República Dominicana nos Xogos Olímpicos

A República Dominicana participou por vez primeira nos Xogos Olímpicos en 1964. A República Dominicana participou en tódalas edicións dos Xogos de Verán dende entón, mais nunca participou nos Xogos de Inverno.

A República Dominicana gañou un total de doce medallas nas Olimpíadas. Pedro Nolasco gañou a primeira medalla nos Xogos Olímpicos de 1984 ao gañar unha medalla de bronce en boxeo. En 2004, Félix Sánchez gañou unha medalla de ouro nos 400 metros valados. Nos Xogos Olímpicos de 2008 Manuel Félix Díaz gañou unha medalla de ouro en boxeo e Gabriel Mercedes gañou a prata en taekwondo. Nos Xogos Olímpicos de 2012 en Londres, Sánchez gañou outra vez a medalla de ouro nos 400 metros valados. Esa mesma noite, Luguelín Santos gañou a medalla de prata nos 400 metros lisos, converténdose no medallista olímpico máis novo do evento. Luisito Pie gañou unha medalla de taekwondo nos Xogos Olímpicos de 2016 en Río de Xaneiro.^[1]

O país está representado polo Comité Olímpico Dominicano.