Pik saatı (film, 1998)

Xəbərdarlıq: Yazının davamı əsərin məzmunu haqqında məlumat ehtiva edir.

Honq Konqun Britaniya hakimiyyəti altında qaldığı son illər. Müfəttiş Li mafiya başçısı Cuntaonun qarşısını almaq niyyətindədir. Cuntaonun adamı Senq qaçmağa nail olsa da, oğurladığı bir çox sərvətlər Müfəttiş Linin sayəsində hökumətə geri qaytarılır. Bu uğura görə Çin Konsulu Solon Han və Britaniya polislərinin müfəttişi Tomas Qriffin Lini təbrik edir. Solon Han ABŞ-də yeni diplomatik vəzifəsini yerinə yetirmək üçün Los-Anceles şəhərinə yola düşür, lakin bu müddətdə gözlənilmədən Cuntaoya işləyən Senqin sayəsində Hanın qızı Su Yunq ilk məktəb günü ərəfəsində girov götürülür.

Su Yunqu qaçıranlar Solon Handan böyük miqdarda pul tələb edirlər. Bu səbəbdən FTB bu mafiyanı tapmaq məqsədilə ən yaxşı polislər axtarmağa başlayır, lakin Han bu işin öhtəsindən yalnız peşəkar polisin yetirəcəyini bilərək dostu Müfəttiş Lini Honq Konqdan ABŞ-yə dəvət edir. Bu müddətdə isə FTB-də çalışan ən yaxşı polislərdən birini tapır. Həmin polis isə çox da peşəkar olmayan Ceyms Karterdir. Ceyms Karter Li ilə Beynəlxalq Los-Anceles Aeroportunda qarşılaşır. Bir müddət sonra iki polis birlikdə axtarışa başlayır. Bu zaman onlar arasında çoxlu macəralar baş verir.

Bu müddətdə konsulluq, banda heyətinin təklif etdiyi $50 milyon dollar pul ilə razılaşır. Bir müddət sonra Karter və Li Çin məhəlləsində yerləşən restoranların birində nahar edən zaman onlar banda heyətinin burada olduğunu bilərək, onlarla mübarizə aparırlar, lakin mafiya başçısı və dəstəsi buradan qaçmağa nail olurlar. FTB isə Karter ilə Lini, polis heyətinin işinə mane olduqlarına görə vəzifələrindən uzaqlaşdırırlar. Li ABŞ-ni tərk edən zaman onu yerinə yetirəcəyi vəzifəyə döndərmək üçün Karter Liyə israr edir və məqsədinə nail olur. Karter və Li düşünürlər ki, mafiya başçısı Cuntao Tomas Qriffindir və Solon Hanın qızını məhz o oğurlayıb.

Bir müddət sonra onlar Çin mədəniyyətinə aid nümunələr nümayiş etdirilən "Los Angeles Convention Center" adlı sərgiyə qonaq kimi dəvət edilirlər. Bu zaman Li sərgidə iştirak edən Tomas Qriffinə gözlənilmədən Cuntao adı ilə çağırır və Tomas Cuntao olduğunu bildirərək, onları Su Yunqun jiletinə bağlanılan bombanı partlatmaq ilə hədələyir. Atış zamanı Karter Su Yunqu tapır və kömək üçün Los-Anceles Polis Departamentində bomba üzrə mütəxəssis olan müfəttiş Tanya Consonu çağırır. Tanya bombanı zərərləşdirməyi bacarır və Su Yunqun jiletindən çıxarılır. Bu ərəfədə Karter və Senq arasında atışma baş verir. Mübarizənin sonunda atış əsnasında Karter Seni öldürməyə nail olur. Tomas Qriffin isə pullar olan çantanı götürərək binanı tərk etmək istəyir, lakin bu zaman Li ona mane olur. Çantadakı pullar bina zalına dağılır və Tomas fontanın üzərinə düşərək ölür. Li isə Karterin sayəsində qırmızı rəngdən ibarət olan bayrağın üzərinə düşür. Artıq Solon Hanın qızı Su Yunq onun yanına geri qaytarılmışdır. Konsulluq Karter və Lini dincəlmək üçün Honq Konqa göndərir.

Xəbərdarlığın sonu.

• Ceki Çan — $ 1 500 000^[4]
• Kris Taker — $ 3 000 000^[5]