Мајкл Ман
Мајкл Кенет Ман (англиски: Michael Kenneth Mann; роден на 5 февруари 1943 година) ― американски режисер, сценарист и продуцент, познат по неговиот специфичен стил на криминалистичка драма.[1] Негови најпознати дела се филмовите „Крадец “ (1981), „Ловец на луѓе“ (анг: Manhunter) (1986), „Последниот мохиканец“ (1992), „ Врелина“ (1995 година), „Инсајдер“ (1999), „Колатерал “ (2004) и „Државни непријатели “ (2009). Како извршен продуцент е познат по популарната ТВ серија Пороците на Мајами (1984–89), која ја адаптирал во игран филм од 2006 година.
| Мајкл Ман | |
|---|---|
 Мајкл Ман во 2014 | |
| Роден(а) | 5 февруари 1943 Чикаго, САД |
| Занимање |
|
| Активен период | 1968–present |
| Сопружник | Самер Ман (в. 1974) |
| Деца | 4 |
За неговите дела, бил номиниран од меѓународни организации и жирија, меѓу кои и Британската академија за филмска и телевизиска уметност, Канскиот филмски фестивал и Академијата за филмски уметности и науки. Како продуцент, Ман двапати бил номиниран за Оскар за најдобар филм, прво за „Инсајдер“, а потоа и за „Авијатичар“ (2004), кој прво требало да го режира Ман за потоа проектот да му биде доделен на Мартин Скорсезе. Total Film во 2007 година го ставил Ман на 28-мо место на нивната листа од 100 најдобри режисери во историјата, [2] а Sight and Sound го рангирал на 5-то место на нивната листа од 10 најдобри режисери во последните 25 години (за годините 1977-2002 ).
Биографија уреди
Мајкл Ман е роден на 5 февруари 1943 година во Чикаго[3] во семејство на украински Евреин, учесник во Втората светска војна.[4] [5] По дипломирањето на Универзитетот во Висконсин,[6] заминал во Лондон за да студира филмска уметност. Таму се запознал со други современици како Ридли Скот, Алан Паркер и Адријан Лејн, со кои работел заедно на реклами и кратки документарни филмови.
Филмски стил и тематика уреди
Негов заштитен знак се филмови со силно осветлени ноќни сцени и необична музика, како на пример Tangerine Dream во „Крадец“ и музиката во Ловец на луѓе. Во многу филмови (Последниот мохиканец, Врелина, Ловец на луѓе, Инсајдер, пороците на Мајами) негов стил е да се прикаже главните ликови како гледаат во водени пространства додека донесуваат важни одлуки кои влијаат врз заплетот.
Филмовите на Ман при снимање на звуци од пукотници се истакнуваат со реализам, а тој претпочита да користи необработени аудио снимки од сцената, наместо звучен микс. Во многу негови филмови пред продукцијата на акционите сцени, глумците посетуваат курсеви за ракување со оружје и за прецизно да го доловат звукот на боева муниција во сцените пукаат со „ќорци“. [7]
Филмографија уреди
| година | Наслов | Дистрибутер |
|---|---|---|
| 1981 | Крадец | United Artists |
| 1983 | The Keep | Paramount Pictures |
| 1986 | Ловец на луѓе | De Laurentiis Entertainment Group |
| 1992 | Последниот Мохиканец | 20th Century Fox / Warner Bros. |
| 1995 | Врелина | Warner Bros. |
| 1999 | Инсајдер | Buena Vista Pictures |
| 2001 | Али | Sony Pictures Releasing / Initial Entertainment Group |
| 2004 | Колатерал | DreamWorks Pictures / Paramount Pictures |
| 2006 | Пороците на Мајами | Universal studios |
| 2009 | Државни непријатели | |
| 2015 | Црна шапка | |
| 2023 | Ферари | STX Entertainment |
Награди и номинации уреди
| година | Наслов | Оскар | БАФТА | Златен глобус | |||
|---|---|---|---|---|---|---|---|
| Номинации | Добитник | Номинации | Добитник | Номинации | Добитник | ||
| 1992 година | Последниот Мохиканец | 1 | 1 | 7 | 2 | 1 | |
| 1999 година | Инсајдер | 7 | 1 | 5 | |||
| 2001 година | Али | 2 | 2 | 1 | 3 | ||
| 2004 година | Колатерал | 2 | 5 | 1 | 1 | ||
| Вкупно | 12 | 1 | 15 | 4 | 10 | 0 | |
Наводи уреди
- ↑ „Michael Mann“. Encyclopedia Britannica. Посетено на November 18, 2017.
- ↑ „The Greatest Directors Ever“. Total Film. August 20, 2007. Посетено на May 20, 2008.
- ↑ Brooks, Xan (February 13, 2002). „Ali likes the film a lot. He's seen it six times“. The Guardian. London. Посетено на May 12, 2010.
- ↑ „Michael Mann Biography (1943-)“.
- ↑ Michael Mann Biography | TVGuide.com
- ↑ Wildermuth, p. 2
- ↑ Abrams, Simon. „Why Is Heat So Great? Let's Ask Michael Mann“. Vulture (англиски). Посетено на 2022-10-14.
Надворешни врски уреди
- Мајкл Ман на
Семрежната филмска база на податоци (англиски)
