Gran Premio de Malaisia de 2015

A FIA puxo en funcionamento o uso dunha segunda zona de DRS o longo da recta oposta á recta principal, que conservou a primeira zona de DRS como o fixo en anos anteriores.^[5]

Mercedes chegou á segunda carreira da tempada co máximo de puntos desde Australia, logo de terminar primeiro e segundo co terceiro clasificado, Sebastian Vettel medio minuto abaixo. Logo do seu dominio, moitos comentaristas expresaron temores de que o deporte podería ser aínda máis unilateral e aburrido no transcurso da tempada 2015 do que fora o ano anterior.^[6][7] o director do equipo Red Bull Christian Horner chamou á FIA para intervir e aplicar cambios nas regras que nivelaran a competencia, afirmando: "A FIA, dentro das regras, ten un mecanismo de igualación que necesita ser mirado".."^[8][9] Red Bull posteriormente ameazou con deixar a competición, débense tomar medidas.^[10] Mentres moitos comentaristas sinalaron que Red Bull gozara da súa propia parte de dominio nos anos anteriores,,^[10] o propietario da Fórmula Un Bernie Ecclestone expresou a súa comprensión para o equipo, dicindo: "Hai unha regra que creou o [ex presidente] [Max Mosley] cando mandaba que no caso ... que un equipo ou un fornecedor de motores en particular fixera algo máxico, Mercedes o fixo, a FIA pode nivelar as cousas. Eles (mercedes) fixeron un traballo de primeira clase que todo o mundo recoñece. Temos que cambiar as cousas un pouco agora e tratar de nivelar as cousas un pouquiño "^[11] O director executivo de Mercedes, Toto Wolff reaccionou ás crítica instando aos seus rivais para "baixar a súa puta cabeza e traballar para solucionar o problema"^[12] O piloto de McLaren Jenson Button dúbida tamén sobre a viabilidade dos cambios de regras, dicindo "Realmente non hai nada que prohibir porque non se ve que Mercedes faga algo que outros equipos non están facendo".^[13]

Tralas críticas expresadas por Red Bull, o futuro do fornecedor de motores Renault tamén foi un tema de debate. Mentres que a compañía francesa contempla saír do deporte, outro escenario que recibiu atención dos medios foi unha posible compra por parte de Renault de participacións do equipo Toro Rosso.^[15] A discusión sobre o futuro deste deporte foi impulsado ademais pola noticia de que o Gran Premio de Alemaña caeuse do calendario 2015, debido á falta de financiamento.^[16] A exclusión dunha das carreiras tradicionais do deporte do motor fixo que moitos se preguntan se a mesma sorte podería esperar outras carreiras tradicionais como a de Monza.^[17]

Fernando Alonso regresou da súa lesión na pretempada para recuperar o seu asento en McLaren, que fora ocupado por Kevin Magnussen na primeira carreira en Australia.^[18] Tamén regresa a Williams o piloto Valtteri Bottas, que se perdeu a carreira anterior debido a unha lesión nas costas sufrida durante a clasificación para o Gran Premio de Australia.^[19]

Manor-Marussia, que foron capaces de clasificar os seus coches por primeira vez en Malaisia,^[20] foron obxecto de críticas despois de que non participaran cos seus coches no Gran Premio de Australia, con Ecclestone dicindo que terían que pagar polos seus gastos de viaxe, que xeralmente están cubertos polo propietario dos dereitos comerciais.^[21]

Do mesmo xeito que nos dous anos anteriores, Pirelli forneceu aos equipos con pneumáticos de composto duro con bandas de cor laranxa como a selección "prime" e o composto medio con bandas brancas como a selección "option2 para a carreira.^[22]

Nico Rosberg marcou o mellor tempo na primeira sesión de adestramentos na mañá do venres, mentres que o líder do campionato Hamilton, quedou fora debido a problemas de motor.^[23] Recuperouse para lograr un mellor tempo na segunda sesión da xornada,^[24] mentres Ferrari demostrou que estarían máis preto dos seus rivais en Sepang.Fernando Alonso fixo o seu debut no novo McLaren - Honda, terminando 14º e 16º nas dúas sesións do venres, respectivamente, superando ao seu compañeiro de equipo Button as dúas veces.^[24][25] Tamén debutou durante os adestramentos libres Manor-Marussia, cos dous coches loitando para cumprir co tempo do 107%. Raffaele Marciello correu co Sauber de Felipe Nasr durante a primeira sesión.^[26]

