Þreföld tvenna
Þreföld tvenna er hugtak í körfubolta og á við um það þegar leikmaður nær tveggja stafa tölu (þ.e. 10 eða meira) í þremur af eftirfarandi fimm: stigum, fráköstum, stoðsendingum, vörðum skotum og stolnum boltum. Ef leikmaðurinn hefur tvo tugi eða meira í þremur flokkum, t.d. 20 stig, 20 fráköst og 20 stoðsendingar, er talað um tvöfalda þrefalda tvennu. Algengast er að leikmaður nái þrefaldri tvennu með tíu eða fleiri stigum, fráköstum og stoðsendingum. Hugtakið sjálft varð til þegar Bruce Jolesch, upplýsingafulltrúi Los Angeles Lakers var að lýsa fjölhæfni Magics Johnson.
Þreföld tvenna er álitin vísbending um góða alhliða frammistöðu leikmanns. Í NBA-deildinni í Bandaríkjunum eru þrefaldar tvennur tiltölulega sjaldgæfar og yfirleitt ná jafnvel framúrskarandi leikmenn ekki nema tíu á hverju leiktímabili (sem er 82 leikir). Þrefaldar tvennur eru sjaldgæfari í leikjum undir FIBA-reglum en þá eru leikir einungis 40 mínútna langir en ekki 48 mínútur eins og í NBA-deildinni.
Þrefaldar tvennur í NBA-deildinni
breyta- Þreföld tvenna að meðaltali yfir heilt leiktímabil: Oscar Robertson er eini leikmaðurinn í sögu NBA-deildarinnar sem hefur náð því afreki.[1] Það var á leiktímabilinu 1961-62 en þá skoarið Robertson að meðaltali 30,8 stig í leik, tók að meðaltali 12,5 fráköst og gaf að meðaltali 11,4 stoðsendingar.
- Flestar þrefaldar tvennur (á venjulega leiktímabili): Oscar Robertson náði þrefaldri tvennu alls 181 sinni.
- Flestar þrefaldar tvennur (í úrslitakeppni): Magic Johnson náði þrefaldri tvennu alls 30 sinnum.
- Flestar þrefaldar tvennur á einu leiktímabili: Oscar Robertson náði þrefaldri tvennu alls 41 sinni á leiktímabilinu 1961-62. Wilt Chamberlain kemur næstur en hann náði þrefaldri tvennu alls 31 sinni á leiktímabilinu 1967-68.
- Yngsti leikmaður: LeBron James, þá 20 ára og 20 daga gamall, náði þrefaldri tvennu 19. janúar 2005 í leik gegn Portland Trail Blazers. Hann skoraði 27 stig, tók 11 fráköst og gaf 10 stoðsendingar.
- Elsti leikmaður: Karl Malone er eini leikmaðurinn sem hefur náð þrefaldri tvennu á fimmtugsaldri en það gerði hann 28. nóvember 2003 þegar hann skoraði 10 stig, tók 11 fráköst og gaf 10 stoðsendingar í leik gegn San Antonio Spurs.
- Tvöföld þreföld tvenna: Til þess að ná tvöfaldri þrefaldri tvennu þarf tvo tugi í að minnsta kosti þremur flokkum. Wilt Chamberlain er eini leikmaðurinn sem hefur náð slíku afreki en það gerði hann 2. febrúar 1968; Chamberlain skoraði 22 stig, tók 25 fráköst og gaf 21 stoðsendingu.
- Lengsta röð af þreföldum tvennum: Wilt Chamberlain á þeta met en frá 8. mars til 20. mars árið 1968 náði hann þrefaldri tvennu í níu leikjum í röð.
- Félagar með þrefaldar tvennur í sama leik: Michael Jordan og Scottie Pippen náðu báðir þrefaldri tvennu í sama leik (Chicago Bulls gegn L.A. Clippers) þann 3. janúar 1989. Vince Carter og Jason Kidd náður báðir þrefaldri tvennu í sama leik (New Jersey Nets gegn Washington Wizards) þann 7. apríl 2007.
Flestar þrefaldar tvennur í NBA-deildinni
breyta- uppfært feb. 2022.
