Լիլիթ Բրուտյան
Լիլիթ Գեորգի Բրուտյան (օգոստոսի 7, 1953, Երևան, Հայկական ԽՍՀ, ԽՍՀՄ), հայ լեզվաբան։ Բանասիրական գիտությունների դոկտոր (1992), պրոֆեսոր (2003): Հայոց փիլիսոփայական ակադեմիայի ակադեմիկոս, Երևանի պետական համալսարանի ռուսաց լեզվաբանության, տիպաբանության և հաղորդակցման տեսության ամբիոնի վարիչ[1][2]։ Լ. Գ. Բրուտյանի գիտական հետաքրքրությունների շրջանակը ընդգրկում է ընդհանուր և համեմատական լեզվաբանության, լեզվափիլիսոփայության, հաղորդակցման տեսության, փաստարկման տեսության, գործաբանության, գենդերային լեզվաբանության, ճանաչողական լեզվաբանության, հոգելեզվաբանության, երեխաների խոսքի, տեղանունների և այլ հիմնահարցեր։
Լիլիթ Բրուտյան | |
|---|---|
| Ծնվել է | օգոստոսի 7, 1953 (70 տարեկան) Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | ուսուցչուհի և լեզվաբան |
| Հաստատություն(ներ) | Երևանի պետական համալսարան |
| Ալմա մատեր | Երևանի պետական համալսարան |
| Կոչում | պրոֆեսոր |
| Գիտական աստիճան | բանասիրական գիտությունների դոկտոր (1992) |
Կենսագրություն խմբագրել
Լիլիթ Բրուտյանը ծնվել է 1953 թվականի օգոստոսի 7-ին, Երևանում։ 1975 թվականին ավարտել է Երևանի պետական համալսարանը։ 1979 թվականից աշխատում է ԵՊՀ-ում, միաժամանակ՝ ՀՀ ԳԱԱ Լեզվի ինստիտուտի գիտաշխատող, 1994-1995 թվականներին՝ Մոնթքլերի (ԱՄՆ) համալսարանի պրոֆեսոր։Ուսումնասիրությունները վերաբերում են ընդհանուր և համեմատական լեզվաբանության, լեզվափիլիսոփայության, հոգելեզվաբանության, ճանաչողական լեզվաբանության հիմնախնդիրներին։
Պրոֆեսոր Լ. Գ. Բրուտյանը հեղինակ է մոտ 120 գիտական աշխատությունների, որոնք տպագրվել են Ռուսաստանում, ԱՄՆ-ում, Իսպանիայում, Իտալիայում, Սլովենիայում, Լեհաստանում, Չինաստանում, Նիդեռլանդներում, Ֆինլանդիայում, Ուկրաինայում, Շվեյցարիայում, Լիտվիայում և այլ երկրներում։ Հրապարակումների թվում 10 գիրք է։
Գիտական զեկույցներով հանդես է եկել Նիդեռլանդներում, ԱՄՆ-ում, Իսպանիայում, Ռուսաստանում, Ֆինլանդիայում, Շվեցարիայում, Լեհաստանում, Լիտվայում, Բելառուսում, Չինաստանում և այլն։
Փաստարկման ուսումնասիրման միջազգային ընկերության (Նիդեռլանդներ), Գործաբանության միջազգային ընկերության (Բելգիայ), "Journal of US-China Foreign Language" (ԱՄՆ), "Journal of Sino-US English teaching" (ԱՄՆ), "Լեզու և լեզվաբանություն" ամսագրերի խմբագրակազմերի, գիտական աստիճաններ շնորհող մասնագիտացված խորհուրդների անդամ է, Հայաստանի կրթության և գիտության նախարարության Գիտության պետական կոմիտեի փորձագետ և այլն[3]։
Մրցանակներ խմբագրել
- «Աշխարհի առաջատար մանկավարժ 2005» (Մեծ Բրիտանիա) մրցանակ, 2005
- Հայաստանի կրթության և գիտության նախարարության պատվոգիր, 2009
Ծանութագրություններ խմբագրել
- ↑ «Լիլիթ Գեորգի Բրուտյանը ԵՊՀ կայքում». Արխիվացված է օրիգինալից 2017 թ․ հոկտեմբերի 28-ին. Վերցված է 2016 թ․ հոկտեմբերի 15-ին.
- ↑ «Լիլիթ Գեորգի Բրուտյան». Արխիվացված է օրիգինալից 2016 թ․ նոյեմբերի 9-ին. Վերցված է 2016 թ․ հոկտեմբերի 15-ին.
- ↑ «AV Production - Լիլիթ Բրուտյան». avproduction.am. Արխիվացված է օրիգինալից 2021 թ․ հունիսի 28-ին. Վերցված է 2020 թ․ օգոստոսի 7-ին.