Durante a terceira sesión de adestramentos na mañá do sábado, os dous pilotos de Mercedes foron unha vez máis os máis rápido, Rosberg marcou o mellor tempo, mentres que Ferrari estaba ao redor de medio segundo por detrás.^[27]

A primeira parte da cualificación (Q1) púxose en marcha en condicións secas e asolladas, estas condicións non favorecerían a McLaren - Honda, xa que eran máis lentos que mediados participantes, aínda que avanzaron. Jenson Button e o seu compañeiro Fernando Alonso quedaron separados por só unha décima de segundo, pero foron 17º e 18º na grella. Xunto a eles estaban os coches de Roberto Merhi e Will Stevens, Merhi rexistrou un tempo que foi case cinco segundos máis lento que Alonso, e Stevens non saíu á pista, mentres que Felipe Nasr tampouco logrou clasificarse, mentres loitaba para manter o equilibrio do seu Sauber.Apareceron nubes no oeste do circuíto antes da Q2 e había un atasco de tráfico na rúa de boxes. A loita pola posición de saída foi evidente e só un piloto, Nico Rosberg, logrou unha volta limpa, sen tráfico, xa que o resto dos participantes preocupados pola tormenta que achegaba a Q2 comezaron a estorbarse uns a outros. A maior vítima da sesión foi Kimi Räikkönen que quedou detido por Marcus Ericsson. Raikkonen rexistrou unha volta de 1:42.173, que non era o suficientemente rápido para entrar na Q3, a choiva comezou pouco despois. Xunto a Räikkönen quedaron Pastor Maldonado, os Force India de Nico Hülkenberg e Sergio Pérez e o Toro Rosso de Carlos Sainz Jr ., que non puideron mellorar os seus primeiros tempos de volta debido ás condicións.Logo, cun atraso de media hora, os coches regresaron ao circuíto, coa maioría dos dez pilotos restantes con pneumáticos intermedios, aínda que Romain Grosjean, Felipe Massa e Valtteri Bottas saíron inicialmente con pneumáticos de choiva antes de cambiar aos intermedios. En última instancia, Hamilton logrou a pole con 0,074 segundos por diante de Vettel, Rosberg foi terceiro. Eles foron seguidos polos Red Bull de Daniel Ricciardo e Daniil Kvyat, mentres que o novo piloto de Toro Rosso Max Verstappen logrou o sexto lugar. O resto dos dez primeiros completouse con Massa, Grosjean, Bottas e Ericsson.^[28]

Romain Grosjean saíu da rúa de boxes nunha posición diferente á que deixou o garaxe, polo que recibiu unha penalización de dúas posición quedando décimo na grella.^[29]

As temperaturas o día da carreira eran altas, cunha temperatura na pista de 61 °C. Había posibilidades de choiva, aínda que menos que en anos anteriores, debido tamén á que a hora de saída foi máis cedo.^[30][31] Williams esperaba unha carreira en seco, xa que a cualificación mostrou que aínda estaban fóra de ritmo en condicións de mollado.^[32] Will Stevens, que se perdeu a clasificación debido a un problema no sistema de combustible, ao final non puido participar na carreira.^[33]

