Սուրեն Նալբանդյան
Սուրեն Ռուբենի Նալբանդյան (հունիսի 3, 1956[1], Գեղարդ, Աբովյանի շրջան, Հայկական ԽՍՀ, ԽՍՀՄ), խորհրդահայ հունահռոմեական ոճի ըմբշամարտիկ, ԽՍՀՄ-ի հնգակի չեմպիոն (1975,1976,1977, 1979, 1980), Եվրոպայի չեմպիոն (1977), օլիմպիական չեմպիոն (1976), ԽՍՀՄ սպորտի վաստակավոր վարպետ, «Պատվո նշանի» շքանշանակիր (1976)[2]։
| Սուրեն Նալբանդյան | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | ըմբիշ |
| Երկիր՝ |  ԽՍՀՄ |
| Ծննդյան ամսաթիվ՝ | հունիսի 3, 1956[1] (66 տարեկան) |
| Ծննդավայր՝ | Գեղարդ, Աբովյանի շրջան, Հայկական ԽՍՀ, ԽՍՀՄ |
Կենսագրություն
Սուրեն Նալբանդյանը ծնվել է Գեղարդում։ Ընտանիքը 1964 թվականին տեղափոխվում է Աստրախան, որտեղ էլ 1969 թվականին նա սկսել է զբաղվել ըմբշամարտով։ 1972 թվականին եղել է ԽՍՀՄ պատանիների չեմպիոն, իսկ 1974 թվականին՝ երիտասարդների։ 1975 թվականին Սուրեն Նալբանդյանը դարձել է ամառային Սպարտակիադայի և աշխարհի երիտասարդական առաջնության հաղթող։ 1976 թվականին հաղթող է ճանաչվում ԽՍՀՄ առաջնությունում և ընդգրկվում ԽՍՀՄ-ի հավաքականի կազմում, մասնակցում Լենինգրադի Եվրոպայի առաջնությանը և Մոնրեալի Օլիմպիական խաղերին։ Լենինգրադի Եվրոպայի առաջնությանը Սուրեն Նալբանդյանը նվաճում է բորնզե մեդալ, իսկ Մոնրեալի օլիմպիական խաղերին նվաճում է ոսկե մեդալ և դառնում ամենաերիտասարդ օլիպիական ըմբշամարտի չեմպիոնը[3]։ Հաջորդ տարին նա նորից է դառնում ԽՍՀՄ-ի և Եվրոպայի չեմպիոն։ 1980 թվականին մասնակցում է Մոսկվայի Օլիմպիական խաղերին, սակայն չի կարողանում մեդալ նվաճել։ Դրանից հետո թողնում է իր մարզական կարիերան և սկսում զբաղվել մարզչական աշխատանքներով[4]։
Արտաքին հղումներ
- НАЛБАНДЯН СУРЕН РУБЕНОВИЧ
- Спортивные достижения: Archived 2017-04-09 at the Wayback Machine.
Ծանոթագրություններ
Սուրեն Նալբանդյանի նկարները
- Сурен Налбандян(չաշխատող հղում)
- Олимпийский чемпион по греко-римской борьбе Сурен Налбандян провёл мастер-класс в Новоалтайске. Archived 2017-07-09 at the Wayback Machine.