| Á leiktímabili | ||
|---|---|---|
| Númer | Nafn | Þrefaldar tvennur |
| 1 | Russell Westbrook | 193 |
| 2 | Oscar Robertson | 181 |
| 3 | Magic Johnson | 138 |
| 4 | Jason Kidd | 107 |
| 5 | LeBron James | 103 |
| 6 | Wilt Chamberlain | 78 |
| 7 | Nikola Jokic | 71 |
| 8 | James Harden | 67 |
| 9 | Larry Bird | 59 |
| 10 | Luka Doncic | 45 |
| 11 | Fat Lever | 43 |
| 12 | Bob Cousy | 33 |
| 13 | Ben Simmons | 32 |
| 13 | Rajon Rondo | 32 |
| 14 | Draymond Green | 31 |
| 14 | John Havlicek | 31 |
| 15 | Giannis Antetokounmpo | 29 |
| 15 | Grant Hill | 29 |
| 16 | Michael Jordan | 28 |
| 17 | Elgin Baylor | 26 |
| 18 | Clyde Drexler | 25 |
* gefur til kynna að leikmaður sé enn virkur
| Í úrslitakeppni | ||
|---|---|---|
| Númer | Nafn | Þrefaldar tvennur |
| 1 | Magic Johnson | 30 |
| 2 | Jason Kidd | 11 |
| 3 | Larry Bird | 10 |
| 4 | Wilt Chamberlain | 9 |
| 5 | Oscar Robertson | 8 |
| 6 | John Havlicek | 5 |
| 7 | Charles Barkley | 4 |
| 7 | Elgin Baylor | 4 |
| 7 | Walt Frazier | 4 |
| 7 | Scottie Pippen | 4 |
| 7 | Tim Duncan* | 4 |
* gefur til kynna að leikmaður sé enn í starfi
Þrefaldar tvennur í NBA-deildinni með vörðum skotum eða stolnum boltum
breytaEftirfarandi eru þekkt tilvik en fleiri eru hugsanlega til.
Stig, fráköst og varin skotÞetta er næst algengasta samsetning þrefaldrar tvennu. Þessu afreki hefur verið náð að minnsta kosti 46 sinnum á síðustu 22 árum. Nokkrir leikmenn hafa náð þessu afreki oftar en einu sinni.
- Dikembe Mutombo (tíu sinnum)
- Hakeem Olajuwon (níu sinnum, einu sinni þegar hann náði fjórfaldri tvennu)
- David Robinson (níu sinnum, einu sinni þegar hann náði fjórfaldri tvennu)
- Shawn Bradley (sex sinnum)
- Marcus Camby (þrisvar sinnum)
- Ben Wallace (tvisvar sinnum)
- Nate Thurmond náði þessu afreki þegar hann náði fjórfaldri tvennu.
- Leikmenn sem hafa náð þessu afreki einu sinni: Mark Eaton, Manute Bol, Larry Nance, Benoit Benjamin, Shaquille O'Neal, Jermaine O'Neal, Andrei Kirilenko, Dwight Howard.
Stig, stoðsendingar og stolnir boltar
- Fat Lever (13 — 15 — 10)) 9. mars 1985 (Denver gegn Indiana)
- Clyde Drexler (26 — 11 — 10) 10. janúar 1986 (Portland gegn Milwaukee)
- Emilio Salinas Jr (17 — 13 — 10) 9. desember 1993 (Phoenix gegn Washington)
- Mookie Blaylock (14 — 11 — 10) 14. apríl 1998 (Atlanta gegn Philadelphia)
- Alvin Robertson náði þessu afreki þegar hann náði fjórfaldri tvennu.
Stig, fráköst og stolnir boltar
- Larry Steele (12 — 11 — 10) 16. nóvember 1974 (Portland gegn L.A. Lakers)
- Clyde Drexler (25 — 10 — 10) 1. nóvember 1996 (Houston gegn Sacramento)
- Kendall Gill (15 — 10 — 11) 3. apríl 1999 (New Jersey gegn Miami)
- Alvin Robertson náði þessu afreki þegar hann náði fjórfaldri tvennu.
Stig, stoðsendingar og varin skot
- Þessu afreki hefur verið náð í NBA-deildinni að minnsta kosti tvisvar sinnum á síðustu 22 árum og að minnsta kosti þrisvar í sögu deildarinnar. Öll þekkt tilvik eru hlutar af fjórfaldri tvennu.
Fráköst, stoðsendingar og varin skot
- Þessu afreki hefur verið náð í NBA-deildinni að minnsta kosti tvisvar sinnum á síðustu 22 árum og að minnsta kosti þrisvar í sögu deildarinnar. Öll þekkt tilvik eru hlutar af fjórfaldri tvennu.
Fráköst, stoðsendingar og stolnir boltar
- Alvin Robertson náði þessu afreki þegar hann náði fjórfaldri tvennu en það er eina þekkta dæmið úr sögu NBA-deildarinnar.
Þrefaldar tvennur sem ekki hafa sést
- Stig, stolnir boltar og varin skot
- Fráköst, stolnir boltar og varin skot
- Stoðsendingar, stolnir boltar og varin skot
Neðanmálsgreinar
breyta- ↑ thebigo.com, „Triple-Double Facts“ Geymt 4 júlí 2008 í Wayback Machine. Skoðað 27. febrúar 2008.