Gran Premio do Reino Unido de 1959

A carreira foi gañada polo australiano Jack Brabham, logrando a súa segunda vitoria nun Gran Premio nun Cooper T51 de fábrica. Brabham dominou a carreira, liderando as 75 voltas para gañar por 22 segundos sobre o piloto británico Stirling Moss pilotando un BRM P25 do equipo British Racing Partnership. Era a primeira vez que BRP terminaba entre os tres primeiros. O compañeiro de Brabham en Cooper, o neozelandés Bruce McLaren terminou en terceiro lugar, a só 0´2 segundos por detrás de Moss, logo de perder a segunda posición ao final da carreira. Harry Schell terminou en cuarto lugar para o equipo Owen Racing Organisation con BRM, unha volta detrás de Brabham.

O Gran Premio de Inglaterra tivo a maior participación da tempada, agás da Indianápolis 500, con 30 coches na cualificación e 24 na grella de saída, a pesar da ausencia de Ferrari. As folgas en Italia atraparon ao equipo en casa, deixando sós aos equipos británicos loitando pola carreira. O novo líder de Ferrari, o piloto Tony Brooks, comezou a carreira nun Vanwall, pero foi o primeiro en retirarse na 13ª volta, despois de saír nun modesto 17º lugar, logo de gañar o Gran Premio de Francia de 1959 un par de semanas antes.

Coa vitoria, Brabham ampliou a súa vantaxe en puntos sobre Brooks, a 13 puntos. Moss e McLaren situaronse no 4º posto, só medio punto por detrás do ausente Phil Hill.

Clasificación no campionato de pilotos Pos Piloto Puntos 1 Jack Brabham 27 2 Tony Brooks 14 3 Phil Hill 9 12 4 Stirling Moss 8.5 5 5 Bruce McLaren 8.5

Clasificación do campionato de construtores Pos Construtor Puntos 1 Cooper-Climax 26 2 Ferrari 16 3 BRM 14 4 Lotus-Climax 3

• Notas: Só están incluídos os cinco primeiros postos en ambos os grupos de clasificación.

Ligazóns externas editar

• "Brabham presses home his claim on the title". Grand Prix Racing. Arquivado dende o orixinal o 14 de agosto de 2007. Consultado o 2007-09-07. 
• "GRAND PRIX RESULTS: BRITISH GP, 1959". GrandPrix.com. Arquivado dende o orixinal o 29 de setembro de 2007. Consultado o 2007-09-07. 
• "1959 British GP". ChicaneF1.com. Arquivado dende o orixinal o 29 de setembro de 2007. Consultado o 2007-09-07.  (Resultados da carreira e estatísticas)