哈利·波特 (角色)
哈利·波特(英文:Harry Potter),係英國作家J·K·羅琳嘅同名奇幻小說《哈利波特》系列嘅主角,係一個虛構嘅人物。故事講述哈利喺父母俾佛地魔殺死之後做咗孤兒,11歲嗰陣先至終於知道佢自己嘅身份,同埋佢自己父母死亡嘅真相。成個系列嘅主線集中喺哈利响巫師世界嘅冒險,同埋佢逐步去打低佛地魔嘅過程,裡面涵蓋咗佢喺霍格華茲七年以嚟嘅學習生活。
哈利·詹姆·波特 Harry James Potter | |
---|---|
![]() 丹尼爾·域卡夫喺《哈利波特》系列入面飾演嘅哈利·波特。 | |
首次出場 | 哈利波特:神秘的魔法石 |
尾次出場 | 哈利波特:被詛咒的孩子 |
作者 | J·K·羅琳 |
扮演 | 丹尼爾·域卡夫(電影) 傑米·帕克(舞台劇) |
配音 | ![]() |
詳細信息 | |
性別 | 男性 |
家庭 | |
配偶 | 金妮·衛斯理 |
仔女 | 詹姆·天狼星·波特(大仔) 阿不思·賽佛勒斯·波特(細仔) 莉莉·露娜·波特(細女) |
親戚 | |
國籍 | 英國 |
創作理念
編輯根據J·K·羅琳嘅講法,《哈利波特》小說仲有佢嘅同名角色嘅構想係從1990年等緊由英國曼徹斯特開去倫敦延誤咗嘅火車嗰陣產生嘅。佢表示自己嘅諗法係「呢個骨瘦如柴、黑髮、戴眼鏡嘅男仔,佢唔知道自己係一個巫師,呢個對我嚟講變得越嚟越真實[3]。」喺為佢嘅小說制訂構思嘅同時,羅琳仲決定俾哈利成為喺霍格華茲寄宿學校讀書嘅孤兒。佢喺1999年接受《衛報》嘅訪問入面解釋話:「哈利無得唔係一個孤兒—咁樣佢先至能夠成為唔洗擔心令佢父母失望嘅自由身...而霍格華茲一定要係一間寄宿學校—有一半嘅重要事會喺夜晚發生!嗰樣就係安全感。有咗自己嘅仔女強化咗我嘅信念,細路仔最需要安全感,而呢個正就係霍格華茲能夠俾到哈利嘅嘢[4]。」
J·K·羅琳嘅阿媽喺1990年12月30號過身,呢個啟發咗佢將哈利寫成一個渴望同過咗身嘅父母見面嘅一個男仔,佢內心所隱藏嘅極度痛苦感比起較早時期嘅草稿變得「更加深入同埋更真實」,因為呢啲嘢都同佢自己相關[3]。喺2000年接受《衛報》採訪嗰時,羅琳仲用特倫斯·韓伯瑞·懷特嘅小說《永恆之王》中亞瑟王嘅角色嚟確立咗哈利「精神上嘅祖先」[5]。最後,佢將哈利嘅生日定喺同佢自己相同嘅7月31號,但係佢堅持認為哈利並唔係直接基於任何現實生活中嘅人而寫:「佢只係啱啱喺我嘅一部分裡面行出嚟[6]。」羅琳仲堅持認為哈利係一個適合成為細路仔喺現實生活入面嘅榜樣,「呢種虛構嘅英雄/主角嘅優勢在於,你可以比起了解一個活生生嘅英雄更加了解佢哋,當中好多人你永遠都唔會遇到...... 如果啲人鍾意哈利又清晰咁辨認到係佢,我會因為咁而覺得好高興,因為我認為佢係好得人鍾意嘅細路[7]。」
身世
編輯喺哈利嘅11歲生日當日,佢喺霍格華茲嘅鑰匙管理員魯霸·海格手上收到鄧不利多發出嘅入學通知書,佢嗰陣先至知道自己入咗霍格華茲嘅事,仲喺海格口中知道自己係一個巫師。自此佢就喺霍格華茲讀書,仲喺校長鄧不利多同其他老師嘅指導下學習去用魔法,期間認識咗榮恩·衛斯理同妙麗·格蘭傑仲成為咗摯友。哈利發現自己原來喺巫師世界好出名,佢嘅命運仲同佛地魔息息相關──嗰個喺巫師世界係人都驚嘅黑巫師兼殺死哈利父母嘅兇手,而哈利成為咗唯一倖存嘅細路。一個好勁嘅黑巫師竟然俾一個細路仔打低咗,呢樣嘢就令到哈利喺巫師世界好出名。
