Bilboko metropoli eremua

Bilboko metropoli eremua edo Bilbo Metropolitarra Bizkaiko hainbat udalerrik Bilbo inguruan osatzen duten metropoli eremua da, guztira 35 udalerriz osatutakoa. Euskal Autonomia Erkidegoko Lurraldearen Antolamendurako Artezpideen (LAA) arabera hurrengo udalerriek osatzen dute:^[1] Abanto-Zierbena, Alonsotegi, Arrankudiaga, Arrigorriaga, Barakaldo, Barrika, Basauri, Berango, Bilbo, Derio, Erandio, Etxebarri, Galdakao, Getxo, Gorliz, Larrabetzu, Leioa, Lemoiz, Lezama, Loiu, Muskiz, Ortuella, Plentzia, Portugalete, Santurtzi, Sestao, Sondika, Sopela, Ugao-Miraballes, Urduliz, Trapagaran, Zamudio, Zaratamo, Zeberio eta Zierbena. Horietatik 26 udalerri Bilboaldea eskualdearen parte dira.

Hirigune honen jatorriari buruzko lehenbiziko aipamena 1884koa da, ematen ari zen industrializazio prozesuak ekartzen hasi zuen populazioaren harira, El Noticiero Bilbaíno egunkariak Previsión izeneko artikulua idatzi zuenean, hurrengoa esanez: "ez dira urte asko pasako -Barakaldoko- Desertutik Portugaleteraino etxaldeak hain trinko egiten diren arte, ezen etenik gabeko kale luzea bilakatuko baiten."

Eustaten 2016ko biztanleria datuen arabera 892.747 biztanle ditu, Bizkaia osoko biztanleriaren (1.138.852 biztanle) gehiengo handia eremu honetan bizi delarik, eta Espainiako 6. metropoli eremurik handiena da, biztanle kopuruari dagokionez.^[2]

Metropoli eremuko udalerriak

Armarria	Udalerria	Alkatea	Alderdi Politikoa	Biztanleria (2016)^[3]	Lurraldea (km²)^[4]
	Abanto-Zierbena	Maite Etxebarría Azpiolea	EAJ	9.570	16,18
	Alonsotegi	Joseba Mirena Urbieta Lemos	EAJ	2.855	20,20
	Arrankudiaga	Itziar Duoandikoetxea Gonzalez	EH Bildu	1.006	22,68
	Arrigorriaga	Asier Albizua Manrique	EAJ	12.029	16,16
	Barakaldo	Amaia Del Campo Berasategui	EAJ	98.403	25,00
	Barrika	Roberto Muñoz García	EAJ	1.561	7,59
	Basauri	Joseba Andoni Busquet Elorrieta	EAJ	40.876	7,07
	Berango	Anabel Landa Gaubeka	EAJ	7.116	8,73
	Bilbo	Juan María Aburto Rike	EAJ	342.481	40,59
	Derio	Esther Apraiz Fernández La Peña	EAJ	6.496	10,14
	Erandio	Joseba Goicouria Zarraga	EAJ	23.906	18,83
	Etxebarri	Lorenzo Oliva Santamaría	Herriko Ahotsa (LVP)	10.951	3,38
	Galdakao	Ibón Uribe Elorrieta	EAJ	29.269	31,28
	Getxo	Imanol Landa Jáuregi	EAJ	77.759	11,84
	Gorliz	Arantza Etxebarría Villabeitia	EAJ	5.655	10,08
	Larrabetzu	Iñigo Gastelu Bilbao	EH Bildu	2.057	21,53
	Leioa	Mª Carmen Urbieta González	EAJ	30.793	8,31
	Lemoiz	Unai Andraka Casimiro	EAJ	1.244	18,56
	Lezama	Jon Ander Aurrekoetxea Artetxe	EAJ	2.353	16,37
	Loiu	Josu Andoni Begoña Fernández De Arroiabe	EAJ	2.277	15,01
	Muskiz	Borja Liaño Abarrategui	EAJ	7.449	20,95
	Ortuella	Saulo Nebreda Trevejo	EAJ	8.358	7,99
	Plentzia	David Crestelo Domínguez	EH Bildu	4.360	5,87
	Portugalete	Mikel Torres Lorenzo	PSE-EE	46.372	3,19
	Santurtzi	Aintzane Urkijo Sagredo	EAJ	45.703	8,73
	Sestao	Josu Bergara López	EAJ	27.286	3,61
	Sondika	Xabier Zubiaur Agirre	EAJ	4.461	6,84
	Sopela	Gontzal Hermosilla Ramos	EAJ	12.592	8,31
	Trapagaran	Xabier Cuellar Cuadra	EAJ	11.938	12,85
	Ugao-Miraballes	Ekaitz Mentxaka Corral	EAJ	4.088	5,25
	Urduliz	Javier Bilbao Lopategi	EAJ	4.128	7,80
	Zamudio	Igotz López Torre	EAJ	3.183	18,15
	Zaratamo	Jon Ajuria Fisure	Plataforma Independiente Gure Herria (PIGH)	1.609	10,17
	Zeberio	Karlos Idirin Gorrotxategi	EAJ	1.069	47,64
	Zierbena	Iñigo De Loyola Ortuzar Angulo	EAJ	1.494	12,48
GUZTIRA				892.747	509,36 km²