Fort-de-France
Fort-de-France (/ˌfɔːr də ˈfrɒ̃s/, Francés: [fɔʁ də fʁɑ̃s] (
)) é a capital do departamento de ultramar de Francia no Caribe de Martinica. Tamén é unha das principais cidades do Caribe. As exportacións inclúen azucre, ron, froitas enlatadas e cacao.
| ||||
| Localización | ||||
|---|---|---|---|---|
| ||||
| Estado | Francia | |||
| Rexións | Martinica  | |||
| Capital de | Martinica canton of Fort-de-France-3 (en)  canton of Fort-de-France-4 (en) canton of Fort-de-France-5 (en) canton of Fort-de-France-1 (en) canton of Fort-de-France-8 (en) canton of Fort-de-France-2 (en) canton of Fort-de-France-10 (en) canton of Fort-de-France-6 (en) canton of Fort-de-France-7 (en) arrondissement of Fort-de-France (en) canton of Fort-de-France-9 (en) Q88523598 | |||
| Poboación | ||||
| Poboación | 74.921 (2021) (1.694,66 hab./km²) | |||
| Xeografía | ||||
| Situado na entidade territorial estatística | Q108921438 Q20669868 | |||
| Superficie | 44,21 km² | |||
| Altitude | 0 m | |||
| Comparte fronteira con | ||||
| Organización política | ||||
| • Alcalde | Didier Laguerre (en) (2014–) | |||
| Identificador descritivo | ||||
| Código postal | 97203 e 97234 | |||
| Outro | ||||
| Irmandado con | Belém do Pará (2011–) | |||
| Páxina web | fortdefrance.fr | |||
   | ||||
.svg)
Historia
editarEn 1638, Jacques Dyel du Parquet (1606-1658), sobriño de Pierre Belain d'Esnambuc e primeiro gobernador da Martinica, decidiu construír o Fort Saint Louis para protexer a cidade contra ataques inimigos. O forte foi pronto destruído e reconstruído en 1669, cando Lois XIV nomeou o marqués de Baas como gobernador xeral. Baixo as súas ordes e as dos seus sucesores, especialmente o Conde de Blénac, o forte construíuse cun deseño de Vauban.
Orixinalmente chamado "Fort-Royal", a capital administrativa da Martinica estaba eclipsada por Saint-Pierre, a cidade máis antiga da illa, que era coñecida polos seus comercios e dinamización cultural como "O París do Caribe".
O nome de Fort-Royal cambiouse a un "Fort-La-Republique" de curta duración durante a Revolución Francesa, e finalmente se estableceu como Fort-de-France nalgún momento do século XIX. O antigo nome de Fort-Royal aínda se usa hoxe familiarmente na súa forma criolla de "Foyal", sendo os habitantes da cidade "Foyalais".
A cidade tivo os seus desastres, sendo capturada por unha expedición británica en 1762,[1] destruída parcialmente por un terremoto en 1839 e arrasada polo lume en 1890. No comezo do século XX, con todo, Fort-de-France adquiriu importancia económica despois de que a erupción volcánica do Monte Pelée destruíse a cidade de Saint-Pierre en 1902.
Ata 1918, cando comezou o seu crecemento comercial, Fort-de-France tivo un abastecemento de auga inadecuado, estaba en parte rodeada de pantanos, e foi famosa pola febre amarela. Agora os pantanos están drenados para deixar lugar a extensos barrios.
Xeografía
editarFort-de-France, tamén coñecido como o Forte de Francia, atópase na costa oeste de Martinica na entrada norte da gran baía de Fort de France, na desembocadura do río Madame. A cidade ocupa unha estreita chaira entre os outeiros e o mar pero é accesible por estrada dende todas as partes da illa.
