ھەڵبژاردەی تۆپی پێی کۆتدیڤوار

ھەڵبژاردەی تۆپی پێی کۆتدیڤوار (بە فەڕەنسی: Équipe de Côte d'Ivoire de football) کە نازناوی Les Éléphants (فیلەکان) ی ھەیە، ھەڵبژاردەی تۆپی پێی نەتەوەی کۆتدیڤوارە کە لەلایەن فیدڕاڵیی تۆپی پێی کۆتدیڤوار (FIF) کۆنتڕۆڵکراوە. ھەتاکوو ٢٠٠٥، گەورەترین دەستکەوتییان بردنەوەی جامی نەتەوەکانی ئەفریقا بوو لە ١٩٩٢ دوای ئەوەی لە ھەڵبژاردەی تۆپی پێی گانایان بردەوە بە لێدان پەناڵتی لە یاریگای لیۆپۆلد سینگۆر لە داکار، سینیگال. دووەم دەستکەوتییان بردنەوەیان لە جامی نەتەوەکانی ئەفریقای بوو کە دیسانەوە لە گانایان بردەوە لە ٢٠١٥ بە لێدانی پەناڵتی، بەڵام ئەمجارەیان یارییەکە لە یاریگای بێتا لە شاری باتای گینێی ئیستوایی ئەنجامدرا.

باشترین ئەنجامی دوا بەدوای یەکی یانەکە گەییشتنیانبوو بە جامی جیھانی فیفا بۆ ٣ جار لەسەر یەکدی لەنێوان ٢٠٠٦ بۆ ٢٠١٤.

یانەکە چەندین یاریزانی بەناوبانگ لەخۆدەگرێت، کە زۆرییان لە ئەورووپا یارییان کردووە، لەوانە: دیدیێر درۆگبا، یەحیا تۆرێ، ئیمانوێل ئیباو، ویلفرێد بۆنی، سێیداو دۆمبیا، جێرڤینھۆ، ئێرک بایلی، نیکۆلاس پێپێ، ماکسوێل کۆرنێت، ویلفرێد زاھا، یاکاو مێیت، سالۆمان کالۆ و کۆلۆ تۆرێ.