Ганна Юр’еўна Міцкевіч
Ганна Юр’еўна Міцкевіч, народжанае Лёсік (21 (8) верасня 1857, Мікалаеўшчына, цяпер Стаўбцоўскі раён — 1929) — маці беларускага паэта і празаіка Якуба Коласа, сястра Язэпа і Антона Лёсікаў.
| Ганна Міцкевіч | |
|---|---|
| Ганна Міцкевіч, 1923 год | |
| Імя пры нараджэнні | Ганна Лёсік |
| Дата нараджэння | 8 (20) верасня 1857 |
| Месца нараджэння | |
| Дата смерці | 1929 |
| Месца пахавання | |
| Бацька | Юрый Лёсік |
| Маці | Хрысціна Лёсік |
| Муж | Міхал Казіміравіч Міцкевіч |
| Дзеці | Уладзя, Алесь, Кастусь, Міхаліна, Юзэфа, Алена, Юзік, Міхась і Марыя |
Біяграфія
правіцьНарадзілася ў сям’і Юрыя і Хрысціны Лёсікаў. Як старэйшая дачка даглядала малодшых братоў і сясцёр, у юнацтве майстэрскі навучылася ткацтву. У 1878 годзе ўзяла шлюб з Міхаілам Міцкевічам, нарадзіла трынаццаць дзяцей, чацвёра з іх памерлі немаўлятамі[1].
Пасля смерці мужа перабралася з Альбуці ў Цёмныя Ляды, куды прызначылі палясоўнікам Уладзю Міцкевіча, яе старэйшага сына, потым — у Мікалаеўшчыну, дзе з братам Антосем купіла колішнюю карчму, згарэлую ў 1909―1910 гадах. Апошнім пераездам быў хутар Смольня[1].
Памерла ў 1929 годзе. Пахавана побач мужа на могілках Церабяжы ў Мікалаеўшчыне.