Tamavafa gadakiewega koe Xayastana

Bat teliz va kot debak bendeyen dene Tamavafa Gadakiewega ke UNESCO koe Xayastana otular.

Bak 2013, 3 debak ke Xayastana tid ke winugafa vexala ke Tamavafa Gadakiewega : 3 arayaf.

Winugafa vexala betara

Bat debak tir iyelaf

Haghpat tucpastaxe isu Sanahin	Welmot : 0.026 km²
Arayaf debak bendeyen bak 1996	Ludeem : (ii) (iv)	UNESCO otuk : 777
Debala : Lori winka	Maneka : 41° 05′ 42″ L-, 44° 42′ 36″ R-
Haghpat tucpastaxe isu Sanahin. Bate toloye Byzantion tucpastaxe tigise koe vema ke Tumanian is evlon gu triguca ke Trigukian prostewa ( X^-eafa ik XIII^-eafa decemda ) tiyid idjapa amuzeyesa va araya. Sanahin tiyir kotgrupaf gu ewavasa is zovdaropafa serna. Bat toloy tucpastaf birtey va tela lokatcafa vegeduropafa exaksara va armenafa alkafa yamba kaatoed, i va yamba nazbayana gan vangluyara va yona alkafa kira ke vegeduropa ke Byzantion gu prostewafa lizukafa vegeduropa ke bata gola ke Kavkaza. ^[1]

Wevala is ujeem ke Echmiatsin is Zvartnots rawopaf debak	Welmot : 0.74 km²
Arayaf debak bendeyen bak 2000	Ludeem : (ii) (iii)	UNESCO otuk : 1011
Debala : Armavir winka	Maneka : 40° 09′ 32″ L-, 44° 17′ 42″ R-
Wevala is ujeem ke Echmiatsin is Zvartnots rawopaf debak va towara is nagewera ke armenafa garduja dem istefa vimava kan gamdakoraf zovdom blion yunked, i ke martig turestapayas va vegeduropafa is yambafa vonera va bata gola. ^[2]

Geghard tucpastaxe is Azat ticekrant	Welmot : 0.027 km²
Arayaf debak bendeyen bak 2000	Ludeem : (ii)	UNESCO otuk : 960
Debala : Ararat winka, Kotayk winka	Maneka : 40° 09′ 32″ L-, 44° 47′ 49″ R-
Geghard tucpastaxe is Azat ticekrant. Geghard tucpastaxe vas yona uja isu naboxa loote betsafa ruldar, i vas vegeduks matcaf gu pelava ke armenafa mialukugalafa vegeduropa. Bata belca dem mialukugalafe xe vanmiae arestoy rune Azat krantoza do tuwavon listapaf patectoy jewer. ^[3]

Bak 2013, 4 ar debak tid ke tutsokana vexala ke Tamavafa Gadakiewega : 2 arayaf is 2 aotcaf.

Noravank tucpastaxe is Amaghu ticekrantoza	Welmot : - km²
Aotcaf debak bendeyen bak 1996	Ludeem : (i) , (iii) , (vi) , (vii) , (ix)	UNESCO otuk : 13
Debala : Vayots Dzor winka	Maneka : 39° 41′ 02″ L-, 45° 13′ 59″ R-
Noravank tucpastaxe is Amaghu ticekrantoza. Noravank vansan koo xakuba aname kiria kum kerafe is lukoptafe kalke, koe disukexaf patectoy ke Amaghu krantoza tigir. Tucpastafe xe tid edjon gu XIII^-eafa decemda ise tid katcalafe gu tanuskuca ke envara, i tulon xe vegeduyune gan Momik vegeduropik. Krantoza vas konak arulatumap dere ruldar. ^[4]