ഇൻ ഹരിഹർ നഗർ

മഹാദേവൻ (മുകേഷ്), ഗോവിന്ദൻ കുട്ടി (സിദ്ദിഖ്), അപ്പുക്കുട്ടൻ (ജഗദീഷ്), തോമസ്സുകുട്ടി (അശോകൻ) എന്നിവർ ഹരിഹർ നഗർ കോളനിയിൽ താമസിക്കുന്ന നാല് ചെറുപ്പക്കാരാണ്. ഈ കോളനിയിൽ പുതുതായി താമസിക്കാൻ വരുന്ന മായ (ഗീത വിജയൻ) എന്ന പെൺകുട്ടിയപെൺകുട്ടിയെ സ്വന്തമാക്കാൻ 4പേരും നടത്തുന്ന ശ്രമശങളും അതിനിടയിൽ ചെന്ന് ചാടുന്ന പുലിവാലുകളുമാണ് ചിത്രത്തിന്റെ ഇതിവൃത്തം.

എം.ജി.ആർ നഗറിൽ എന്ന പേരിൽ ഈ ചിത്രം 1991-ൽ തമിഴിൽ പുനർനിർമ്മിക്കുകയുണ്ടായി. 2007-ൽ ഡോൽ എന്ന പേരിൽ പ്രിയദർശൻ ഈ ചിത്രം ഹിന്ദിയിലും പുനർനിർമ്മിച്ചു.

ഈ ചിത്രത്തിന്റെ രണ്ടാം ഭാഗം ലാൽ 2009 ഏപ്രിൽ 1-ന് ടു ഹരിഹർ നഗർ എന്ന പേരിൽ പുറത്തിറക്കി. ആദ്യഭാഗമെന്നപോലെ ഈ ചിത്രവും നിർമ്മാതാവിന് വൻലാഭം നേടിക്കൊടുത്തു. തുടർന്ന് ഈ ചിത്രത്തിനൊരു മൂന്നാം ഭാഗം 'ഇൻ ഗോസ്റ്റ് ഹൗസ് ഇൻ എന്ന പേരിൽ ലാൽ പ്രഖ്യാപിച്ചു. ഈ ചിത്രം 2010-ൽ മാർച്ചിൽ പുറത്തിറങ്ങി.

• തോമസ്സുകുട്ടി, വിട്ടോടാ
• കാക്ക തൂറി എന്നാ തോന്നുന്നേ
• ഗോവിന്ദൻ കുട്ടി സാറിന്റെ ടൈം നല്ല ബെസ്റ്റ് ടൈം
• ആക്റ്റിങ്ങ് ആണല്ലേ
• ഓവർ ആക്കല്ലേ

ബിച്ചു തിരുമല എഴുതിയ ഗാനങ്ങൾക്ക് സംഗീതം പകർന്നത് എസ്. ബാലകൃഷ്ണൻ ആണ്. ഗാനങ്ങൾ രഞ്ജിനി വിപണനം ചെയ്തിരിക്കുന്നു.

• ഉന്നം മറന്ന് തെന്നിപ്പറന്ന പൊന്നിൻ കിനാക്കൾ : എം.ജി. ശ്രീകുമാർ , കോറസ്
• ഏകാന്തചന്ദ്രികേ തേടുന്നതെന്തിനോ : എം.ജി. ശ്രീകുമാർ , ഉണ്ണിമേനോൻ

വിക്കിചൊല്ലുകളിലെ ഇൻ ഹരിഹർ നഗർ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

• ഇൻ ഹരിഹർ നഗർ ഇന്റർനെറ്റ് മൂവി ഡാറ്റാബേസിൽ