Russia Beyond The Headlines

Мисијата на RBTH е пронаоѓање, систематизација и објавување на странски јазици на актуелни содржини за руската политика, за општествениот живот, културата, бизнисот, науката, историјата и за други сфери за кои различни национални медиуми по правило не ги известуваат своите читатели.

RBTH има улога на верига која ги поврзува руското општество и странската јавност и својот медиумски простор го користи за да поддржи одмерен и професионален меѓународен дијалог.

„Russia Beyond the Headlines“ е информациски ресурс што го финансира издавачката куќа „Росијскаја газета“.

„Росијскаја газета“ е печатено издание на Владата на РФ, чија улога е официјално да ги објавува законите и одлуките на Владата, за што добива компензација од државниот буџет. „Росијскаја газета“ е истовремено и дневен општествено-политички весник кој на своите читатели им нуди разновидна и квалитетна содржина и остварува приходи од маркетиншки услуги и од продажба на тиражот. Од овие приходи се финансира и проектот RBTH.

RBTH е независна од „Росијскаја газета“, има сопствена редакција и посебна техничка служба, кои ги подготвуваат материјалите за објавување во странските медиуми и на сопствените повеќејазични Интернет-портали.

Системот RBTH е составен од главната редакција, која ги подготвува материјалите заеднички за сите земји и региони, и регионални одделенија во кои овие материјали се прилагодуваат за објавување во определени земји и во кои се додаваат теми релевантни за определениот регион. Освен тоа, секако регионалното издание на RBTH објавува материјали за билатералните односи на определени земји со Русија.

Во својата уредувачка политика RBTH се раководи според принципите за квалитетно новинарство, урамнотеженост и објективност на содржините, според нивната релевантност за читателите, како и според претставителноста на ставовите што се објавуваат. Освен тоа, се води сметка и за усогласеноста со новинарските стандарди, за нормите на уредувачката политика и за традицијата на оние локални весници кои објавуваат содржини на RBTH.

Поголем дел од материјалот го подготвуваат слободни новинари специјално за RBTH, а дел се презема од други руски медиуми („Ведомости“, „Комерсант“, „Росијскаја газета“, „Руски репортер“, The Moscow Times и др.) со нивна дозвола.

Работата на RBTH се финансира со средства на „Росијскаја газета“ и од други спонзори, како и од приходи што се остваруваат со објавување рекламен материјал.

Странските партнери во објавувањето и во дистрибуцијата на печатените прилози на RBTH добиваат целосна или делумна компензација за трошоците за објавување на подлистокот (хартија, печатење, дистрибуција), како и трошоците за дополнителни услуги на RBTH во областа на промоцијата на подлистокот и за испитување на реакцијата на читателите.

• The Washington Post (САД)
• The New York Times (САД)
• The Wall Street Journal (САД)
• The Nation (САД)
• The New York Times International (САД)
• Дејли Телеграф (Велика Британија)
• Le Figaro (Франција)
• Le Soir (Белгија)
• Süddeutsche Zeitung (Германија)
• The Economic Times (Индија)
• Duma (Бугарија)
• Folha de S.Paulo (Бразил)
• La Repubblica (Италија)
• El Pais (Шпанија)
• La Nacion (Аргентина)
• El Observador (Уругвај)
• Geopolitika (Србија)
• Politika (Србија)
• Mainichi (Јапонија)
• JoongAng Ilbo (Јужна Кореја)
• The Wall Street Journal (САД)
• The Age (Австралија)
• The Sydney Morning Herald (Австралија)
• Eleutheros Typos (Грција)
• Gulf News (ОАР)
• Al Khaleej (ОАР)
• The Global Times (Кина)

Според склучените спогодби, партнерските весници меѓу читателите периодично спроведуваат истражувања со цел да се утврди нивото на запознаеност со проектот и проценка на реакцијата на јавноста.

За време на анкетирањата од околу 500-600 испитаници се бара да одговорат на прашањата: колку често го читаат и го прелистуваат рускиот подлисток, колку време минуваат во негово читање, кои теми најмногу ги интересираат и кои теми би сакале да бидат обработени во следните изданија, како ги гледаат моменталните односи на својата земја со Русија итн.

Собирањето и обработката, анализата и споредувањето на овие информации ги вршат независни консултанти. Тие нудат објективна интерпретација на собраните податоци според клучните индикатори за ефикасност на проектот.

Истражувањето овозможува да се направат промени во известувањето на читателите за проектот, да се проучи социодемографските профили на читателите, како и да се утврдат нивните интереси и односот кон развојот на соработката на нивните земји со Русија.

• Russia Beyond the Headlines Архивирано на 17 март 2010 г.
• Russia Now Архивирано на 13 јануари 2019 г. on The Washington Post
• Russia Now Архивирано на 16 мај 2013 г. on The Daily Telegraph
• La Russie d’Aujourd’hui
• Russia & India Report
• Rusia Hoy
• Russia Oggi
• Russland HEUTE
• Gazeta Russa
• Биволъ
• Руска реч Архивирано на 8 март 2014 г. (Macedonian edition)
• Руска реч (Serbian edition)
• Η Ρωσία Τώρα Архивирано на 19 април 2014 г.
• ロシアNOW Архивирано на 16 мај 2014 г. on Mainichi
• 俄中评论