Ao comezo, Hamilton escapouse ben, mentres que Nico Rosberg desafiou a Sebastian Vettel polo segundo lugar, pero o Ferrari foi capaz de saír na parte por diante. Tanto Maldonado como Räikkönen sufriron picadas na primeira volta despois dun contacto con Bottas e Nasr, respectivamente, e tiveron que entrar no garaxe para por un novo xogo de pneumáticos. Vettel foi capaz de quedar co Mercedes de Hamilton durante as primeiras voltas.Na cuarta volta, Marcus Ericsson freou demasiado tarde e trompeou na primeira curva, retirouse da carreira e saíu o coche de seguridade. Todos menos sete coches entraron en boxes para cambiar pneumáticos, incluíndo os pilotos de Mercedes, mentres que Sebastian Vettel quedou fóra. Cando a carreira reiniciouse na sétima volta, Vettel lideraba diante de Hülkenberg, Grosjean, Sainz e Pérez, con Hamilton primeiro dos coches entraran en boxes xusto detrás.Ambos Mercedes remontaron a través da pista, Hamilton adiantou a Hülkenberg pola segunda posición no final da décima volta, pero a dez segundos do líder da carreira Vettel. Rosberg alcanzou a terceira posición na volta 14, mentres que Hamilton non puido obter ganancias significativas sobre Vettel diante. Os coches que non utilizaran a fase do coche de seguridade para as súas paradas comezaron a cambiar pneumáticos na volta 16, mentres que Maldonado recibiu unha penalización de dez segundos por exceder o tempo do coche de seguridade. Mentres tanto, os coches Red Bull amosaban signos de problemas de freos, saíndo po dos freos das rodas nos principais puntos de freada en ambos coches. Vettel fixo a súa primeira parada na volta 18, entregando o liderado de novo a Hamilton. O alemán reincorporouse en terceiro lugar e comezou a pechar rapidamente a distancia sobre o segundo clasificado, Rosberg.Vettel fixo bo uso dos seus pneumáticos máis frescos, superando a Rosberg na volta 22 e logrou de novo o liderado cando Hamilton entrou en boxes para a súa segunda parada en boxes na volta 24. Mentres tanto, Fernando Alonso retirouse debido a problemas de motor na volta 21 mentres marchaba no noveno lugar.

Sebastian Vettel entrou en boxes por segunda e última vez na volta 38, entregando o liderado de novo a Hamilton, que parou por última vez unha volta máis tarde, saíndo uns doce segundos detrás do alemán no terceiro lugar. O seu compañeiro de equipo Rosberg entrou en boxes na volta 41, deixando a Hamilton segundo, que agora comezou a pechar a distancia con Vettel. Jenson Button retirouse da carreira na volta 40 debido a un fallo do turbo, mentres que Maldonado tivo que aparcar o seu coche cunha falla nos freos. Lewis Hamilton foi incapaz de superar a brecha entre el e Vettel, deixando que o alemán lograra a súa primeira vitoria desde Brasil en 2013 e a súa primeira con Ferrari. Valtteri Bottas foi capaz de superar ao seu compañeiro de equipo Felipe Massa na última volta, logo de que os dous pilotos de Williams fixeran unha carreira sen incidentes para terminar quinto e sexto respectivamente.^[34]

Sebastian Vettel e Ferrari reaccionaron emocionados á vitoria, co alemán contendo as bágoas no podio.^[35] Ao falar da experiencia como piloto de Ferrari, díxolle a Eddie Jordan durante a entrevísta no podio:

Recordo cando abríuseme a porta de Maranello foi como un soño feito realidade. Recordo a última vez que estiven alí, foi de mozo, vendo a Michael, sobre a cerca, pilotando o Ferrari e agora estou conducindo este coche vermello. É incrible. O día de hoxe, a carreira, realmente impecable, todo o equipo estaba alí, gran estratexia, gran ritmo, gañámoslle a eles en enfrontamento limpo [...]^[36]

O segundo clasificado Lewis Hamilton recoñeceu que Ferrari e Vettel "fixeron un traballo fantástico este fin de semana" e que non esperaban que foran a ser tan rápidos como eles.^[36] O equipo Ferrari compartiu o entusiasmo de Vettel, cantando o himno nacional italiano durante a cerimonia do podio, dirixido polo director do equipo Maurizio Arrivabene.^[37]

