Тамілнад
Тамілна́д[4] (англ.: Tamil Nadu) — штат на поўдні Індыі, на ўзбярэжжы Бенгальскага заліва, мяжуе са штатамі Андхра-Прадэш, Карнатака, Керала, саюзнай тэрыторыяй Пандышэры. Займае 11-е месца сярод штатаў па плошчы (130 058 км², параўнальна з плошчай Грэцыі) і 6-е па насельніцтву (67 млн чалавек, 2008). Адміністрацыйны цэнтр — Чэнаі. Самы вялікі горад — Мадурай.
| Тамілнад | |||
|---|---|---|---|
| там.: தமிழ்நாடு тэлугу: తమిళనాడు малаял.: തമിഴ്നാട് кан.: ತಮಿಳುನಾಡು | |||
| |||
| Краіна | |||
| Уваходзіць у | |||
| Адміністрацыйны цэнтр | |||
| Дата ўтварэння | 26 студзеня 1950 | ||
| Кіраўнік | M. K. Stalin[d] | ||
| Насельніцтва |
| ||
| Плошча |
| ||
.svg) | |||
| Часавы пояс | Indian Standard Time[d] | ||
| Код ISO 3166-2 | IN-TN | ||
| Афіцыйны сайт | |||
 Медыяфайлы на Вікісховішчы | |||
Геаграфія правіць
Заходняя і паўднёвая часткі штата ўзгорыстыя, з багатай расліннасцю, усходняя — прыбярэжныя раўніны з урадлівымі глебамі, паўночная — спалучае ўзгоркі і раўніны. Тамілнад — адзіны штат Індыі, на тэрыторыі якога ляжаць і Заходнія, і Усходнія Гаты. Сейсмічная актыўнасць нізкая. Клімат мусонны.
Эканоміка правіць
Тамілнад з’яўляецца самым урбанізаваным штатам (47 % у 2005) і другім (пасля Махараштры) па прамысловай магутнасці штатам Індыі.
Найбольш развітыя галіны прамысловасці — ІТ-індустрыя (другое месца ў краіне пасля Карнатакі), машынабудаванне (40 % нацыянальнай вытворчасці аўтамабіляў, заводы Ford, Hyindai, Nissan), чорная металургія, энергетыка, тэкстыльная прамысловасць.
У сельскай гаспадарцы занята адносна невялікая частка насельніцтва. Пры гэтым штат стаіць на першым месцы ў Індыі па вырошчванні арахісу і цукровага трыснягу і на другім (пасля Пенджаба) па збору рысу.
Добра развіты турызм. Турыстычныя цэнтры — Чэнаі, Махабаліпурам, Уці, Еркаўд.
Насельніцтва правіць
Большасць жыхароў штата — тамілы. На тамільскай мове гавораць 89,5 %, тэлугу — 5,7 %, канада — 1,7 %, урду — 1,5 % (2001). Шырока распаўсюджана і ўсеагульна выкарыстоўваецца англійская мова.
Індуізм спавядае 88 % насельніцтва, хрысціянства — 6 %, іслам — 5,6 % (2001). Хрысціянская абшчына Тамілнада самая шматлікая ў краіне.
Індэкс узроўню чалавечага развіцця ў Тамілнадзе — адзін з самых высокіх у краіне — 0.736 (сярэдні па Індыі — 0.619).
Зноскі правіць
- ↑ https://www.ndtv.com/chennai-news/tamil-nadus-capital-chennai-turns-375-532428 Праверана 5 ліпеня 2018.
- ↑ archINFORM — 1994. Праверана 6 жніўня 2018.
- ↑ http://www.censusindia.gov.in/2011census/PCA/PCA_Highlights/pca_highlights_file/Tamil_Nadu/6.Figures_Glance_Tamil%20Nadu.pdf
- ↑ БелЭн 2002.
Літаратура правіць
- Тамілна́д // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 414. — 10 000 экз. — ISBN 985-11-0035-8. — ISBN 985-11-0251-2 (т. 15).
- Тамилна́д // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 468. — 592 с. — 210 000 экз. — ISBN 5-85270-057-6.
- Тамилна́д (до 1969 — Мадрас) / Медовой А. И. // Т. 25. Струнино — Тихорецк. — М. : Советская энциклопедия, 1976. — С. 245. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)