Kabupatèn Brebes
Kabupatèn Brebes (Carakan: ꦑꦧꦸꦥꦠꦺꦤ꧀ꦨꦽꦧꦼꦱ꧀, Pegon: كَابُڤَتَينْ برٚبٚسْ), punika salah satunggaling kabupatèn ingkang wonten ing tlatah Jawa Tengah, Indonésia. Kabupatèn punika dumunung ing laladan pantura saha wewatesan langsung kaliyan provinsi Jawa Kulon, caket kaliyan kutha Cirebon.[1] Jembar wewengkon kabupatèn punika ngantos 1,902.37 km².Kutha krajanipun inggih punika Kacamatan Brebes, kacamatan-kacamatan sanèsipun antawisipun Losari, Tanjung, Ketanggungan, Larangan, Bumiayu, Salem, lan sanèsipun.[1]Brebes punika kabupatèn ingkang gunggunge penduduk ingkang kathah piyambak se-Jawa Tengah, lan paling luas ing Jawa Tengah kaping 2 sawisé Kabupatèn Cilacap.Masarakat Kabupatèn Brebes mliginipun nganggé dhialèk Tegalan kaliyan basa Sundha.[1]
| Brebes كَابُڤَتَينْ برٚبٚسْ ꦑꦧꦸꦥꦠꦺꦤ꧀ꦨꦽꦧꦼꦱ꧀ | ||
|---|---|---|
| Kabupatèn | ||
| ||
| Sesanti: Mangesthi Wicara Ebahing Praja | ||
 Pernahé Brebes ing Jawa Tengah | ||
| Nagara | Indonésia | |
| Provinsi | Jawa Tengah | |
| Dina Dadi | 18 Januari 1678 | |
| Kutha krajan | Brebes | |
| Pamaréntahan | ||
| • Bupati | Hj.Idza Priyanti.SE. | |
| • Wakil Bupati | Narjo | |
| Laladan | ||
| • Gunggung | 1,902,37 km2 (0,73.451 sq mi) | |
| Cacah warga | ||
| • Gunggung | 1,792,511 | |
| • Pepadhet | 0,94/km2 (2,4/sq mi) | |
| Bebrayan | ||
| • Wong | Jawa, Sundha, Arab, Cina lan liya-liya | |
| • Basa | Jawa, Sundha lan Indonesia | |
| • Kepercayan | Islam, Kristen Protestan, Katulik, Hindu, Buddha | |
| Zona wektu | WIK (UTC+7) | |
| Kodhe laladan | (+62) 283 (Brebes Lor) (+62) 289 (Brebes Kidul) | |
| Situs wèb | www (ing basa Indonésia) | |
Sajarah besut
Wonten ing kisah asal-usulipun, aran Brebes punika dipunpendhet saking tembung mbrembes.[1] Tlatah Brebes ingkang kathah toya saha asring ngendeng toya, sarta taksih rawa-rawa.[1] Andadosaken toya kathah ingkang merembes.[1] Mula lair tembung mrembes, kang ngalami owahan (verbastering) dados Brebes.[1]
Uga wonten kisah sanès ingkang nyariosaken Babad Brebes ingkang dipunpendhet saking cariyos mlebetipun agami Islam wonten ing tlatah Brebes (dhialèk lokal: Berbes) meski dialang-alangi, ing pamulaan wontenipun Brebes, mula iku wonten tembung Berbes ingkang katerusan dados Brebes.[1]Seminar panyusunan sajarah Brebes ("Seminar Perumusan Nama Brebes") ditindhakakén wonten ing Gedung DPRD Kabupatèn Brebes tanggal 1 November 1984.[2]
Papréntahan besut
Papréntahan wonten ing kabupatèn Brebes dilaksanakaken déning Pamaréntah Laladan kaliyan Dewan Perwakilan Rakyat Laladan (DPRD) miturut asas desentralisali, yaiku seserahan wewenang saking pamaréntah punjer kanggo Laladan Otonom ing UU No. 22 Tahun 1999.[3]
Perwakilan besut
DPRD Kabupatèn Brebes kasil Pemilihan Umum Legislatif 2009, wonten 10 parté pulitik ingkang dherek pamilihan, inggih punika:
| Parté | Kursi | % |
|---|---|---|
| 13 Kursi | 26 % | |
