Ստաբս (կատու)
Ստաբս (անգլ.՝ Stubbs, ապրիլի 12, 1997, Ալյասկա, Ամերիկայի Միացյալ Նահանգներ), ընտանի կատու, որը 1997 թվականից ի վեր զբաղեցնում է Ամերիկայի Միացյալ Նահանգների Տալկիտնա քաղաքի պատվավոր քաղաքապետի պաշտոնը։
| Ստաբս | |
|---|---|
 Ստաբսը հանգստի ժամանակ, 2006 թվական | |
| Անվան բնօրինակ | անգլ.՝ Stubbs |
| Տեսակ | Ընտանի կատու |
| Սեռ | արու |
| Ծնվել է | ապրիլի 12, 1997 |
| Ծննդավայր | Ալյասկա, Ամերիկայի Միացյալ Նահանգներ |
| Սատկել է | հուլիսի 21, 2017[1] (20 տարեկան) |
| Սատկելու վայր | Talkeetna, Ալյասկա |
| Երկիր |  ԱՄՆ |
| Հայտնի է | Ալյասկա նահանգի Տալկիտնա քաղաքի պատվավոր քաղաքապետ |
| Տեր | Լորի Սթեք |
Կենսագրություն խմբագրել
1997 թվականին, Լորի Սթեքը՝ «Nagley’s General Store» շուկայի կառավարիչը, գտել է ապագա քաղաքապետին կատվի ձագերի համար նախատեսված արկղի մեջ։ Այդ ժամանակ կատվիկը նորածին էր։ Պարզվեց, որ Ստաբսը ունեցել է սեփականատերեր, որոնք հրաժարվել են պահել կենդանուն և հանձնել են շուկային։ Մյուս կատուների մեջ Ստաբսը աչքի էր ընկնում իր պոչի բացակայությամբ[2]։
1997 թվականի Տալկիտնա քաղաքի պատվավոր քաղաքապետի ընտրություններում շատ մարդիկ դժգոհ էին թեկնածուներից՝ քաղաքական գործիչներից և քաղաքացիներից, հետևաբար՝ որոշվեց պաշտոնի թեկնածու առաջադրել մի պոչատ կատվի[3][4]։ Ստաբսի առաջադրումը կատարվել էր միայն հաճույքի և ուշադրության համար, սակայն ի վերջո ամերիկյան այս քաղաքի ամբողջ բնակչությունը (900 մարդ) քվեարկել է հօգուտ կատվի։ Ի վերջո՝ ընտանի այս կատուն ընտրվել է քաղաքապետ՝ զարկ տալով քաղաքում զբոսաշրջության զարգացմանը[5][6]։
2012 թվականի քաղաքապետի ընտրություններում Ստաբսը վերընտրվել է և շարունակել է հանդես գալ քաղաքապետի պաշտոնում[7]։
2013 թվականի սեպտեմբերի 1-ին սովորության համաձայն Ստաբսը գիշերային զբոսանք է կատարել, որի ժամանակ նրա վրա է հարձակվել թափառաշրջիկ մի շուն։ Քաղաքապետը շտապ տեղափոխվել է հիվանդանոց՝ մի շարք լուրջ վնասվածքներով, այդ թվում՝ թոքերի պատռումով և կոտրված կողերով։ Անասնաբույժները կատվի վիճակը գնահատել են ծանր[8][9]։
Համապատասխան բուժումները ստանալուց և ապաքինվելուց հետո Ստաբսը հիվանդանոցից տեղափոխվել է իր «նստավայր»։
Շատ լրատվամիջոցներ և ԶԼՄ-ներ կատվի ընտրվելը խեղկատակություն են համարում։ Հոդվածներից մեկում նշվել է, որ կատվի քաղաքապետ լինելը ոչ ավելին քան կեղծիք է։
Ծանոթագրություններ խմբագրել
- ↑ http://www.ktva.com/stubbs-talkeetnas-honorary-cat-mayor-dies-987/
- ↑ Holly Yan (2012 թ․ հուլիսի 17). «Mayor of Alaska village walks on four paws» (անգլերեն). CNN. Արխիվացված օրիգինալից 2016 թ․ հունվարի 25-ին. Վերցված է 2016 թ․ հունվարի 25-ին.
- ↑ Лена Аверьянова (2013 թ․ սեպտեմբերի 4). «И утащит за бочок» (ռուսերեն). Lenta.ru. Արխիվացված օրիգինալից 2016 թ․ հունվարի 25-ին. Վերցված է 2016 թ․ հունվարի 25-ին.
- ↑ Amy Friedman (2012 թ․ հուլիսի 17). «Cat marks 15 years as mayor of Alaska town» (անգլերեն). Time. Արխիվացված օրիգինալից 2016 թ․ հունվարի 25-ին. Վերցված է 2016 թ․ հունվարի 25-ին.
- ↑ «Кот Стаббс — идеальный мэр» (ռուսերեն). Euronews. 2012 թ․ հուլիսի 16. Արխիվացված օրիգինալից 2016 թ․ հունվարի 25-ին. Վերցված է 2016 թ․ հունվարի 25-ին.
- ↑ «Mayor Stubbs, the cat» (անգլերեն). 2012 թ․ հուլիսի 16. Արխիվացված է օրիգինալից 2016 թ․ հունվարի 30-ին. Վերցված է 2016 թ․ հունվարի 25-ին.
- ↑ «Рыжий кот по имени Стаббс переизбран мэром небольшого городка на Аляске» (ռուսերեն). «Комсомольская правда». 2012 թ․ հուլիսի 17. Արխիվացված օրիգինալից 2013 թ․ ապրիլի 22-ին. Վերցված է 2016 թ․ հունվարի 25-ին.
- ↑ «На Аляске совершено нападение на кота-мэра» (ռուսերեն). Lenta.ru. 2013 թ․ սեպտեմբերի 4. Արխիվացված օրիգինալից 2016 թ․ հունվարի 25-ին. Վերցված է 2016 թ․ հոկտեմբերի 28-ին.
- ↑ Lateef Mungin, Amanda Watts (2013 թ․ սեպտեմբերի 4). «Stubbs the cat, Alaska town mayor, mauled by dog» (անգլերեն). CNN. Արխիվացված օրիգինալից 2016 թ․ հունվարի 25-ին. Վերցված է 2016 թ․ հոկտեմբերի 28-ին.
