Keira Knightley

É a filla do actor de teatro Will Knightley e da escritora Sharman MacDonald. Sufriu dislexia de nena, que superou relativamente pronto. Ten un irmán máis vello músico, chamado Caleb. Keira apareceu en programas de televisión desde que tiña 6 anos, dando o salto ao cine co personaxe de Natasha Jordan na película A Village Affair de Moira Armstrong.

A súa primeira aparición en Hollywood foi interpretando a Sabé, a encargada de suplantar á raíña Padmé Naberrie Amidala en Star Wars: Episode I - The Phantom Menace de George Lucas. Knightley deuse a coñecer grazas ó seu papel coprotagonista na exitosa comedia social británica Bend It Like Beckham, no ano 2002 e saltou definitivamente á fama ó participar en 2003 en Pirates of the Caribbean: The Curse of the Black Pearl de Gore Verbinski, no papel de Elizabeth Swann. Recibiu un nomeamento ó Oscar á Mellor Actriz en 2006 polo seu papel de Elizabeth Bennett na adaptación cinematográfica da novela do século XVIII de Jane Austen Pride & Prejudice (Orgullo e prexuízo).

Participou e protagonizado películas como Love Actually (2003), King Arthur (2004), Domino (2005) ou The Jacket (2005), ademais da exitosa saga de Disney, Pirates of the Caribbean.