Giza mikrobioma

Giza mikrobioma giza gorputzaren hainbat ataletan dagoen mikrobio multzoa da, jeneralean gizaki osasuntsuen larruazalean, listuan eta ahoko mukosan, konjuntiban, baginan eta digestio-aparatuan dagoena.

Baldintza normaletan mikrobio horiek ez dute gaixotasunik sortzen, eta harreman sinbiotiko edo komentsalista mantentzen dute. Kasu askotan (heste-floraren mikrobioak, adibidez) mikrobiota hori funtsezkoa da osasuna mantendu ahal izateko (gure gorputzak behar dituen bitamina eta beste substantzia batzuk ekoizten dituelako, immunitate-sistema indartzen duelako, mikrobio patogenoen hazkuntza oztopatzen duelako, etab.)

Osaera

Animalia osasuntsu batean, barne-ehunak, adibidez, odola, burmuina eta abar, normalean mikroorganismorik gabe daude. Hala ere, azaleko ehunak (azala eta muki-mintzak) etengabe daude ingurumenaren organismoekin harremanetan, eta mikrobio espezie desberdinek erraz kolonizatzen dituzte.^[1] Mikrobiota arrunta bakterio, onddo, protozoo eta beste mikrobio batzuek osatzen dute; giza hesteetako mikrobiota soilik da ekosistema konplexu bat, 400 bakterio-espeziek baino gehiagok osatzen dutena.^[2] Halaber, gizakion ingurune espezifikoetan kokatzen da, hala nola larruazalean, orofaringean, traktu gastrointestinalean eta genitourinarioan, besteak beste. Gizakiarekin kontaktu zuzenean bizi diren mikroorganismoen populazioak gizakiaren gorputzeko zelulen kopurua gainditzen du 10:1eko erlazioan (giza zelula bakoitzeko 10 mikrobio daude), kontuan hartuta giza gorputza gutxi gorabehera 10¹³z osatuta dagoela, gizakiok berezkoak ez diren 10¹⁴ zelula daramatzagu gurekin.^[3] Mikrobiota honen zatirik handiena bizi den ugaztunen heste lodian, mikroorganismoen kopurua 10¹²-10¹⁴ra igotzen da (1-1,5 kg gutxi gorabehera), baita lurzoruan, lurpean eta ozeanoetan aurkitutakoa baino handiagoa ere. 2008an, traktu gastrointestinaleko espezie bakterianoen guztizko kopurua 40.000ra ailegatu zen.^[4]

Mikrobiota azaleraren arabera^[1]
Bakterioa	Azala	Konjuntiba	Sudurra	Faringea	Ahoa	Gastrointestinala	Uretra	Bagina
Staphylococcus epidermidis	++	+	++	++	++	+	++	++
Staphylococcus aureus*	+	+/-	+	+	+	++	+/-	+
Streptococcus mitis				+	++	+/-	+	+
Streptococcus salivarius				++	++
Streptococcus mutans*				+	++
Enterococcus faecalis*				+/-	+	++	+	+
Streptococcus pneumoniae*		+/-	+/-	+	+			+/-
Streptococcus pyogenes*	+/-	+/-		+	+	+/-		+/-
Neisseria sp.		+	+	++	+		+	+
Neisseria meningitidis*			+	++	+			+
Enterobacteriaceae* (batez ere E coli)		+/-	+/-	+/-	+	++	+	+
Proteus sp.		+/-	+	+	+	+	+	+
Pseudomonas aeruginosa*				+/-	+/-		+/-
Haemophilus influenzae*		+/-	+	+	+
Bacteroides sp.*						++	+	+/-
Bifidobacterium bifidum						++
Lactobacillus sp.				+	++	++		++
Clostridium sp.*					+/-	++
Clostridium tetani						+/-
Corynebacterineae	++	+	++	+	+	+	+	+
Mycobacterium	+		+/-	+/-		+	+
Actinomycetaceae				+	+
Spirochaetes				+	++	++
Mycoplasmatales				+	+	+	+/-	+
Laburdurak: sp. (genero baten edozein espezie) ++: Oso arrunta. += Arrunta +/-=Bitxia *=Balizko patogenoa

Erreferentziak

↑ ^a ^b (Ingelesez) Todar, Kenneth. The Normal Bacterial Flora of Humans. in: Todar's Online Textbook of Bacteriology..
↑ Sanz, Y.; Collado, M.C.; Dalmau, J.. (2006ko otsaila). «Contribución de la microbiota intestinal y del género «Bifidobacterium» a los mecanismos de defensadel huésped frente a patógenos gastrointestinales» (PDF) Acta Pedr Esp (Ediciones Mayo) 64 (2): 74-78. ISSN 2014-2986..
↑ Kumate, Jesús; Gutiérrez, Gonzalo; Muñoz, Onofre; Santos, Ignacio; Solórzano Fontino; Miranda Guadalupe. (2008). Infectología Clínica Kumate-Gutiérrez. (17a. argitaraldia) Mexiko Hiria: Méndez Editores, 13-21 or. ISBN 968-5328-77-3..
↑ (Ingelesez) Frank DN; Pace NR. «Gastrointestinal microbiology enters the metagenomics era.» (pdf) Curr Opin Gastroenterol (Oxford) 24 (1): 4-10. doi:10.1097/MOG.0b013e3282f2b0e8. ISSN 1531-7056. PMID 18043225..

Ikus, gainera

Kanpo estekak

Datuak: Q1500347

[TODAR-1] (Ingelesez) Todar, Kenneth. The Normal Bacterial Flora of Humans. in: Todar's Online Textbook of Bacteriology..

[Sanz-2] Sanz, Y.; Collado, M.C.; Dalmau, J.. (2006ko otsaila). «Contribución de la microbiota intestinal y del género «Bifidobacterium» a los mecanismos de defensadel huésped frente a patógenos gastrointestinales» (PDF) Acta Pedr Esp (Ediciones Mayo) 64 (2): 74-78. ISSN 2014-2986..

[KUMATE-3] Kumate, Jesús; Gutiérrez, Gonzalo; Muñoz, Onofre; Santos, Ignacio; Solórzano Fontino; Miranda Guadalupe. (2008). Infectología Clínica Kumate-Gutiérrez. (17a. argitaraldia) Mexiko Hiria: Méndez Editores, 13-21 or. ISBN 968-5328-77-3..

[4] (Ingelesez) Frank DN; Pace NR. «Gastrointestinal microbiology enters the metagenomics era.» (pdf) Curr Opin Gastroenterol (Oxford) 24 (1): 4-10. doi:10.1097/MOG.0b013e3282f2b0e8. ISSN 1531-7056. PMID 18043225..

[1]

[2]

[3]

[4]