Джейсон Стэтхем

Джейсон бала кезінде футболмен де айналысқан (1978-83), алайда суға секірумен кәсіби айналысты. 12 жыл бойына Стэтхэм суға секіруден британдық ұлттық құраманың қатарында сайыстарға қатысып, 1992 жылы Әлем Чемпионатында 12-ші орынға ие болды.

Оның әкесі бокспен және гимнастикамен айналысқан және ұлын да өзі білген өнерге үйретуге тырысқан. Джейсон төбелес өнерін жетік меңгерген, джиу-джитсумен тұрақты айналысады.

Тоқсаныншы жылдардың соңында бір жарнама агенті Стэтхэмді жарнама кампаниясына қатысуға шақырады. Осыдан кейін актер джинс жарнамасына түсіп, сол брендтің басты тұлғасына айналды. Сол кезеңнен бастап оның модельдік карьерасына жол ашылады.

Джейсон жарнамалап жүрген компанияның иесі күндердің күнінде Гай Ричидің тұңғыш картинасы - "Карта, ақша және түтіні шыққан екі мылтық" ("Lock, Stock and Two Smoking Barrels") фильмінің продюсері болады, және режиссерге Джейсонның кандидатурасын осы фильмге ұсынады. Ричи бірқатар сынаулардан кейін оны фильмге түсіруге қабылдайды.

2000 жылы Стэтхэм Риччидің "Қармау" ("Snatch") атты келесі криминалды комедиясында басты рөлдердің біріне ие болды.

2000-жылдардан бастап Стэтхэм үлкен кино әлеміне нық қадам басты. "Дауысын шығар" ("Turn It Up") деп аталатын америкалық фильмде есірткі саудасымен айналысатын ағылшынның рөлін сомдаса, содан кейін Джон Карпентердің "Марс елестері" ("Ghosts of Mars") фантастикалық триллеріне, Джет Лимен бірлесіп "Жалғыз" ("The One") фантастикасына бас рөлдерге шақырту алды.

Джейсонды танымал еткен фильм "Тасымалдаушы" ("Transporter") картинасы болды. Бұл фильм көрермендер арасында үлкен құрметке ие болды, ал үш жылдан кейін шыққан жалғасы бастапқысы жинаған касса жинағынан да көп пайда әкелді.

Шамамен жеті жыл бойы Джейсон ағылшын моделі және актриса Келли Брукпен кездесті (2004 жылға дейін). Кейін Джейсон әнші Софи Монкпен кездесті, бірақ ол көп ұзамай ажырасып кетті. 2010 жылдың сәуір айынан бастап Роузи Хантингтон-Уайтли моделімен кездеседі. 2017 жылдың 24 маусымында Джейсон мен Роузидің ұлы Джек Оскар Стейтем дүниеге келді. 19 тамыз 2021 ж. ерлі-зайыптылардың екінші баланың пайда болуын күтетіні белгілі болды.

• IMBd сайтында