Premios Right Livelihood

Os Premios Right Livelihood (en inglés: Right Livelihood Award) entréganse desde 1980 grazas ao filántropo Jakob von Uexkull, e preséntanse anualmente no Parlamento Sueco, o 9 de decembro, para homenaxear e apoiar aquelas persoas que "traballan na busca e aplicación de solucións para os cambios máis urxentes que precisa o mundo actual". Un xurado internacional decide o premio en ámbitos como Protección Medioambiental, dereitos humanos, desenvolvemento sostíbel, saúde, educación, paz etc. O premio monetario repártese entre os gañadores, que normalmente son catro, e chega a un total de 230 000 dólares.

A pesar de ser coñecidos en ocasións como os Premios Nobel Alternativos, non teñen ningunha relación cos Premios Nobel nin coa Fundación Nobel, aínda que celebran a súa cerimonia o día antes dos Premios Nobel e adoitan realizar comparacións con eles,^[1] sendo considerados como unha crítica aos Nobel tradicionais.^[2]