當哈利發現自己同佛地魔命運嘅預言係「兩者必有一人敗在另一人手中」之後,佢就跟隨鄧不利多嘅教導點樣對抗佛地魔,但就俾佛地魔操控嘅魔法部通緝成為「
喺大戰落幕咗19年之後,哈利同榮恩嘅阿妹金妮·衛斯理結咗婚組織家庭,分別生咗大仔
外表
編輯![](http://upload.wikimedia.org/wikipedia/zh-yue/thumb/d/d7/Harry_Potter_character_poster.jpg/220px-Harry_Potter_character_poster.jpg)
小說形容哈利有好似佢老豆咁樣永遠好凌亂嘅黑髮,同埋好似佢阿媽一樣嘅明亮綠色眼睛,佢前額上面有一條閃電形狀嘅疤痕。當羅琳俾人問到閃電疤痕嘅意義嗰陣時,佢話:「我希望佢嘅身體能夠標記住佢自己所經歷過嘅事,呢個係佢內心所經歷嘅外在表現嘅一種表達方式...喺某種意義上嚟講,呢個幾乎就好似『被選中嘅人』或者係『被詛咒嘅人』。」羅琳仲表示,哈利承傳咗佢父母嘅外表[9]。哈利喺系列嘅後半部分長高咗,雖然佢嘅身高唔係比其他人高,但據講喺第七輯小說入面,佢嘅身高同佢老豆「差唔多」[10]。
羅琳解釋話,當佢第一次諗到哈利·波特嗰陣,哈利嘅形象就浮現喺佢自己嘅腦海入面,佢認為哈利係個「好似條柴咁瘦、黑髮、戴眼鏡嘅男仔」[3]。佢認為哈利嘅眼鏡係佢容易俾人攻擊嘅線索[11]。
性格
編輯根據羅琳嘅講法,哈利憑住自己嘅良知嚟做強烈引導,同埋對於啱同錯有一種敏銳嘅觸覺。羅琳話,「接觸真正有愛心嘅成年人嘅機會非常有限」,而「對於咁樣一個後生仔,哈利被迫做自己嘅選擇[12]」。佢承認「哈利都會犯錯」,但佢最終都做咗良知話佢知要做嘅嘢。根據羅琳嘅講法,哈利嘅關鍵場景之一出現喺第四輯小說入面,當時佢要保護已經死咗嘅學長—西追·迪哥里嘅遺體唔好再受到佛地魔嘅傷害,仲搏命依照佢嘅遺願帶佢返去,表現出哈利嘅勇敢同無私[13]。
羅琳講過哈利嘅性格缺陷包括咗唔守規則、容易嬲同衝動;但佢又承認哈利係個天性正直高尚嘅人[14][15][16],「佢唔係一個殘忍嘅男仔。佢係一個好有競爭力嘅鬥士。佢唔會躺平嚟受虐。但係佢確實有天生嘅正直,呢樣嘢令到佢成為咗我心目中嘅英雄。佢係一個普通嘅男仔,但擁有我哋大多數人真正欽佩嘅品格[17]。」喺大多數情況下,哈利都表現出一啲都唔自誇嘅謙虛,仲成日淡化自己嘅成就;就算喺第五輯小說嘅早期用一連串嘅冒險經歷嚟作為佢成熟嘅例子都係咁樣。不過,呢啲同樣嘅成就後來用嚟解釋點解佢應該去領導鄧不利多的軍隊,哈利喺呢一點上面只係話佢自己好彩,仲唔覺得自己配得上咁多人所俾佢嘅權威。
喺第七輯小說之後,羅琳評價話,哈利擁有咗佢嘅角色性格上堅強得最極致嘅嘢——甚至連佛地魔都無嘅終極性格力量:接受死亡嘅必然性。
能力
編輯飛行
編輯哈利有飛行嘅天賦,佢騎住飛天掃把嚟飛行嘅能力好勁。喺《神秘的魔法石》入面,哈利喺一年級就攞到魁地奇搜捕手嘅資格,成為咗100年嚟年紀最細嘅搜捕手。呢個能力好可能係遺傳自佢阿爸,因為霍格華茲嘅獎盃櫃有個屬於佢阿爸嘅獎牌[18]。
喺後續嘅集數入面,哈利喺四年級嗰陣喺掃帚上面同龍對決[19],又喺六年級做咗魁地奇球隊嘅隊長[20]。
黑魔法防禦術與決鬥
編輯喺成個系列裡面,哈利係少數唔係黑巫師但又精通各種黑魔法同黑魔法防禦術嘅巫師。哈利對黑魔法防禦術好有天份,佢喺三年級嗰陣已經施展到高階嘅護法咒[21];佢喺五年級嗰陣教鄧不利多的軍隊裡面嘅同學甚至係學長去用黑魔法防禦術嚟對抗黑魔法[22]。喺嗰年嘅學期尾,哈利喺
