Пазевалк

Пазевалк (германски: Pasewalk, полапски: Pozwolc) — град во округот Западна Померанија-Грајфсвалд, во сојузната покраина Мекленбург-Западна Померанија, Германија. Градот е сместен на реката Икер и некогаш бил административно седиште на поранешниот округ Икер-Рандов и е седиште на општинската заедница Икер-Рандов-Тал, во која самиот град не членува.

Пазевалк
Центарот на Пазевалк
Пазевалк
Управа
Земја	Германија
Покраина	Мекленбург-Западна Померанија
Округ	Западна Померанија-Грајфсвалд
Градоначалник	Рајнер Дамбах (независен)
Основни податоци
Површина	54,99 км2
Надм. височина	15 м
Население	9.948 (31 декември 2020)[1]
- Густина	181 жит/км2
Други информации
Часовен појас	CET/CEST (UTC+1/+2)
Рег. табл.	UER
Пошт. бр.	17309
Повик. бр.	03973
Портал	pasewalk.de
Местоположба на градот Пазевалк во рамките на округот Западна Померанија-Грајфсвалд
Координати	53°30′N 14°00′E / 53.500° СГШ; 14.000° ИГД / 53.500; 14.000

Пазевалк станал град во текот на XII век и наскоро станал член на Ханзата. Во 1359 преминал во посед на померанските војводи. Често разурнат во текот на војните кои го уништувале округот, бил ограбуван неколкупати од царските сили во текот на Триесетгодишната војна. Во 1657 бил запален од страна на Полјаците и во 1713 од Русите. Со Вестфалскиот мир во 1648 бил доделен на Шведска, но во 1676 бил освоен од Бранденбург. Во 1720, со Стокхолмскиот мир, конечно бил доделен на Бранденбург-Прусија.