Ավստրիայի ազգային խորհուրդ

Ավստրիայի ազգային խորհուրդ; գերմ.՝ Nationalrat
Տեսակ
Տեսակ	Ստորին պալատ
Պատմություն
Հիմնադրված	դեկտեմբերի 20, 1945
Նստատեղեր	183
	parlament.gv.at(գերմ.)(անգլ.)

Ավստրիայի ազգային խորհուրդ (գերմ.՝ Nationalrat՝ Նացիոնալարտ), Ավստրիայի Դաշնային ժողովի ստորին պալատ^[1]^[2]։

Համալրում

Ավստրիայի ազգային խորհուրդը կազմված է 183 պատգամավորներից, որոնք ընտրվում են համընդհանուր գաղտնի քվեարկությամբ 5 տարի ժամկետով։ Խորհրդի իրավասությունների ժամկետը կարող է ավելի շուտ վերջանալ, քան 5 տարին է, եթե պատգամավորների մեծ մասը քվեարկի խորհրդի իրավասությունները վաղաժամ դադարեցնելու մասին որոշման օգտին։ Բացի այդ, ազգային խորհրդի իրավասությունների վաղաժամ դադարեցման իրավունք ունի Ավստրիայի դաշնային նախագահը։ Ավստրիայի քաղաքական կյանքում դեռևս ոչ մի անգամ այդպիսի գործընթաց չի եղել։ Ավստրիայի ազգային խորհրդի ընտրություններին մասնակցելու իրավունք ունի Ավստրիայի 16 տարեկանը լրացած յուրաքանչյուր քաղաքացի^[2]^[3]^[4]։

Ավստրիայի ազգային խորհրդի պատգամավորների ընտրությունը կատարվում է բաց ցուցակներով համամասնական ընտրակարգով։ Ավստրիայի տարածքը բաժանվում է 43 ընտրական շրջանների։ Ընտրական շրջանները չպետք է հատեն Ավստրիայի դաշնային հողերի (նահանգների) սահմանները։ Ընտրական շրջանների բաժանման կանոնները այնպես են սահմանվել, որպեսզի կանխվի ջերիմենդերինգը։ Տվյալ ընտրական շրջանին հատկացված պատգամավորական տեղերը համահավասար է շրջանի բնակչության թվաքանակին։ Ավստրիայի ազգային խորհրդում մեկ տեղ ստանալու համար անհրաժեշտ է հավաքել ձայների այնքան թվաքանակ, որը հավասար է շրջանին հատկացված տեղերին տրված ձայների քանակին։ Այն տեղերը, որոնք չեն բաշխվել շրջանային մակարդակով, տեղաբաշխվում են տեղական մակարդակով նույն սկզբունքի համաձայն, ինչ շրջանայինի դեպքում է։ Բացի այդ, քաղաքական ուժերը պետք է հաղթահարեն ստացված ձայների 4 տոկոս ընտրական շեմը^[2]^[4]։

Կուսակցական բաց ցուցակների համակարգը նշանակում է, որ ընտրողը բացի իր նախընտրելի կուսակցության օգտին ձայն տալուց, կարող է նաև ձայն տա իր նախընտրելի կուսակցության ցուցակում նշված իր նախընտրած պատգամավորի թեկնածուին։ Եթե թեկնածուն հավաքում է բավարար քանակությամբ այդպիսի ձայներ, ապա կուսակցության մեջ նրա վարկանիշը բարձրանում է։ Ավստրիայի ազգային խորհրդում տվյալ կուսակցության տեղերի բաշխման ժամանակ առաջնահերթություն է տրվում այն թեկնածուին, ով ավելի բարձր վարկանիշ ունի, այսինքն՝ ով ավելի շատ ձայներ է հավաքել^[2]^[4]։

Ազգային խորհրդի կառուցվածք ու դեր

Ազգային խորհրդի նախագահը, ով ընտրվում է ազգային խորհրդի երկրորդ և երրորդ նախագահների ընտրությանը զուգահեռ, ապահովում է կանոնակարգի պահպանումը, նախագահում է նիստերն և քննարկման համար հարցերը բաշխում է հանձնաժողովների։ Այն դեպքում, եթե ազգային խորհրդի նախագահը չի կարող իրականացնել իր պարտականությունները, նրան փոխարինում է երկրորդ կամ երրորդ նախագահը։ Բացի այդ, նախագահը կարող է կարգադրել, որպեսզի երկրորդ կամ երրորդ նախագահները իր փոխարեն վարեն նիստը^[4]^[5]^[6]։

Նախագահներին ընտրելուց հետո ընտրում են հինգ քարտուղարներ և առնվազն 3 անձ, ովքեր պետք է հետևեն կարգուկանոնին^[5]։

Պատգամավորները, որոնք ներկայացնում են ընտրական գործընթացին մասնակցող կուսակցությունը, իրավունք ունեն միավորվել խմբերի, որոնց անդամների թվաքանակը չպետք է լինի հինգից պակաս^[5]։

Ազգային խարհուրդը, ինչպես նաև վերջինի հանձնաժողովներն ու ենթահանձնաժողովները իրավունք ունեն Դաշնային կառավարության անդամներից պահանջել ներկա գտնվել նիստերին^[5]^[7]։

Ավստրիայի ազգային խորհուրդը հանդիսանում է Ավստրիայի օրենսդիր ոլորտը կարգավորող գերիշխող մարմին։ Բոլոր օրենքներն ու պայմանագրերը պետք է հաստատվեն ազգային խորհրդի կողմից։ Բունդեսարտը, որը հանդիսանում է դաշնային խորհուրդ և Ավստրիայի ազգային ժողովի երկրորդ պալատը, Ազգային խորհրդի որոշումների վրա վետո դնելու իրավունք, այնուամենայնիվ, վերջինի ուժն այն է, որ այն կարող է շրջանցել Բունդեսարտի վետոն կրկնակի քվեարկությամբ և օրինագծի հաստատմամբ^[4]^[5]։