哈利喺決鬥方面都好擅長,佢喺《鳳凰會的密令》入面同鄧不利多的軍隊嘅成員喺魔法部嘅神秘部門同食死人嘅戰鬥入面,佢係唯一無受傷又無喪失行動能力嘅成員;哈利喺《哈利波特:死神的聖物1》開頭飛去洞穴屋嘅藏身點嗰陣,擊退咗無數嘅食死人[23]。
爬說語
編輯哈利有能力同蛇去溝通,佢講得出仲理解到一種有關黑魔法嘅語言—「
根據《哈利波特:死神的聖物》,佛地魔喺成個系列開始嗰時要殺死哈利嗰陣,哈利嘅阿媽莉莉用自己嘅身體擋喺哈利前面,咁樣就施展咗一種極強大嘅保護咒—呢個係個古老嘅魔法,結果佛地魔因為咒語反彈而解體,佢嘅靈魂碎片就好快咁依附喺現場唯一嘅生命體—即係哈利身上[24],因為咁就造成咗哈利額頭上嘅閃電型疤痕,仲無意中令到哈利成為咗佛地魔嘅第七個分靈體。呢個就係哈利係個「爬說嘴」同埋識得講「
魔杖
編輯哈利喺奧利凡德魔杖店嗰度買嘅魔杖係一支11英吋長嘅冬青木同鳳凰尾羽毛魔杖。哈利同佛地魔嘅魔杖杖芯都係嚟自同一隻鳳凰—亦都係鄧不利多喺校長辦公室裡面所養嘅佛客使,因為咁所以奧利凡德喺賣出咗哈利支魔杖之後就即刻通報鄧不利多有關佛地魔同哈利魔杖之間嘅連繫。
哈利喺《哈利波特:火盃的考驗》裡面同佛地魔對戰期間,由於佢哋兩個支魔杖就好似孖生兄弟咁存在,所以喺佢哋對戰期間意外產生咗符咒倒轉效應,呢樣令到無幾耐之前死喺佛地魔魔杖之下嘅人,好似係西追·迪哥里、瑞斗府嘅老僕人同埋哈利嘅父母因為咁而出現返,呢個關鍵後嚟仲解釋咗點解佛地魔嘅紫杉木魔杖無辦法用嚟打敗哈利嘅冬青木魔杖,又唔能夠互相殘殺。隨着佛客使喺《哈利波特:混血王子的背叛》就嚟完嗰陣跟住鄧不利多過身[25],所以能夠同佛地魔嘅紫杉木魔杖匹敵嘅,就只有哈利嘅冬青木魔杖。
哈利嘅冬青木魔杖後嚟喺《哈利波特:死神的聖物1》果陣唔小心整斷咗。喺哈利支魔杖斷咗嗰陣,佢都只能夠暫時用住妙麗支魔杖或者係榮恩喺死拿錢手上搶返嚟嘅黑刺李魔杖。後來,哈利喺馬份莊園將跩哥·馬份支魔杖嘅忠誠轉移咗,造成咗接骨木魔杖喺嗰時都效忠於哈利。
哈利喺小說同電影嘅尾聲得到咗接骨木魔杖嘅擁有權,又消滅咗佛地魔,不過哈利修復返自己嘅冬青木魔杖,佢就將嗰支接骨木魔杖歸還返去鄧不利多嘅墓地;《哈利波特:死神的聖物2》電影版入面,哈利就親手將接骨木魔杖摧毀,然後丟落去到霍格華茲廢墟嘅谷底以絕後患。
資產
編輯哈利喺小說同電影裡面擁有一隻個名叫嘿美嘅雪鴞,係魯霸·海格送俾佢嘅11歲生日禮物。小說入面大部分章節都有提到嘿美,佢亦都用嚟傳遞或接收信息同包裹。嘿美後來喺在《死神的聖物》入面受到食死人嘅詛咒殺死咗;電影版就係為咗保護哈利而犧牲。
哈利繼承咗佢老豆嘅兩樣珍貴物品:一件係劫盜地圖,它可以顯示到霍格華茲嘅設施、場地同和實時邊個喺度;另一件係鄧不利多交俾佢嘅隱形斗篷,呢樣嘢證明咗哈利同皮福雷家族之間嘅血緣關係。
族譜
編輯根據《吟遊詩人皮陀故事集》,皮福雷三兄弟入面嘅大佬
雖然史萊哲林同葛來分多都係嚟自同一時代嘅人物,但係羅琳後來喺訪問入面明確咁證實咗哈利同史萊哲林之間一啲關係都無,但係哈利亦都唔係葛來分多嘅後代。
伊諾特死咗之後葬咗喺哈利嘅出生地-高錐客洞,呢個城鎮都係因為高錐客·葛來分多嘅故鄉而得名。
皮福雷家族 (波特家族嘅巫師遠祖) | 薩拉扎·史萊哲林 | ||||||||||||||||||||||||||||||||||||||||||||||||||||||||||||||||||||
