პეტრინიის მიწისძვრა (2020)

პეტრინიის მიწისძვრა — 2020 წლის 29 დეკემბერს ხორვატიაში ადგილობრივი დროით (CET) 12:19-ზე მოხდარი 6,4 მაგნიტუდის სიმძლავრის მიწისძვრა. ეპიცენტრი მდებარეობდა ქალაქ პეტრინიიდან 3 კმ-ში, დედაქალაქ ზაგრებიდან — 50 კმ-ში. ადგილობრივ ხელისუფალთა ინფორმაციით, პეტრინიაში დაიღუპა 12 წლის გოგონა. 5 ადამიანის ცხედარი იპოვეს მეზობელ ქალაქ გლინაში, ხოლო 1 — ახლომდებარე სოფლის ეკლესიის ნანგრევებში. მიწისძვრის შედეგად დაშავდა რამდენიმე ათეული ადამიანი. სტიქიურმა მოვლენამ პეტრინიასა და მიმდებარე ქალაქებსა და სოფლებში მთლიანად, ან ნაწილობრივ დაანგრია ასეულობით საცხოვრებელი სახლი და სხვა შენობები, მათ შორის პეტრინიის მერიის შენობა.^[2]

პეტრინიის მიწისძვრა

პეტრინიის მიწისძვრა (2020) (ხორვატია)
თარიღი	29 დეკემბერი, 2020
დრო	12:19
მაგნიტუდა	6,4 ${\displaystyle M_{\mathrm {w} }}$[1]
სიღრმე	10 კმ
ეპიცენტრის მდებარეობა	ხორვატია 45°25′19″N 16°15′18″E / 45.422° ჩ. გ. 16.255° ა. გ. / 45.422; 16.255
ტიპი	ნასხლეტი
დაზარალებული ტერიტორია	ხორვატია, ბოსნია და ჰერცეგოვინა, სლოვენია
განმეორებითი ბიძგები	რამდენიმე, უძლიერესი — 4,8 ${\displaystyle M_{\mathrm {w} }}$, 05:15 UTC, 30 დეკემბერი, 2020
მსხვერპლი	7 დაღუპული, 26 დაშავებული

პეტრინიაში ჩასულმა ხორვატიის პრემიერ-მინისტრმა ანდრეი პლენკოვიჩმა განაცხადა, რომ ქალაქში ცხოვრება უსაფრთხო აღარ არის. პეტრინიაში 20 ათასამდე ადამიანი ცხოვრობს. სტიქიის ზონაში მაშველების დასახმარებლად გაიგზავნა ხორვატიის შეიარაღებული ძალების სამხედროები.^[2] მიწისქვეშა ბიძგები იგრძნობოდა სლოვენიაში, სერბეთში და სხვა მეზობელ ქვეყნებშიც.^[3] მიწისძვრასთან დაკავშირებით, სლოვენიამ ატომური ელექტროსადგურის მუშაობა შეაჩერა.^[2]