Լաքեր
Լաքեր, թաղանթ առաջացնող նյութերի լուծույթներն են օրգանական լուծիչներում։ Փայտե, մետաղե և այլ մակերեսներ բարակ շերտով պատելուց և չորացնելուց հետո լաքերն առաջացնում են մակերեսին ամուր կպած պինդ, փայլուն, թափանցիկ թաղանթներ։ Այդ թաղանթներն առարկաները պաշտպանում են մթնոլորտի և այլ վնասակար ազդեցություններից, ինչպես նաև ունեն գեղազարդիչ նշանակություն։ Լաքերի մեծամասնությունն անգույն է։ Գունավոր լաքեր ստանալու համար նրանց ավելացնում են լուծելի օրգանական ներկանյութեր, որոնք պահպանում են թաղանթների թափանցիկությունը։ Սև լաքերը պատրաստում են հանքաձյութերից։ Լաքապատում են ցողելու, քսելու, թաթախելու և այլ եղանակներով։
Լաքերը մածուցիկ են, ներծծվում են առարկայի մակերևույթով և արագ չորանում են։ Լաքաթաղանթները կարծր են, ամուր, մթնոլորտա- և լուսադիմացկուն, կայուն՝ ջրի, բենզինի, հանքային յուղերի ազդեցությունների նկատմամբ, ինչպես նաև էլեկտրամեկուսիչ են։ Լաքերի որոշ տեսակներ կիրառվում են նաև գեղազարդիչ-կիրառական արվեստում։
Նաև չոր լաքից պատրաստում են խաղալիք-հուշանվերներ[1]։
Ծանոթագրություններ
խմբագրել- ↑ «Խաղալիք-հուշանվերներ». Արխիվացված է օրիգինալից 2015 թ․ մարտի 20-ին. Վերցված է 2015 թ․ օգոստոսի 17-ին.
Արտաքին հղումներ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 508)։  |
 | Վիքիպահեստն ունի նյութեր, որոնք վերաբերում են «Լաքեր» հոդվածին։ |
 | Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |