എം എന്നാണിത് പൊതുവെ അറിയപ്പെടുന്നത്. ഏകദേശം 250 ഹെക്ടറുകളോളം വിസ്തീർണ്ണത്തിലാണ് ഐ.ഐ.ടി മദ്രാസിന്റെ ക്യാമ്പസ്^[17].

• സാരംഗ് (കലോത്സവം)
• ശാസ്ത്ര (ശാസ്‌ത്രസാങ്കേതിക ഉത്സവം)

1960-ൽ സ്ഥാപിക്കപ്പെട്ടു. എഞ്ചിനീയറിങ്ങിലുള്ള ഗവേഷണത്തിലും ശാസ്ത്രത്തിലും, Undergraduate പഠനങ്ങളിലുമാണ് ഐ.ഐ.ടി. കാൺപൂർ കൂടുതൽ ശ്രദ്ധ പതിപ്പിക്കുന്നത്. കാൺപൂർ ജില്ലയിലെ കല്യാൺപൂർ എന്ന ഗ്രാമത്തിനടുത്താണ് ഈ സ്ഥാപനം സ്ഥിതി ചെയ്യുന്നത്.

• അന്തരാഗ്നി (കലോത്സവം)
• ടെക്‌കൃതി (ശാസ്‌ത്രസാങ്കേതിക ഉത്സവം)
• മെഗാബക്ക്സ് (മാനേജ്‌മെന്റ് ഉത്സവം)
• ഉദ്‌ഘോഷ് (കായികോത്സവം)

പണ്ട് കോളേജ് ഓഫ് എഞ്ചിനീയറിംഗ് ഏന്റ് ടെക്നോളജി ഡെൽഹി എന്നാണ് അറിയപ്പെട്ടീരുന്നത്. 1963-ൽ ഐ.ഐ.ടി.യായി ഉയർത്തപ്പെട്ടു. തെക്കേ ഡെൽഹിയിലെ ഹൌസ് ഘാസ് എന്ന സ്ഥലത്താണ് ഇത് സ്ഥിതി ചെയ്യുന്നത്. 320 ഏക്കറോളം വിസ്തീർണ്ണമുള്ള ഈ ക്യാമ്പസില് 2265 ബിരുദ വിദ്യാർത്ഥികളും 1718 ബിരുദാനന്തര വിദ്യാർത്ഥികളും പഠിക്കുന്നു.

• റോന്ദേ-വൂ (കലോത്സവം)

വടക്കുകിഴക്കേ ഇന്ത്യയിലെ ഗുവഹാത്തിയിൽ, ഇന്ത്യയിലെ ആറാമത്തെ ഐ.ഐ.ടി.യായി സ്ഥാപിക്കപ്പെട്ടു. ബ്രഹ്മപുത്ര നദിയുടെ വടക്കേ തീരത്തായി സ്ഥിതിചെയ്യുന്ന ഐ.ഐ.ടി.ജി. ക്യാമ്പസില് 152 അദ്ധ്യാപകരും, 1300 Undergraduate വിദ്യാർത്ഥികളും 500 postgraduate വിദ്യാർത്ഥികളും ഉണ്ട്.

ഉത്തർഖണ്ഡ് സംസ്ഥാനത്തിലെ റൂർക്കി എന്ന ചെറിയ പട്ടണപ്രദേശത്ത് സ്ഥിതിചെയ്യുന്നു. തോംസൺ കോളേജ് ഓഫ് എഞ്ചിനീയറിംഗ് എന്ന പേരിൽ ബ്രിട്ടീഷുകാരാൽ സ്ഥാപിക്കപ്പെട്ടതാണ് ഇത്. ഗംഗാ കനാലിന്റെ നിർമ്മാണത്തിനു വേണ്ട എൻജിനീയർമാരെ പരിശീലിപ്പിക്കുക എന്ന ലക്ഷ്യവുമായാണ് ഇത് ആരംഭിച്ചത്. 1846 ൽ ആരംഭിച്ച ഈ സ്ഥാപനം ഇന്ത്യയിലെ ആദ്യത്തെ എൻജിനീയറിംഗ് കോളേജാണ്.