Clima
editarFort-de-France ten un clima ecuatorial chuvioso ( Köppen Af ), caracterizado por un clima moi cálido a cálido e húmido durante todo o ano. Os meses máis húmidos son de xullo a novembro, cando os furacáns son unha ameaza frecuente, aínda que se producen precipitacións importantes en todos os meses. O mes máis cálido de media é setembro e o mes máis frío de media é febreiro.
| Datos climáticos para Fort-de-France (termos medios para 1981–2010, extremos 1932–presente) | |||||||||||||
|---|---|---|---|---|---|---|---|---|---|---|---|---|---|
| Mes | Xan | Feb | Mar | Abr | Mai | Xuñ | Xul | Ago | Set | Out | Nov | Dec | Anual |
| Temperatura máxima en °C | 31,5 | 32,1 | 33,6 | 33,0 | 33,9 | 33,6 | 33,6 | 33,0 | 33,8 | 33,0 | 32,1 | 31,3 | 33,9 |
| Media máxima en °C | 27,5 | 27,8 | 28,5 | 29,4 | 29,8 | 29,5 | 29,5 | 30,0 | 30,3 | 30,0 | 29,0 | 28,1 | 29,1 |
| Media diaria en °C | 24,7 | 24,7 | 25,2 | 26,1 | 26,7 | 26,8 | 26,7 | 27,0 | 27,2 | 26,9 | 26,2 | 25,3 | 26,1 |
| Media mínima en °C | 21,9 | 21,7 | 22,0 | 22,8 | 23,6 | 24,0 | 23,9 | 24,0 | 24,0 | 23,8 | 23,4 | 22,6 | 23,1 |
| Temperatura mínima en °C | 17,8 | 17,3 | 18,6 | 18,9 | 19,9 | 20,0 | 18,4 | 19,5 | 17,9 | 20,2 | 19,7 | 17,4 | 17,3 |
| Chuvia media mm | 119,5 | 77,8 | 74,3 | 94,0 | 131,5 | 159,8 | 219,3 | 254,7 | 234,5 | 265,9 | 254,5 | 134,7 | 2 020,5 |
| Media de días con chuvia (≥ 1.0 mm) | 18,93 | 13,60 | 12,77 | 11,50 | 12,70 | 16,43 | 20,00 | 19,57 | 17,90 | 18,17 | 19,00 | 17,60 | 198 17 |
| Media de horas de sol mensuais | 203,6 | 198,5 | 223,8 | 211,3 | 208,1 | 191,0 | 200,7 | 224,5 | 206,1 | 182,9 | 184,4 | 201,8 | 2 436,8 |
| Fonte: Météo France[2][3][4] | |||||||||||||
Base naval
editarFort Saint Louis en Fort-de-France é unha base naval francesa, do mesmo xeito que a Dégrad des Cannes (Güiana francesa).
Goberno
editarO alcalde é Didier Laguerre. A comuna de Fort-de-France conforma a [3ª circunscrición de Martinica] para a Asemblea Nacional.
Atraccións principais
editarAdemais de Fort Saint Louis, hai outros tres fortes:
Outros sitios de interese inclúen:
- Praza da Savane
- Biblioteca Schoelcher
- Xardín de Balata, un xardín botánico
- Igrexa Sacré-Cœur de Balata, unha réplica da igrexa parisiense de Montmartre, aloxada nun penedo rodeado de bosques tropicais
- Catedral de Fort de France
Nos xardíns de La Savane atópase unha estatua conmemorativa da emperatriz nada en Martinica Josephine, a muller de Napoleón. Foi vandalizado na década dos noventa, presuntamente por persoas que a culparon por apoiar o restablecemento da escravitude na illa. Sacaronlle a cabeza e salpicaron o corpo con pintura vermella.[5]
Transporte
editarO aeroporto internacional Martinica Aimé Césaire está situado nun arrabalde fóra de Fort-de-France e é accesible a través do autoestrada A1.
Notas
editar- ↑ * Robson, Martin (2016). A History of the Royal Navy: The Seven Years War. London: Taurus. pp. 171–173. ISBN 9781780765457.
- ↑ "Données climatiques de la station de Fort de France" (en French). Météo France. Arquivado dende o orixinal o 27 de xuño de 2019. Consultado o 31 de xaneiro de 2016.
- ↑ "Climat Martinique". Météo France. Arquivado dende o orixinal o 27 de xuño de 2019. Consultado o 31 de xaneiro de 2016.
- ↑ "Fort–de–France Desaix (972)" (PDF). Fiche Climatologique: Statistiques 1981–2010 et records (en French). Météo France. Arquivado dende o orixinal (PDF) o 29 March 2018. Consultado o 29 de marzo de 2018.
- ↑ "Statue of Empress Josephine". Lonely Planet. 15 de xaneiro de 2017.
Véxase tamén
editarWikimedia Commons ten máis contidos multimedia na categoría: Fort-de-France  |