Данило Николиќ

Данило Николиќ е роден во Сплит, во 1926 година, а детството и младоста ги поминал во Метохија. Основното и средното образование ги завршил во Пеќ, а дипломирал на Правниот факултет во Белград. Потоа, работел како соработник во Радио Белград, напредувајќи од функцијата на уредник на културно-уметничките програми до уредник на драмската програма.^[1]

Николиќ е автор на неколку збирки раскази, книги за деца и романи. Тој е застапен во неколку антологии на повоените српски раскази и на српската сатира. Исто така, тој е автор и на неколку радио-драми и телевизиски драми. За романот „Кралица на забавата“ ги добил наградите „Борисав Станковиќ“, „Бранко Ќопиќ“ и Нолитовата награда; за збирката раскази „Влегување во светот“ во 1997 година ја добил Андриќевата награда; а за романот „Фајронт во Гргетег“ ја добил НИН-овата награда во 1998 година.^[1]

Николиќ е автор на следниве дела:^[1]

• Мали пораки (Мале поруке)
• Список на грешките (Списак грешака)
• Список на заслугите (Списак заслуга)
• Проветрување на владетелите (Проветравање владара)
• Влегување во светот (Улазак у свет)
• Враќање во Метохија (Повратак у Метохију)
• Пат за пријателите (Пут за пријатеље)
• Тие ги сакаа срните (Они су волели срне)
• Некој часовник, некој будилник (Неко сат, неко будилник)
• Сопственици на поранешната среќа (Власници бивше среће)
• Фајронт во Гргетег (Фајронт у Гргетегу)
• Кралица на забавата (Краљица забаве)