1949-ൽ യൂണിവെഴ്സിറ്റി ഓഫ് റുർക്കിയായി ഉയർത്തപ്പെട്ടു. 2001 ലാണ് ഇത് ഐഐറ്റിയായി ഉയർത്തപ്പെട്ടത്.

1. ↑ Kalita, Bishal (Feb 1, 2022). "Higher Education Budget For Next Financial Year At Rs 40,828 Cr; 6.46% More Than 2021-22". NDTV 3:14pm IST. Retrieved Feb 1, 2022.
2. ↑ "The Institutes of Technology Act, 1961" (PDF). Indian Institute of Technology, Bombay. 24 May 2005. Retrieved 14 May 2006.
3. ↑ "IIT Act (As amended till 2012" (PDF). Archived from the original (PDF) on 3 December 2013. Retrieved 10 September 2012.
4. ↑ "Problem of plenty: As IITs multiply, the brand value diminishes". Hindustan Times. 29 June 2015. Archived from the original on 31 August 2015. Retrieved 25 July 2015.
5. ↑ "Gazette Notification of the Bill" (PDF). 29 June 2012. Archived from the original (PDF) on 5 April 2013. Retrieved 2 July 2012.
6. ↑ "Institute History – Indian Institute of Technology Kharagpur". IIT Kharagpur. Archived from the original on 20 April 2008. Retrieved 22 October 2008.
7. ↑ Information notification, University of Roorkee to IIT Roorkee. "The Institutes of Technology (Amendment) Act, 2002" (PDF). The eGazette of India. Archived (PDF) from the original on 2 January 2021. Retrieved 7 September 2020.
8. ↑ Information notification, IT-BHU to IIT (BHU) Varanasi. "The Institutes of Technology (Amendment) Bill, 2011" (PDF). The eGazette of India. Archived (PDF) from the original on 2 January 2021. Retrieved 7 September 2020.
9. ↑ "JEE Advanced 2015: IIT Bombay announces that 4 new IITs will admit students from this session". Prepsure.com. Archived from the original on 27 June 2015. Retrieved 12 June 2015.
10. ↑ Information notification, ISM Dhanbad to IIT (ISM) Dhanbad. "The Institutes of Technology (Amendment) Bill, 2016" (PDF). The eGazette of India. Archived (PDF) from the original on 2 January 2021. Retrieved 12 August 2016.
11. ↑ "Chhattisgarh to open IIT campus in Bhilai". The Indian Express. 14 January 2016. Archived from the original on 9 December 2019. Retrieved 14 January 2016.
12. ↑ "Dharwad will host first IIT of Karnataka". The Times of India. Archived from the original on 15 February 2020. Retrieved 9 September 2015.
13. ↑ "IIT Jammu to be set up at Chak Bhalwal". Business Standard India. Press Trust of India. 23 April 2015. Archived from the original on 9 December 2019. Retrieved 12 June 2015.
14. ↑ "Failure to identify land likely to delay setting up of IIT in Goa". The Times of India. Archived from the original on 18 February 2020. Retrieved 12 June 2015.
15. ↑ http://www.iitm.ac.in/institute
16. ↑ http://www.iitm.ac.in/institute
17. ↑ http://www.iitm.ac.in/aboutcampus

• ഐ.ഐ.ടി. ബോംബെ ഔദ്യോഗിക വെബ്‌സൈറ്റ്
• IIT Kharagpur
• IIT Madras
• IIT Kanpur
• IIT Delhi
• IIT Guwahati
• IIT Roorkee
• PanIIT Alumni Organization
• IIT & IIM alumni community site
• [1]
• [2]

സർവ്വകലാശാലകൾ അതു പോലെയുള്ള വിദ്യാഭ്യാസ സ്ഥാപനങ്ങൾ എന്നിവയുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.