Ֆրանսիայի բաց առաջնության տղամարդկանց մենախաղ 2016, թենիսի տղամարդկանց մենախաղի մրցաշար, թենիսի հիմնական՝ Մեծ Սաղավարտի, մրցաշարերից մեկը։ Անց է կացվել 2016 թվականի մայիսի 22-ից մինչև հունիսի 5-ը, Փարիզի Stade Roland Garros-ի («Ռոլան Գարոս մազադաշտ») կորտում, Ֆրանսիա։
Ֆրանսիայի բաց առաջնության տղամարդկանց մենախաղի մրցաշարի հաղթող Նովակ ՋոկովիչըՖրանսիայի բաց առաջնության տղամարդկանց մենախաղի մրցաշարի եզրափակիչի մասնակից Էնդի Մարրեյը
Մրցաշարի գործող չեմպիոն Ստանիսլաս Վավրինկան կիսաեզրափակիչում պարտվել է Էնդի Մարրեյին, ով դարձել է առաջին բրիտանացի թենիսիստը՝ 1937 թվականին Բենի Օստինից հետո, ով դուրս է եկել եզրափակիչ։
Նովակ Ջոկովիչը Ֆրանիսայի բաց առաջնության իր առաջին տիտղոսն է նվաճել, եզրափակիչում Էնդի Մարրեյին հաղթելով 3-6, 6-1, 6-2, 6-4 հաշվով։ Ջոկովիչն արժանացել է կարիերային Մեծ Սաղավարտին և հասել է օրացույցային Մեծ Սաղավարտին, դառնալով առաջին թենիսիստը՝ 1969 թվականին Ռոդ Լևերից հետո, ով հաջորդաբար շահել է բոլոր չորս հիմնական տիտղոսները (2015 թվականի Ուիմբլդոնի մրցաշարից մինչև 2016 թվականի Ֆրանսիայի բաց առաջնությունը)[1][2]։ Ջոկովիչը նաև դարձել է առաջին թենիսիստը՝ 1992 թվականին Ջիմ Կուրիեից հետո, ով միևնույն օրացույցային տարում հաղթանակ է տարել Ավստրալիայի և Ֆրանսիայի բաց առաջնություններում[3], բացի այդ, նա իր 200-րդ շաբաթն է անց կացրել որպես ATP դասակարգման 1-ին համար՝ մրցաշարի առաջին շաբաթի ընթացքում և 100-րդ շաբաթը որպես ATP աղյուսակի առավին հորիզոնական զբաղեցնող՝ մրցաշարի երկրորդ շաբաթի ընթացքում։
Այդ մրցաշարը նշվել է որպես 21-րդ դարի առաջին մրցաշար, որում Ռոջեր Ֆեդերերը մասնակցություն չի ունեցել Մեծ Սաղավարտի մրցաշարի հիմնական ցանցում՝ 1999 թվականի ԱՄՆ բաց առաջնությունից հետո, ավարտին հասցնելով Մեծ Սաղավարտի մրցաշարերում 65 անընդմեջ ելույթների ռեկորդը։ Դա եղել է առաջին անգամ՝ 2004 թվականից ի վեր, որ քառորդ եզրափակիչում մասնակցություն չեն ունեցել ոչ Ռոջեր Ֆեդերերը, ոչ Ռաֆայել Նադալը