Pos.	Nº	Piloto	Construtor	Q1	Q2	Q3	Grella
1	44	Lewis Hamilton	Mercedes	1:39.269	1:41.517	1:49.834	1
2	5	Sebastian Vettel	Ferrari	1:39.814	1:39.632	1:49.908	2
3	6	Nico Rosberg	Mercedes	1:39.374	1:39.377	1:50.299	3
4	3	Daniel Ricciardo	Red Bull-Renault	1:40.504	1:41.085	1:51.541	4
5	26	Daniil Kvyat	Red Bull-Renault	1:40.546	1:41.665	1:51.951	5
6	33	Max Verstappen	Toro Rosso-Renault	1:40.793	1:41.430	1:51.981	6
7	19	Felipe Massa	Williams-Mercedes	1:40.543	1:41.230	1:52.473	7
8	8	Romain Grosjean	Lotus-Mercedes	1:40.303	1:41.209	1:52.981	10[38]
9	77	Valtteri Bottas	Williams-Mercedes	1:40.249	1:40.650	1:53.179	8
10	9	Marcus Ericsson	Sauber-Ferrari	1:40.340	1:41.748	1:53.261	9
11	7	Kimi Räikkönen	Ferrari	1:40.415	1:42.173		11
12	13	Pastor Maldonado	Lotus-Mercedes	1:40.361	1:42.198		12
13	27	Nico Hülkenberg	Force India-Mercedes	1:40.830	1:43.023		13
14	11	Sergio Pérez	Force India-Mercedes	1:41.036	1:43.469		14
15	55	Carlos Sainz Jr.	Toro Rosso-Renault	1:39.814	1:43.701		15
16	12	Felipe Nasr	Sauber-Ferrari	1:41.308			16
17	22	Jenson Button	McLaren-Honda	1:41.636			17
18	14	Fernando Alonso	McLaren-Honda	1:41.746			18
107% tempo: 1:46.217
—	98	Roberto Merhi	Marussia-Ferrari	1:46.677			19[39]
—	28	Will Stevens	Marussia-Ferrari	Sen tempo			20[39]
Fonte:[40]

Pos.	Nº	Piloto	Construtor	Voltas	Tempo/Retirada	Grella	Pts.
1	5	Sebastian Vettel	Ferrari	56	1:41:05.793	2	25
2	44	Lewis Hamilton	Mercedes	56	+8.569	1	18
3	6	Nico Rosberg	Mercedes	56	+12.310	3	15
4	7	Kimi Räikkönen	Ferrari	56	+53.822	11	12
5	77	Valtteri Bottas	Williams-Mercedes	56	+1:10.409	8	10
6	19	Felipe Massa	Williams-Mercedes	56	+1:13.586	7	8
7	33	Max Verstappen	Toro Rosso-Renault	56	+1:37.762	6	6
8	55	Carlos Sainz Jr.	Toro Rosso-Renault	55	+1 volta	15	4
9	26	Daniil Kvyat	Red Bull-Renault	55	+1 volta	5	2
10	3	Daniel Ricciardo	Red Bull-Renault	55	+1 volta	4	1
11	8	Romain Grosjean	Lotus-Mercedes	55	+1 volta	10
12	12	Felipe Nasr	Sauber-Ferrari	55	+1 volta	16
13	11	Sergio Pérez	Force India-Mercedes	55	+1 volta	14
14	27	Nico Hülkenberg	Force India-Mercedes	55	+1 volta	13
15	98	Roberto Merhi	Marussia-Ferrari	53	+3 voltas	19
Ret	13	Pastor Maldonado	Lotus-Mercedes	46	Freos	12
Ret	22	Jenson Button	McLaren-Honda	40	Turbo	17
Ret	14	Fernando Alonso	McLaren-Honda	20	ERS	18
Ret	9	Marcus Ericsson	Sauber-Ferrari	2	Trompo	9
NTS	28	Will Stevens	Marussia-Ferrari	0	Sistema combustible	–
Fonte:

Clasificación no campionato de pilotos Pos. Piloto Pts. 1 Lewis Hamilton 43 1 2 Sebastian Vettel 40 1 3 Nico Rosberg 33 4 Felipe Massa 20 7 5 Kimi Räikkönen 12

Clasificación do campionato de construtores Pos. Construtor Pts. 1 Mercedes 76 2 Ferrari 52 1 3 Williams-Mercedes       30 1 4 Sauber-Ferrari 14 2 5 Toro Rosso-Renault 12

• Nota: Só están incluídos os cinco primeiros postos en ambos os grupos de clasificación.