Ազգային խորհրդի վերջին ընտրությունների արդյունքներ

Ստորև ներկայացված աղյուսակը պատկերավոր կերպով ցույց է տալիս 2017 թվականի հոկտեմբերի 15-ին տեղի ունեցած Ավստրիայի ազգային խորհրդի ընտրությունների արդյունքները^[8]։

Կուսակցություն		Ձայն	%	Տեղ	+/–

	Ավստրիայի ժողովրդական կուսակցություն (ÖVP)	1,586,106	31.5	62	+15
	Ավստրիայի սոցիալ-դեմոկրատական կուսակցություն (SPÖ)	1,351,918	26.9	52	0
	Ավստրիայի ազատություն կուսակցություն (FPÖ)	1,310,614	26.0	51	+11
	NEOS – Նոր Ավստրիա (NEOS)	264,317	5.3	10	+1
	Պետեր Պիլցի ցուցակ (PILZ)	220,088	4.4	8	Նոր

	Կանաչներ – Կանաչ այլընտրանք (GRÜNE)	189,467	3.8	0	–24
	Իմ ձայնը հաշվում է! (G!LT)	47,808	0.9	0	Նոր
	Ավստրիայի կոմունիստական կուսակցություն պլյուս (KPÖ+)	39,074	0.8	0	0
	Սպիտակներ (WEIẞE)	9,081	0.2	0	Նոր
	Ավստրիայի ազատ ցուցակ (FLÖ)	8,845	0.2	0	Նոր
	Հանուն ապագայի նոր շարժում (NBZ)	2,723	0.1	0	Նոր
	Անոթևանները քաղաքականությունում (ODP)	757	0.0	0	Նոր
	Սոցիալիստական ձախ կուսակցություն (SLP)	705	0.0	0	0
	ԵՄ-ի դուրս գալու կուսակցություն (EUAUS)	681	0.0	0	0
	Ավստրիայի քրիստոնեական կուսակցություն (CPÖ)	424	0.0	0	0
	Տղամարդկանց կուսակցություն (M)	220	0.0	0	0
Անվավեր/դատարկ քվեաթերթիկներ		50,520	–	–	–
Ընդհանուր		5,083,348	100	183	0
Գրանցված ընտրողներ/մասնակցություն		6,400,998	79.4	–	–
Աղբյուր` Ավստրիայի ներքին գործերի նախարարություն Արխիվացված 2017-10-15 archive.today

Ազգային խորհրդի ներկա տեսքը

Ավստրիայի ազգային խորհրդի 26-րդ ընտրությունների արդյունքներով խորհրդարան անցած քաղաքական ուժերի ցուցակն ու թվային ցուցանիշները

Կուսակցություն		Անդամներ
	SPÖ	52
	ÖVP	62
	FPÖ	51
	Grüne	0
	NEOS	10
	Պետեր Պիլցի ցուցակ	8
Ընդհանուր		183

Ծանոթագրություններ

↑ The Responsibilities of the National Council. Արխիվացված 2016-03-13 Wayback Machine(անգլ.)
↑ ^2,0 ^2,1 ^2,2 ^2,3 The Members of the National Council. Արխիվացված 2016-03-13 Wayback Machine(անգլ.)
↑ Vorzugsstimmenvergabe bei einer Nationalratswahl («Preferential voting in a federal election»). Արխիվացված 2019-03-02 Wayback Machine HELP.gv.at.(գերմ.)
↑ ^4,0 ^4,1 ^4,2 ^4,3 ^4,4 Elections in Austria.(անգլ.)
↑ ^5,0 ^5,1 ^5,2 ^5,3 ^5,4 The Presidents and the President's Conference. Արխիվացված 2016-03-13 Wayback Machine(անգլ.)
↑ Plenary Sittings of the National Council. Արխիվացված 2016-03-13 Wayback Machine(անգլ.)
↑ National Council Committees. Արխիվացված 2016-03-13 Wayback Machine(անգլ.)
↑ В Австрии объявили окончательные итоги досрочных парламентских выборов.(ռուս.)

Արտաքին հղումներ

Ազգային խորհուրդը Ավստրիայի խորհրդարանի պաշտոնական կայքում: Արխիվացված 2016-06-29 Wayback Machine(անգլ.)

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ավստրիայի ազգային խորհուրդ կատեգորիայում։

[Responsibilities-1] The Responsibilities of the National Council. Արխիվացված 2016-03-13 Wayback Machine(անգլ.)

[The_Members-2] 2,0 ^2,1 ^2,2 ^2,3 The Members of the National Council. Արխիվացված 2016-03-13 Wayback Machine(անգլ.)

[3] Vorzugsstimmenvergabe bei einer Nationalratswahl («Preferential voting in a federal election»). Արխիվացված 2019-03-02 Wayback Machine HELP.gv.at.(գերմ.)

[Elections-4] 4,0 ^4,1 ^4,2 ^4,3 ^4,4 Elections in Austria.(անգլ.)

[Presidents-5] 5,0 ^5,1 ^5,2 ^5,3 ^5,4 The Presidents and the President's Conference. Արխիվացված 2016-03-13 Wayback Machine(անգլ.)

[6] Plenary Sittings of the National Council. Արխիվացված 2016-03-13 Wayback Machine(անգլ.)

[Committees-7] National Council Committees. Արխիվացված 2016-03-13 Wayback Machine(անգլ.)

[8] В Австрии объявили окончательные итоги досрочных парламентских выборов.(ռուս.)

[1]

[2]

[3]

[4]

[5]

[6]

[7]

[8]