德思禮夫婦 (威農姨丈嘅麻瓜祖先) | 伊凡家族 (哈利嘅麻瓜外祖) | 皮福雷家族 (波特家族嘅巫師祖先) | 岡特家族 (佛地魔嘅遠祖) | ||||||||||||||||||||||||||||||||||||||||||||||||||||||||||||||||||
德思禮夫婦 (佩妮姨媽嘅夫家) | 伊凡夫婦 (哈利外公外婆) | 波特夫婦 (哈利阿爺阿嫲) | 湯姆·瑞斗嘅父母 | ||||||||||||||||||||||||||||||||||||||||||||||||||||||||||||||||||
瑪姬·德思禮 (威農姨丈家姐) | 威農·德思禮 (哈利姨丈) | 佩妮·德思禮 (哈利姨媽) | 莉莉·伊凡 (哈利阿媽) | 詹姆·波特 (哈利阿爸) | 亞瑟·衛斯理 (哈利外父) | 茉莉·衛斯理 (哈利外母) | 湯姆·瑞斗 | ||||||||||||||||||||||||||||||||||||||||||||||||||||||||||||||
達力·德思禮 (哈利表哥) | 哈利·波特 | 金妮·衛斯理 (哈利老婆) | 金妮·衛斯理 其餘嘅五個阿哥 (參見:衛斯理家族) | ||||||||||||||||||||||||||||||||||||||||||||||||||||||||||||||||||
詹姆·天狼星·波特 (大仔) | 阿不思·賽佛勒斯·波特 (細仔) | 莉莉·露娜·波特 (細女) | |||||||||||||||||||||||||||||||||||||||||||||||||||||||||||||||||||
在小說入面,哈利·波特係詹姆·波特同莉莉·波特嘅獨生仔,佢喺仲係手抱咁大嗰陣已經係孤兒。羅琳喺第一輯小說嘅早期草稿裡面已經將哈利設定做孤兒,佢認為孤兒呢個設定係最有趣嘅寫作題材[4]。不過喺佢本人嘅阿媽過身之後,羅琳就將自己嘅痛苦融入其中,將哈利形容為一個渴望再次見到佢死咗父母嘅細路。雖然哈利嘅父母都係有魔法技能嘅巫師同女巫,但因為詹姆係純血巫師,而莉莉係麻瓜出身嘅女巫,因為咁所以哈利喺嗰個系列裡面被列為混血巫師。
由於哈利嘅姨媽同姨丈一家都係麻瓜,佢哋抗拒喺魔法世界存在嘅關係,搞到佢哋要同哈利隱瞞佢父母嘅死亡真相,淨係向哈利講大話指佢哋兩個死喺車禍入面[3]。詹姆·波特係《吟遊詩人皮陀故事集》裡面《三兄弟故事》中嘅老三—死神聖物嘅原始擁有人—
喺小說嘅最後,佢哋嘅故事透過哈利同金妮·衛斯理嘅三個仔女繼續傳承落去:詹姆·天狼星·波特(佢個名來自哈利嘅阿爸同契爺)、阿不思·賽佛勒斯·波特(佢個名來自霍格華兹嘅兩位已故校長)、莉莉·露娜·波特(哈利用嚟紀念佢阿媽同路平,路平嘅綽號係月影,而露娜「Luna」喺法語入面都有月亮嘅意思,同時呢個名又係哈利同金妮嘅好友露娜·羅古德)。
2015年9月,羅琳喺《Pottermore》網站上發表嘅一篇原創文章入面,她更詳細咁講咗有關波特家族嘅歷史:嗰個係喺12世紀嘅巫師—「
哈利·波特嘅兩個祖先—
亨利·波特嘅仔—
迴響及評價
編輯![](http://upload.wikimedia.org/wikipedia/commons/thumb/0/04/Harry_Potter_sculpture_in_Leicester_Square_%2850725720988%29.jpg/220px-Harry_Potter_sculpture_in_Leicester_Square_%2850725720988%29.jpg)
