Hércules de Alicante Club de Fútbol

Posúe unha traxectoria de 19 tempadas en Primeira División, e 40 en Segunda. O seu maior logro en liga foi un 5º posto en Primeira, na tempada 1974-75, onde tras empatar a puntos co 4º clasificado, non disputou a Copa da UEFA pola diferenza de goles. En 1936 alcanzou a semifinal do Trofeo Presidente da II República, sendo ata a data o seu maior logro neste torneo.

O fundador do club inspirouse nos valores que representaba o heroe da mitoloxía grega Hércules para darlle nome ao club. O seu berro de guerra é Macho Hércules, e o seu xentilicio é herculano. O Elche Club de Fútbol é o seu rival histórico por excelencia, onde ambos os clubs manteñen dita rivalidade desde os seus inicios.

No verán do 2010, dentro dunha investigación xudicial, apareceron indicios de que o seu principal accionista, Enrique Ortiz, en conivencia co capitán, Tote, e o segundo capitán, Abraham Paz, realizou ofertas para comprar as derrotas voluntarias do Salamanca, o Córdoba, o Girona e o Recreativo. Tote tería mediado tamén no intento de pagar primas pola vitoria aos equipos que se enfrontaban aos rivais do Hércules polo ascenso a Primeira División.^[1]

• Uniforme titular: Camiseta a franxas verticais azuis e brancas, pantalón negro e medias azuis.
• Uniforme alternativo: Camiseta a franxas verticais negras e vermellos, pantalón negro e medias vermellas.

O Hércules xoga os seus partidos como local no Estadio José Rico Pérez. O estadio inaugurouse en 1974 cun partido ante o FC Barcelona (0-4) e que substituíu o antigo Campo La Viña. Ten capacidade para 30.000 persoas.

Actualmente é compartido co Alicante Club de Fútbol, que paga un alugueiro ó club herculano, que é o propietario.

• Tempadas en 1ª: 20
• Tempadas en 2ª: 41
• Tempadas en 2ªB: 11
• Tempadas en 3ª: 7
• Mellor posto na liga: 5º (Primeira, tempada 74-75)
• Peor posto na liga: 21º (Primeira, tempada 96-97)
• Posto na Clasificación histórica de Primeira (segundo a LFP): 22º
• Maiores goleadas conseguidas:
  • En Primeira: 6-1 fronte ó Celta de Vigo (1939-40)
  • En Segunda: 9-0 fronte ó Villarrobledo (1961-62)
• Maiores goleadas encaixadas:
  • En Primeira: 9-0 fronte ó Atlético de Madrid (1955-56)
• Máximo goleador da historia: Eduardo Rodríguez, con 40 goles na tempada 1992-93

Categoría principal: Xogadores do Hércules CF.

Actualizado a 7 de setembro de 2013

Nº Posto País Xogador 1 POR Oinatz Aulestia 3 DEF Borja Gómez (cedido polo Granada) 4 MED Héctor Yuste 5 MED Abdoul Sissoko (cedido polo Udinese) 6 MED Alberto Escassi 7 DIA Adrián Sardinero 8 DEF Noé Pamarot 9 DIA Javier Portillo 10 DIA Dioni (cedido polo Udinese) 11 MED Eldin Hadžić 13 POR Ismael Falcón

Nº Posto País Xogador 15 MED Javier Hervás (cedido polo Sevilla) 16 DEF Paco Peña 17 MED David Ferreiro (cedido polo Granada) 18 DIA Gorka Azkorra 19 MED Juanma Ortiz (cedido polo Granada) 20 DEF Aitor Fernández 21 MED Gai Assulin (cedido polo Granada) 22 MED Quique de Lucas 23 MED Héctor Font 37 DEF Baldo Santana 42 MED Álvaro Mas

• Os xogadores con dorsais superiores ao 25 son, para todos os efectos, xogadores do Hércules B e como talles, poderán compaxinar partidos co primeiro e segundo equipo. Como esixen as normas da LFP, os xogadores do primeiro persoal deberán levar os dorsais do 1 ao 25. Do 26 en diante serán xogadores do equipo filial.

• Segunda División (3): 1934–35, 1965–66, 1995–96
• Terceira División (5): 1931–32, 1932–33, 1959–60, 1968–69, 1969–70
• Subcampión de Segunda División (7): 1944–45, 1952–53, 1953–54, 1956–57, 1963–64, 1973–74, 2009–10
• Subcampión de Segunda División B (1): 2004–05

• Trofeo Costa Blanca (7): 1971, 1973, 1974, 1976, 1977, 1978, 1979
• Trofeo Ciudad de Alicante (2): 1984, 1988, 2011
• Trofeo Carabela de Plata (2): 1971, 2006
• Trofeo Ciudad de San Vicente (2): 2008, 2009
• Copa San Pedro (1): 1953
• Trofeo Festa d'Elx (1): 2010

O equipo filial do Hércules é o Hércules Club de Fútbol B, que xoga na Rexional Preferente da Comunidade Valenciana. Desde 1996, o seu maior logro foi xogar en Terceira División durante unha tempada. Foi fundado en 1996 como tal, aínda que ben é certo que o club tivo filial en anos atrás, como o Alicante CF polos anos 60, o Hércules Atlético desde 1974 ou posteriormente baixo as denominacións de Hércules Promesas, Mutxamel CF e CD Español de San Vicente respectivamente.

• Sitio web oficial
• Sitio web oficial das peñas
• Sitio web Asociación HerculanosArquivado 01 de abril de 2009 en Wayback Machine.
• Foro Hércules CF