Ion
Ion ya iku atom autawa sekumpulan atom kang duwé momotan listrik.[1] Ion asalé saka siji atom unsur (monoatom).[2] Uga ana ion kang asalé saka gabungan loro utawa luwih atom unsur kang béda (poliatom).[2]Ion kang momotan listriké négatif dijenengi anion.[1] Ion kang momotan listriké positif dijenengi kation.[1] Prosès kanggo pembentukan ion dikenal karo jeneng ionisasi.[1]Atom utawa kelompok atom kang terionisasi ditandai karo tikatas n+ utawa n-.[1] n ya iku jumlah elektron kang ilang utawané dientuké.[1]
Sajarah Ion besut
Ion pisanan ditemoké ana ing sawijining téyori déning Michaél Faraday nalika taun 1830.[3] Ion mau kanggo ngambaraké ngenani pérangan molekul kang geraké tumuju arah anoda utawa katoda ana ing tabung hampa udara (vacuum tube, CRT).[3] Nanging, mekanisme prastawa iki nembé bisa dideskripsikaké taun 1884 déning Svante August Arrhenius ana ing disertasi dhoktoré ing University of Uppsala.[3] Wiwitané téyori iki ditolak nanging sawisé iku disertasiné menangi Bebungah Nobél Kimia ana ing taun 1903.[3]
Ion Négatif lan Positif besut
Ion négatif keadaané stabil ana ing udara kanthi cara jiretan karo molekul banyu kang ana ing sekitaré.[4] Amarga saka mau, ion-ion négatif akèh ditemoké nalika udan.[4] Saben friksi utawa gésékan kang ana ing udara cenderung nghasilaké ion positif lan ngusir ion négatif.[4] Kedadéan mau amarga angin racaké nggawa debu utawa polutan.[4] Partikel debu utawa polutan iku duwé momotan positif.[4] Manawi gésékan udara cenderung ngasilaké ion positif, nanging benturan banyu iku malah ngasilaké ion négatif.[4] Nalika banyu nabrak abrak liya, ion positif iku tiba bareng banyu.[4] Sawaliké karo ion positif, ion négatif mabur bareng kabut kang metu saka deburan banyu.[4]Ion positif cenderung duwé dampak négatif kanggo keséhatan antarané:[4]
- Bisa ndadèkaké ketidakseimbangan kimiawi awak manungsa, bisa nganti ngganggu keséhatan.[4]
- Keracunan ion positif bisa ndadèkaké produksi hormon serotonin ana ing polo.[4]
- Bisa njalari blood dyscresia utawa gangguan kelainan pembekuan darah.[4]
Manfaaté ion négatif:Manfaat kang bisa diasilaké saka ion négatif kaya ta:[5]
- Ion Négatif ana ing udara bisa lumebu ana ing awak manungsa liwat pernapasan lan pori-pori kulit.[5] Ion iki lumebu ana ing sél njero awak mèlu ana ing arus aliran getih.[5] Ion Négatif ana ing awak bisa nguraiké asem laktat dadi zat kang ara bahaya (air lan ion laktat) kang gampang digawa aliran getih tumuju panggon pembuangan.[5]
- Saliyané iku Ion Négatif duwé kemampuan kanggo ningkatké kerja limpa kanggo nghasilké kekebalan awak.[5]
- Bisa mbersihké udara lan uga apik kanggo keséhatan.[5] Ion Négatif uga duwé manfaat kanggo matèni virus lan baktéri kang ana ing udara sekitaré dhéwé.[5]
- Ion Négatif uga migunani kanggo netralké Superoksida.
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Cathetan suku besut
- ↑ a b c d e f "www.e-dukasi.net". Diarsip saka sing asli ing 2011-01-02. Dibukak ing 2011-05-24.
- ↑ a b www.scribd.com
- ↑ a b c d surgaku.com
- ↑ a b c d e f g h i j k l "www.pusatbiofir.com". Diarsip saka sing asli ing 2011-06-21. Dibukak ing 2011-05-24.
- ↑ a b c d e f g "japan-biofir.com". Diarsip saka sing asli ing 2011-08-24. Dibukak ing 2011-05-24.