2002年,哈利·波特被《圖書》雜誌評為「百大最佳虛構人物」中嘅第85位[28],仲喺英國嘅第4頻道節目《我哋又愛又恨嘅100個最差嘅英國人》當中排名第35位[29]。《娛樂週刊》喺佢嘅2010年《過去20年裡最偉大的100個角色》名單中,哈利·波特排名第二位,仲講到「喺我哋跳去小說嘅最後一頁同埋睇咗最後嘅片尾字幕好耐之後,我哋仍然覺得哈利就好似我哋識得嘅人。呢個就係佢最神奇嘅地方[30]」。《UGO網絡》將哈利列做佢哋有史以來最好嘅英雄之一,佢哋指「對於嗰啲經常受壓抑同被踐踏嘅年輕男女粉絲嚟講,哈利成為咗英雄,佢哋終於擁有了一個受到人哋尊重同崇敬嘅偶像,唔再係鄙視著住長袍同揮舞住魔杖嘅傻仔飼料[31]。」《帝國雜誌》將飾演哈利·波特嘅丹尼爾·域卡夫選做2008年「有史以來最偉大嘅百大電影角色」名單入面排名第36位[32]。《IGN》話哈利·波特係佢哋最鍾意嘅《哈利波特》入面嘅角色,並話佢係「富有同情心嘅人物」,並喺回應佢同佛地魔嘅戰鬥嗰陣講「每個人都鍾意善與惡嘅弱者故仔[33]」。
另一方面,哈利·波特都受到批評。
就算一啲基督教基要主義者反擊批評羅琳喺嗰個系列入面用巫術同魔法[36],但係其他基督教評論家,當中包括
2006年,羅琳喺度寫緊《哈利波特》嘅最後一輯《哈利波特:死神的聖物》嗰陣,美國作家史蒂芬·金同約翰·艾文都表示關注哈利·波特嘅最終命運,仲請羅琳唔好寫死哈利。史蒂芬·金話唔希望哈利·波特同福爾摩斯一樣經歷「萊辛巴赫瀑布」事件(柯南·道爾安排角色福爾摩斯死喺萊辛巴赫瀑布,但就引起一大班讀者不滿,佢唯有俾福爾摩斯重新返嚟)。羅琳就回應話:「史蒂芬·金同艾文喺佢哋嘅作品入面安排角色死嘅次數仲多過我自己嘅作品[39][40]」。
演員
編輯在2001年-2011年上映嘅八輯《哈利波特系列》電影入面,哈利·波特嘅角色一直都係由英國演員丹尼爾·域卡夫飾演。
2000年,電影製片人大衛·海曼喺正喺倫敦睇一齣叫《在他口袋裡的石頭》嘅舞台劇嗰陣,當時佢要求域卡夫為哈利嘅角色進行試鏡[41][42]。丹尼爾·域卡夫喺2007年接受《MTV》嘅採訪嗰陣講,哈利對佢嚟講係個典型嘅成年禮角色:「呢個就係電影對我嘅意義—無咗純真,從一個對周圍世界充滿敬畏嘅細路開始,去到一個喺世界結束嗰時變得更加頑強嘅人[43]」。佢仲話,對佢嚟講,影響哈利心理嘅重要因素係關於佢已故父母嘅倖存者內疚感,以及佢嗰種揮之不去嘅孤獨感。正因為咁樣,域卡夫同一位喪親輔導員傾計嚟幫佢為呢個角色做準備[43]。域卡夫被引用話佢想哈利喺小說入面死咗,但他澄清話自己「無辦法想像任何可以得出結論嘅其他方式[43]」。喺睇咗最後一輯小說之後,哈利同佢班朋友確實無死到悻存落嚟仲有埋仔女,域卡夫話佢對結局覺得開心,仲讚羅琳故事嘅結尾[44]。域卡夫話,他俾人問得最多嘅問題是《哈利波特》點樣影響咗佢自己嘅生活,佢成日都答呢個問題係「好好」,佢唔覺得呢個角色被歸類,佢反而會睇飾演哈利為一項好大嘅特權[45]。
流行文化
編輯- 巫師搖滾係一項始於2002年嘅音樂運動,由至少200個年輕音樂人組成嘅樂隊組成,演奏有關哈利波特嘅歌曲[46][47]。呢場運動以樂隊哈利與波特氏喺麻省開始,佢哋以Cosplay嘅形式喺現場表演期間扮演哈利[48][49]。
- 2005年,哈利波特套裝係最暢銷萬聖節服裝嘅第五位[50]。