Cinta Laura

Cinta Laura Kiehl atau labiah dikenal sebagai Cinta Laura ([ˈtʃinta ˈlaura]; lahia 17 Agustus 1993) adolah aktris dan penyanyi berkebangsaan Indonesia yang saat kini ko mulai bakarir di dunia Internasional. Cinta mulai dikenal dek masyarakat saat membintangi sinetron Cinderella (Apakah Cinta Hanyalah Mimpi?).^[1]

Pado tahun 2007 Cinta mandapekan panghargoan SCTV Awards dalam katagori "Aktris Ngetop". Sasudah sukses mandapekan panghargoan, beliau pernah lo manjadi pemeran utamo dalam sinetron kaduonyo yaitu Upik Abu dan Laura yang diproduksi oleh SinemArt yang ditayangkan di RCTI. Dalam hal iko, Cinta mambarikan sasuatu yang baru, yaitu baliau, marekam sabuah lagu bajudul "You Say Aku" yang manjadi soundtrack sinetron tasabuik. Cinta Laura pernah pulo membintangi film layar leba, Oh Baby yang diproduksi oleh MD Pictures pado tahun 2008. Dalam film tasabuik, Cinta diharuskan barakting dan manari. Cinta harus pulo mandalami dunia tarik suaro dengan manyanyikan duo lagu dalam soundtrack film iko, "Oh Baby" dan "We Can Do It".Satalah mencubo kamampuannyo dengan baraja olah vokal dan sempat tampil sapangguang dengan Ahmad Dhani menyanyikan lagu "Umbrella" milik Rihanna dalam SCTV Awards, Cinta akhirnyo mulai rekaman sabuah lagu basamo Duo Maia dalam lagu "Penghianat Cinta". Album studio partamonyo surang yaitu bajudul Cinta Laura (self titled) dirilis pado tahun 2010, album iko tajua labiah dari 1 juta keping CD. Untuk mampromosikan album iko, Cinta Laura mangaluakan babarapo single yaitu "Cinta atau Uang", "Shoot Me", dan "Guardian Angel" yang manduduki posisi nomor terateh di babarapo tangga lagu radio dan televisi nasional. Malalui album studio partamonyo iko, Cinta mamparoleh multi platinum awards. Lagu "Cinta atau Uang" marupokan soundtrack film Seleb Kota Jogja (SKJ) yang pernah pulo beliau bintangi pado tahun 2010. Ndak hanyo mangutamokan dunia hiburan, lapeh lulus basakolah di Jakarta International School dan mandapekan nilai A, beliau malanjutkan studinyo di Columbia University, Amerika.^[2]

Untuak manyukseskan karier Cinta Laura dalam industri musik, beliau berduet basamo Guy Sebastian, panyanyi Australia dalam lagu "Who's That Girl" yang dirilis pado tahun 2011. Album studio kaduo Cinta Laura surang yaitu Hollywood Dreams dirilis pado tahun 2012, dalam album iko tadapek duo single yaitu "Tulalit" dan "All of My Life". Salain itu, baliau pernah mambintangi sabuah film hollywood bajudul After the Dark yang dirilis pado tahun 2013 dan ditayangkan di saluruh bioskop dunia. Pado libur dari kuliahnyo di Amerika, Cinta pernah tampil dalam babarapo acara televisi, khususnyo Yuk Keep.^[3]

Pado ajang Piala Oscar 2014, Cinta Laura pernah manghadiri acara panghargoan perfilman dunia tasabuik dengan mamakai pakaian batik khas Indonesia. Cinta alah lulus dengan gelar kahormatan cum laude dari Universitas Columbia, New York. Cinta maraih duo gelar sarjana sakaligus hanyo dalam waktu tigo tahun.

Sabalum ba umua ka 21 tahun, Cinta laura mamiliah mangikuti kewarganegaraan ayahnyo, Jerman supayo labiah mudah mangurus visa dan kalua masuak dalam rangka go-international.