 | 7 Kursi | 14 % |
 | 7 Kursi | 14 & |
| Barkas:Democratic Party (Indonésia).svg | 6 Kursi | 12 % |
 | 5 Kursi | 10 % |
| Barkas:Logo Parté Amanat Nasional.jpg | 4 Kursi | 8 % |
| Barkas:Ppp-logo.jpg | 4 Kursi | 8 % |
 | 2 Kursi | 4 % |
 | 1 Kursi | 2 % |
| Barkas:Logo PDK.jpg | 1 Kursi | 2 % |
| Total | 50 Kursi | 100 % |
.svg){kind=link}
Lambang laladan besut
Wujud kaliyan motif lambang Kabupatèn Brebes wonten tegesipun.[4] Godhong lambang laladan ingkang minangka dhasar segi gangsal nglambangakén dhasar nagara falsafah nagara yaiku Pancasila, warna biru nunjukaké wontenipun tlatah Brebes punika wonten ing laladan pasisir lan pagunungan.[4] Pucuk segi gangsal nujukaken pucuk gunung, nanging lengkung-lengkungipun nedahaken gelombang sagara.[4] Lintang kang duwé gangsal sudut warna kuning emas ngelambangaken manawi masarakat Brebes punika makluk ingkang berKetuhananan Kang Maha Kuwaos.[4] Bundhering tigan kaliyan gambar brambang nglambangaké tigan asin sarta brambang kasil spesifik laladan.[4] Oyot gangsal ingkang warnanipun cemeng, pucuking brambang kang murub boten mati cacahé gangsal nglambangaké kauripan ingkang dhémokrasi, (lègislatif, èksekutif, yudhikatif) ingkang kalaksanan kanthi dinamis minangka Dhémokrasi Pancasila.[4] Pitulas gabah, wolung kapas, patangpuluh mata rantai nglambangaken titimangsa Proklamasi Kamardikan bangsa Indonésia 17 Agustus 1945.
Pita putih ingkang garisipun cemeng, ngabungaké gabah kaliyan kapas.[4] Wonten ing tengahipun kaserat sesanti laladan Brebes inggih punika "Mangesthi Wicara Ebahing Praja"[4]. Tegesipun sedayanipun sesanti inggih punika rakyat kaliyan Pamarentah Laladan Kabupatèn Brebes gadhah tekad (Mangesthi) yasa laladan kanggé mujudaken kasejahteraan bareng-bareng (Wicara), yasa (Ebahing) nagara (Praja) kaliyan bangsa.[4] Uga wonten tegesipun surya sengkala Mangesthi Wicara Ebahing Praja, inggih punika Mangesthi gadhah watak 8, Wicara duwé watak 7, Ebah(ing) duwé watak 6, lan Praja duwé watak 1.[4] Sakabehé Mangesti Wicara Ebahing Praja duwé makna taun Surya utawi Masehi 1678, taun punika papréntahan Brebes miyos, ingkang titi mangsané 18 Januari 1678 dipuntandhani kaliyan dilantiké bupati Brebes ingkang kapisan inggih punika Radèn Arya Suralaya.[4]
Makna warna-warna sing kagawé[4] inggih punika pethak gadhah teges kejujuran, kesucian, kuning emas tegesipun kesatuan, keagungan, kemuliaan, kebijaksanaan, abrit tegesipun keberanian, ijem tegesé kemakmuran, kerukunan, cemeng tegesipun keteguhan, keabdian, kaliyan warna biru tegesipun kedamaian, kesetiaan.[4]
Wewengkon Brebes besut
Ing wewengkon Kabupatèn Brebes, ana 17 kacamatan lan 1.112 dhusun:[5]
Bupati Brebes besut
Asma-namanipun Bupati Brebes saking taun 1678-2012, inggih punika:[6]
Sarana keséhatan besut
Ora namung punjer keséhatan masarakat (puskesmas) kang sumebar ning kutha krajan kacamatan sarta désa, uga ana rumah sakit kang dikelola déning pamaréntah lan swasta yaiku:
