Դանուբի աշտարակ

Դանուբի աշտարակ
Տեսակ	դիտաշտարակ, revolving restaurant?, Հեռուստատեսային աշտարակ և մշակութային արժեք
Երկիր	Ավստրիա
Տեղագրություն	Վիեննա և Դոնաուշտադտ
Հասցե	Donauturmstraße, 1210 Wien
Բարձրություն	252 մետր
Վերելակներ	2
Հիմնադրված է	1964
Ճարտարապետ	Hannes Lintl? և Robert Krapfenbauer?
Ժառանգության կարգավիճակ	Ավստրիայի ճարտարապետական ժառանգության օբյեկտ
Պաշտոնական կայք

Դանուբի աշտարակ (գերմ.՝ Donauturm), աշտարակ Վիեննայում։ Ավստրիայի ամենաբարձր կառույցն է, որն ունի 252 մետր բարձրություն^[2] և մտնում է աշխարհի 75 ամենաբարձր կառույցների մեջ։ Աշտարակը բացվել է 1964 թվականին և գտնվում է Դոնաուշտադ շրջանում, Դանուբ գետի հյուսիսային ափին։ Քալնբեք և Լեոփոլդսբեք բլուրները տեսանելի են աշտարակի հետնամասից։

Պատմություն խմբագրել

Դանուբի աշտարակը կառուցվել է 1962֊1964 թվականների ընթացքում։ Աշտարակի նախագիծն արել է ավստրիացի ճարտարապետ Հաներս Լինթլը 1964 թվականի Վիեննական միջազգային այգեգործության ցուցադրման համար։ Կառուցման աշխատանքները սկսվել են 1962 թվականի հոկտեմբերի 12֊ից։ Մոտ տասնութ ամիս տևած շինարարական աշխատանքներից հետո Էբերհարդ Ֆյոդիսչի հսկողությամբ 1964 թվականի ապրիլի 16֊ին դաշնային նախագահ Ադոլֆ Շերֆի մասնակցությամբ պաշտոնապես տեղի ունեցավ աշտարակի բացումը։ Այդ ժամանակից ի վեր այն դարձել է Վիեննայի հայտնի դիտակետը և տուրիստական ատրակցիոնը։

Հարմարություններ խմբագրել

Բարձր արագությամբ երկու վերելակները տեղափոխում են ուղևորներին աշտարակի դիտահարթակ, որը 150 մետր բարձրության վրա է։ Յուրաքանչյուր վերելակով կարող է տասնչորս ուղևոր բարձրանալ և հասնել դիտահարթակ ընդամենը 35 վայրկյանում։ Ուժեղ քամիների ժամանակ վերելակներն ավելի դանդաղ են բարձրանում, քանի որ հնարավոր է աշտարակի տատանում, և վերելակի մալուխի շարժումը կարող է շատ վտանգավոր լինել։ Ոտքով վեր կարող ես բարձրանալ մոտավորապես 779 քայլ անելով։ Աշտարակում կան բջջային հեռախոսների ցանցային ալիքներ, մասնավոր ռադիոկայաններ և այլ ռադիոհաղորդակցման ծառայություններ։ Չնայած իր նմանությանը հեռուստաաշտարակների` այն չի օգտագործվում հեռուստատեսային հեռարձակման համար։ Վիեննայի գլխավոր հեռուստատեսային հաղորդիչ տարածքը գտնվում է Քալենբեք բլրի վրա։

Ռադիոկայան	Հաճախականություն	Արդյունավետ ճառագայթվող հզորություն	Ժամանակ
Ռադիո Արաբելա Վիեննա	92,9 ՄՀց	2,6653 կՎտ	14 դեկտեմբեր 2001
Օրանժ 94.0	94,0 ՄՀց	0,3981 կՎտ	17 օգոստոս 1998
Սուպերֆլայ	98,3 ՄՀց	0,3802 կՎտ	29 փետրվար 2008
Ռադիո Ստեֆանսդոմ	107,3 ՄՀց	1,9999 կՎտ	24 սեպտեմբեր 1998

Համայնապատկերներ

Ծանոթագրություններ խմբագրել

↑ ^1,0 ^1,1 ^1,2 ^1,3 Wiki Loves Monuments monuments database — 2017.
↑ «Technical facts about Donauturm». Վերցված է 2015 թ․ հոկտեմբերի 28-ին.

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Դանուբի աշտարակ» հոդվածին։

[_947248738e697a89-1] 1,0 ^1,1 ^1,2 ^1,3 Wiki Loves Monuments monuments database — 2017.

[2] «Technical facts about Donauturm». Վերցված է 2015 թ․ հոկտեմբերի 28-ին.

[2]

[1]