Wiki How:WikiProjet Historiographen

Dëst ass d' Projetssäit iwwer Historiographie, am Kader vum Benoît Majerus sengem Cours op der Uni Lëtzebuerg, am Summersemester 2012.

Op dëser Säit stinn d'Nimm (Pseudonymen) vun den Auteure vun den Artikelen, déi am Kader vun deem Cours geschriwwe ginn, a vun de Leit, iwwer déi se schreiwen. Wann Dir dozou gehéiert, drot Iech wgl. do an.

Méi ënne sinn nëtzlech Linken zu Explikatiounen, wéi d'Wikipedia funktionéiert, Konventiounen zu Formatéierung, Opbau, Stil, asw.

Wann Dir en Artikel nei uleet, schreift an d'Commentairefeld (virum Ofspäicheren), ob Der nach wëlles hutt, virun drun ze schaffen, oder ob Der den Artikel als ofgeschloss ugesitt. Da loossen déi aner Wikipediamataarbechter sou laang d'Fangeren dovun, bis datt der hinne 'gréng Luucht' gitt, ier se eventuell kleng Ännerunge maache ginn. Der kënnt allzäit Froe stellen (op der Diskussiounssäit vun Ärem Artikel), an deem Fall kritt Der duer geäntwert.

Dir dierft natierlech och gär un aneren Artikele matschaffen, wéi deem, iwwer deen der "musst" schreiwen, a sief et nëmmen, fir Iech e bëssen drun ze gewinnen, wéi dat hei funktionéiert.

E grousse Merci fir Är Mataarbecht hei vun de Mataarbechter vun der Wikipedia op Lëtzebuergesch, a vill Succès gewënscht!