- RSUD Brebes, Jl. Jend. Sudirman No. 80 Kota Brebes
- RSUD Bumiayu, Jl. KH. Ahmad Dahlan, Bumiayu
- RSI Siti Asia. Jl. Raya Bumiayu, Bumiayu
- RS PKU Muhammadiyah "Siti Aminah".Jl. P. Diponegoro, Bumiayu
- RS PKU Muhammadiyah "Ibnu Shina". Jl. Merdeka No. 233, Banjarharjo
- RS PKU Muhammadiyah Larangan. Jl. H. Ilyas, Larangan
- RS Bhakti Asih, Jl. P. Diponegoro Km.2 No 125 Pesantunan, Wanasari
- RS Dedy Jaya, Jl. A. Yani Kota Brebes
- RSIA Mutiara Bunda, Jl. Raya Tanjung, Tanjung
- RSIA Amal Bakti Désa Teriangun Kota Brebes
- RS Dera As-Syifa An-Nahdliyah, Jl. Merdeka No. 191 Banjarharjo
- RS Hj. Mahmudah, Jl. Raya Sitanggal, Larangan
Panganan lan plesiran besut
Panganan kas sarta wisata kuliner besut
- Brambang
- Endhog asin
- Saté Blengong
- Angleng singkong
- Bandeng pindang
- Sate kambing mudha kas Brebes kang dibumboni kecap, brambang lan cabe rawit, kang sumebar ning pertigaan Tanjung, Kota Brebes, Ketanggungan lan Jatibarang.
- Rujak Belut Mak Ribut ning désa Cigedong
- Pusat telur asin asli Brebes lan olèh-olèh kas Brebes ning sadawané Jl. Jend. Sudirman Ketanggungan
- Bandeng Presto Duri Lunak kas Brebes, home indhustri masarakat Limbangan kabupatèn Brebes
- Sega lengko, sarapan kang isiné sega, timun, tahu, toge, emping, sambal kacang lan kecap.
- Tape ketan godhong jambu, digawé saka beras ketan dibungkus nganggo godhong jambu.
- Teh Poci Wasgitel, ombèn teh kang wangi, sepet, legi lan kenthel, ombena kas Kabupatèn Brebes lan Tegal kang disajikake nganggo poci lan cangkir saka lempung, nganggo gula batu.
- Krupuk rambak, krupuk kulit kebo saka Bumiayu, Brebes.
- Krupuk rambak (digawé saka kulit sapi), Bumiayu
- Bakso Dengkil, Kersana
Plesir besut
- Wadhuk Malahayu
- Wadhuk Penjalin
- Umbul Banyu Kali Pemali
- Pasisir Randusanga
- Padusan Banyu Panas Cipanas Bantarkawung
- Padusan Banyu Panas Cipanas Kedungoleng
- Cagar Alam Tlaga Ranjeng
- Mata Air Cibentar, Bentarsari, Salem
- Air Terjun Waru Doyong
- Mata Air Dua Suhu
- Ciblon Waterboom Brebes
- Agrowisata Kaligua
- Agrowisata Sepoor Teboe PG Jatibarang
- Kebun Durèn Antap Sari di désa Rajawetan, Tonjong
Deleng uga besut
Réferènsi besut
- ↑ a b c d e f g h Asal-muasal Kota Brebes[pranala mati permanèn] dipununduh tanggal 07 April 2011
- ↑ Naskah Putusan Seminar Tanggal 01 November 1984[pranala mati permanèn] dipununduh tanggal 07 2011
- ↑ Kabupatèn Brebes[pranala mati permanèn]
- ↑ a b c d e f g h i j k l m Tegesipun Lambang Laladan Kabupatèn Brebes Archived 2011-05-04 at the Wayback Machine. dipununduh tanggal 07 April 2011
- ↑ Wewengkon Kacamatan Brebes[pranala mati permanèn] dipununduh tanggal 07 April 2011
- ↑ Bupati-bupati Brebes[pranala mati permanèn] dipununduh tanggal 07 April 2011
Pranala njaba besut
Kacamatan ing Kabupatèn Brebes | |
|---|---|
| Kacamatan | |