Марсел Шмелцер

Шмелцер е роден во Магдебург. Својата професионална кариера ја започнал во Борусија Дортмунд, каде што го направил своето прво појавување на 9 август 2008 година, во натпревар од првото коло на Купот на Германија против Рот-Вајс Есен. Дебито во Бундеслигата го имал недела дена подоцна, играјќи во последните дваесет минути од победата со 3-2 над Баер Леверкузен. Својата најдобра сезона во кариерата Шмелцер ја имал во текот на кампањата 2010-2011, во која успеал да ги одигра сите минути за клубот во првенството, помагајќи им на милионерите да ја освојат титулата во Бундеслигата.

Следната сезона, Шмелцер, го пропуштил почетокот на Бундеслигата поради повреда. На крајот, тој освоил уште еден трофеј откако Дортмунд успеал да го одбрани насловот во Бундеслигата. Покрај тоа Шмелцер исто така и помогнал на Борусија да го освои и Купот на Германија со победа од 5-2 над Баерн Минхен во финалето, што за него значело 3 титули за 2 години во клубот.

Пред почетокот на сезоната 2016-2017, Шмелцер станал капитен на Борусија Дортмунд по заминувањето на Матс Хумелс.

Своето деби за сениорската репрезентација на Германија, Шмелцер го направил на 17 ноември 2010 во пријателски натпревар против Шведска што завршил без голови 0-0.

• Бундеслига (2) : 2010–2011, 2011–2012
• Куп на Германија (1) : 2011–2012
• Суперкуп на Германија (2) : 2013, 2014

• Марсел Шмелцер на soccerway
• Marcel Schmelzer Архивирано на 11 март 2010 г. at transfermarkt.de (германски)
• ESPN Soccernet profile^{[мртва врска]}